Filemon 1:21 - Manobo Sarangani

²¹ Dalem te pegsolat ko kani, netegahan ko te egkeseligan ka tomoman te pinemoyò ko kamno, aw labi pa heman dakel se inangen nikaw.

Filemon 1:21 ပူးပေါင်းရင်းမြစ်များ

Roma 2:19

Eg-aneng-aneng kaw besi te iling kaw te mèpiya otaw meg-agak te otaw bota, aw iling kaw te solò eg-olog te dalan pesalo doton te Timanem.

2 Korinto 2:3

Simolat a kenyo kedengan amon tòliden niyo se inang niyo, amon eked a niyo kebegayi te lidò aw domoton a. Sikiyo peden se memegay kanak te luba, so netegahan ko den aw tomolò kaw te insolat ko, yan meluba se kedita tadon.

2 Korinto 7:16

Na, siaken, ontò dakel se luba ko, so pineokit te mèpiya inang niyo, netegahan ko den te keseligan kaw.

2 Korinto 8:22

Na, doen heman sebad kedowa tadon isogò ko doma i Tito komidoen kenyo. Se otaw seini, melikit ko egkitaen se menge inang din aw ontò measeb. Labi pa meagka se pedowan din komidoen kenyo so egseligan kaw din.

Galasya 5:10

Aneng-aneng ko, memenal kaw te kagi ko kenyo seini, so telekedowa kidon den pineokit te Pengolo tadon. Meneng pengkey sinu se megbulung te aneng-aneng niyo, yan se otaw ipelumun te Timanem.

2 Tesalonika 3:4

So simalig kay diyà te Pengolo tadon, netegahan day te gayed kaw egtolò te impunù day kenyo.