Filemon 1:14 - Manobo Sarangani

¹⁴ Meneng eked ko sikandin temengi, so eked a keibeg aw meleges se tabang no kanak. Labi pa mèpiya aw lekat iyan te keagka te pedowan nikaw. Yan eked ko tomani se ontò ibeg ko singed aw mepakay iyan diyà kamno.

Filemon 1:14 ပူးပေါင်းရင်းမြစ်များ

1 Korinto 9:17

Meneng aw lekat te kanak ibeg se pegtoladà ko, yan se ontong ko aw togpoan a. Meneng kenà iyan lekat te kanak ibeg, so insalig te Timanem kanak se pegtoladà te Mèpiya Indan tepad ki Cristo, aw se keluba ko te pegtoladà ko, yan se ontong ko pengkey eked ko sikiyo petogpoi. Pengkey mepakay aw togpoan a te otaw toledaan ko te Mèpiya Indan, meneng eked a palos pemoyò te togpò lekat kandan.

1 Korinto 9:7

so se otaw megpagod, keilangan doen ontong din. Wedad palos sondalo menogpò te kandin pegkeotawun. Wedad heman otaw eked kaen te pongo te intanem din. Wedad heman otaw telediyaga eked inem te gatas lekat te baka tinonggoan din.

2 Korinto 1:24

Kenà ko se egsogò kenyo tepad te pegpemenal, so nelobos den se pegpemenal niyo. Meneng egtelaban a kenyo tepad te pegpemenal amon meluba kaw.

2 Korinto 8:12

Aw meagka se pedowan niyo, mèpiya aw ibegay niyo se taman te mebatog niyo, so eked kaw legesi memegay te labi pa dakel kenyan.

2 Korinto 9:5

Yan se doun te migsogò a kandan ki Tito kidoen te eked a pa doton, amon ipetagad dan se bowang tapay niyo impakang. Mèpiya aw tapay den iyan tiponen te eked a pa dateng doton. Ibeg ko, memegay kaw kenà lekat te leges, meneng lekat te keagka te pedowan niyo.

2 Korinto 9:7

Iling heman kenyan se otaw memegay. Keilangan lekat te ibeg te pedowan din. Medaet aw mebegat se pedowan te otaw memegay. Medaet heman aw meleges te doma otaw, so meluba se Timanem aw memegay se otaw lekat te keagka te pedowan din.