Filemon 1:19 - Manobo Sarangani

¹⁹ Siak se simolat te kagi seini. Siaken, Pablo, se mayad kenyan. Meneng netegahan no den te dakel se ontong no kanak, so pineokit kanak neabat no se kaling pedowan wedad temanan.

Filemon 1:19 ပူးပေါင်းရင်းမြစ်များ

Genesis 43:9

Megsapà a den kamno te siaken se megbantay kandin amon wedad megpeeleg kandin. Aw eked ko sikandin keolì dini kamno, yan se salà ko kamno te wedad temanan.

Roma 16:22

Siaken heman, si Tercio, impesolat i Pablo te solat seini, eg-aneng-aneng a heman kenyo tandà te pegpesakop tadon diyà te Pengolo tadon.

1 Korinto 4:15

Pengkey pila gatos se doma otaw megtoladà kenyo tepad ki Cristo, meneng ikà niyo egkelibel te siaken olò se amay niyo, so nemenal kaw ki Cristo pineokit te pegtoladà ko kenyo te Mèpiya Indan.

2 Korinto 10:1

Na, siak si Pablo doen ipunù ko kenyo lekat te pegketinuud aw keido i Cristo. Siak ekon se telawun aw kidoen a doma niyo, meneng mebolot a ekon aw somolat a kenyo lekat te mediyò.

2 Korinto 3:2

Sikiyo se iling te solat megpekilala kanak doton te kedita te doma otaw, so nemenal kaw den ki Cristo lekat te pegtoladà ko.

2 Korinto 9:4

Aw doen menge tege Masidonya tomaking kanak te pegpesalo ko doton kenyo te Korinto, simpana kitaen dan te wedà kaw peketagad, siak se meyàyà, meneng sikiyo se labi pa meyàyà so induyun ko sikiyo te neketagad kaw den.

Galasya 5:2

Penenelani niyo se kagi ko seini. Simpana punù ingkeliwat i Moises se seligan niyo amon meg-aneng-aneng se Timanem te metòlid kaw, wedad ontong te pegpemenal niyo ki Cristo.

Galasya 6:11

Siak si Pablo se simolat te temanan te kagi ko seini diyà kenyo. Ehai niyo se kededakel te pegsolat ko kani.

1 Timoteo 1:2

Simolat a kamno, Timoteo. Iling ka te ontò batà ko tandà te pegpemenal no ki Cristo. Ibeg ko, tebangan ka, aw keidowan ka, aw begayan ka te kelinaw te pedowan lekat te Amay tadon Timanem aw Pengolo tadon si Jesu Cristo.

Tito 1:4

Seini se solat ko kamno, Tito. Iling ka te ontò batà ko, so nemenal ka te Pengolo tadon iling te pegpemenal ko kandin. Ibeg ko, tebangan ka aw begayan ka te kelinaw te pedowan lekat te Timanem Amay aw lekat ki Jesu Cristo egpelowà kenitadon.

Filemon 1:18

Aw doen kemalì ininang din kamno, aw doen salà din kamno te kwarta, listahi iyan diyà te kanak ngadan.