Efeso 5:4 - Manobo Sarangani

⁴ Eked heman kepakay aw mikagi kaw te medaet. Eked heman kepakay aw mikagi kaw te wedad ontong. Eked heman kepakay aw megkebawol kaw te medaet. Meneng keilangan gayed kaw megpesiontong diyà te Timanem.

Efeso 5:4 ပူးပေါင်းရင်းမြစ်များ

Kolasas 3:8

Meneng seini, keilangan tenanan niyo den se kedita te medaet ketanem iling kani. Ikà niyo egkeopal. Ikà niyo egbantak. Ikà niyo egbaet-baet te doma otaw. Ikà niyo eg-ikagi te medaet.

Efeso 4:29

Ikà niyo palos eg-ikagi te medaet diyà te doma otaw. Meneng keilangan mèpiya se ikegiyen niyo diyà te doma otaw amon megkagsen dan aw ketebangan dan pineokit te kagi niyo. Aw meketepad se kagi niyo, yan ketebangan se otaw domineg kenyo.

1 Tesalonika 5:18

Keilangan gayed kaw megpesiontong diyà kandin pengkey eden se domateng kenyo. Yan se ibeg te Timanem inangen niyo pineokit ki Jesu Cristo.

2 Pedro 2:18

Iling te medalem se ipegtoladà dan, meneng wedad kebenalan niyan. Pineokit te medaet ibeg te lawa, egboyowen dan se menge otaw kaling timanan te menge doma dan eg-inang te medaet.

Menge Hebreo 13:15

Doen den keilangan ibegay tadon diyà te Timanem pineokit ki Jesus, aw yan se pegduyun tadon te Timanem te wedad temanan. Keilangan gayed kidon megpetaga-taga te egpesiontong kidon diyà kandin.

Filipos 4:6

Pengkey eden se domateng kenyo, ikà niyo palos egketetana. Meneng pegtawal-tawal kaw tepad te kedita diyà te Timanem. Pemoyoi niyo diyà kandin se kedita te kelidoan niyo. Pegpesiontong kaw heman kenyan diyà kandin.

Judas 1:10

Meneng se menge otaw sìyan, egtompuyus dan te kedita wedà dan ketegahi. Iling dan te menge menenanap te kebenesan wedad aneng-aneng, so pengkey eden se ibeg te pedowan dan, yan se inangen dan. Yan se doun te pegbàtan dan te wedad temanan.

2 Korinto 9:15

Mèpiya aw ontò kidon megpesiontong diyà te Timanem Amay, so mèpiya se tabang din kenitadon, so insogò din se Batà din si Jesus. Eked a pekebatog meg-indan te kedalem te tabang din, so ontò iyan mèpiya.

Mar. 7:22

aw egkeibeg te kedònan te doma, aw eg-inang te medaet, aw eg-akal, aw wedad yàyà metibayi, aw eg-ingà, aw egbaet-baet, aw egpelangkaw-langkaw, aw wedad inenengen.

Judas 1:13

Iling dan te dedakel balud doton te dagat. Eked kebolon se medaet eg-inangen dan so iling dan te sagbet ipegdagsà doton te enay. Kenà dan egkeseligan, so iling dan te menge bitoen nealin lekat te nesolan dan doton te langit. Yan impetagad te Timanem se ogpeanan dan kidoen te kengitngitan doton te kilot te wedad temanan.

2 Korinto 1:11

Mèpiya aw megtabang kaw kanak pineokit te pegtawal-tawal niyo diyà te Timanem, amon megpesiontong se medita otaw diyà te Timanem tandà te pegpelowà din kanak pineokit te pegtawal-tawal te medita otaw.

Roma 1:28

So wedà dan pegsagman te Timanem, pinebeyaan din dan. Yan se doun te tomalag den medaet se aneng-aneng dan aw medaet heman se eg-inangen dan.

2 Pedro 2:7

Meneng si Lot olò se impelowà din, so metòlid se eg-inangen din. Ontò nepuluk se pedowan din so wedad yàyà te menge otaw kidoen mig-inang te medaet.

Filemon 1:8

Doun niyan, doen ibeg ko kamno. So insogò a i Cristo, mepakay aw somogò a kamno meg-inang te metòlid.

1 Tesalonika 3:9

Ontò kay den egpesiontong diyà te Timanem tepad kenyo, so binegayan kay din te keluba pineokit kenyo.

Efeso 1:16

Lekat te pegdineg ko kenyan, gayed a egtawal-tawal aw egpesiontong diyà te Timanem tepad kenyo.

Juan 6:23

Wedà dan pegkità ki Jesus, meneng doen menge belangay lekat te Tibiryas migdong dapag te tanà kinànan dan te pan impesiontong i Jesus.