Efeso 6:9 - Manobo Sarangani

⁹ Sikiyo menge otaw doen allang, keilangan mèpiya heman se pedowan niyo kandan. Ikà niyo eglamit kandan, so netegahan niyo te onawa se Pengolo niyo aw Pengolo dan eg-ogpà doton te langit. Diyà te aneng-aneng din, onawa se keelagà te kedita te otaw, pengkey allang aw kenà allang.

Efeso 6:9 ပူးပေါင်းရင်းမြစ်များ

Kolasas 3:25

Meneng aw medaet se eg-inangen te otaw, medaet heman se pelumun domateng kandin, so wedad palos otaw pedigselan te Timanem te peg-okom din.

Ininang 10:34

Nayan, migtebò si Pedro migtoladà kandan, kagi din, “Ontò ko netegahan te kenà olò Judiyo se otaw egkeidowan te Timanem.

Roma 2:11

so wedad palos otaw pedigselan din te peg-okom.

Luc. 6:31

Aw meibeg kaw te mèpiya se inangen te doma otaw diyà kenyo, keilangan mèpiya heman se inangen niyo diyà te doma otaw.

Mat. 7:12

“Aw meibeg kaw te mèpiya se inangen te doma otaw diyà kenyo, keilangan mèpiya heman se inangen niyo diyà te doma otaw. Pineokit kenyan, tomanen niyo se kedita te punù ingkeliwat i Moises aw intoladà te menge telekeliwat te kagi te Timanem gebii.”

Santiago 2:13

Aw meg-okom se Timanem te kedita te otaw, eked din keidowi se otaw wedà keido te doma otaw nelimahan. Meneng aw meido se otaw te doma otaw nelimahan, wedad kelemitanan din aw okomen te Timanem.

Santiago 2:8

Mèpiya aw toloen niyo se punù te Timanem, sìyan kagi din insolat, “Kedekeli niyo te pedowan se doma otaw iling te peg-aneng-aneng niyo te kenyo pegkeotawun.”

1 Korinto 1:2

Seini se solat ko diyà te kedita niyo menge sakop te Timanem kidoen te Korinto. Egpenimanem kaw so migsebad se pedowan niyo diyà ki Jesu Cristo, aw tinawal kaw te Timanem amon inangen kaw din sakop din sipat kedita te doma otaw egpemenal te Pengolo tadon si Jesu Cristo, pengkey doton te menge doma ogpeanan, so sikandin se Pengolo dan heman.

Juan 13:13

Eg-ikagi kaw te siak se Menenoladà, aw egtewalen a niyo Pengolo. Neketotok iyan, so ontò a Pengolo niyo, aw egtoladà a kenyo.

Santiago 5:4

Netegahan den te Timanem te miglimbong kaw te pegtandan niyo te menge otaw migterbaho doton te pawà niyo. Dinineg te Timanem se pegbelisì dan, aw yan domapit kandan se Timanem metolos.

1 Korinto 7:22

Pengkey allang kaw pa, meneng iling kaw den te kenà allang, so impelowà kaw te Pengolo lekat te salà. Aw sikiyo kenà allang te pegtawal te Timanem kenyo, neinang kaw den iling te allang, so tinig-apò kaw den i Cristo.

Mat. 24:51

Metoman sikandin ipelumun te amo din, so ipelumun sikandin iling te menge otaw eden dan aw egpenimanem dan. Ontò megkelag se otaw doton, aw megyangget-yangget se ngipen dan tandà te kegemakan dan.”

Mat. 24:48

Meneng aw meg-aneng-aneng se medaet sineligan te menamay pa se pegdateng te amo din,

Mat. 22:10

Penga niyan, dimoton dan te menge dalan, aw impetaking dan se kedita te otaw netelaan dan, pengkey mèpiya se keogpà dan aw pengkey kenà. Yan medita se otaw impetanod dan, aw nepenò den se balay.

Mat. 22:8

Penga niyan, minikagi se selotan diyà te menge sineligan din, ‘Integilan den se kànen, meneng eked ko petenodi se otaw tapay impeangay ko, so kimulu dan.

Kolasas 4:1

Na, sikiyo menge otaw doen allang, keilangan metòlid se pegpengibing niyo kandan, so netegahan niyo te doen heman Pengolo niyo doton te langit.