Efeso 5:3 - Manobo Sarangani

³ So sakop kaw te Timanem, ikà niyo eglayok te kenà kenyo esawa. Ikà niyo egkapoy. Ikà niyo eg-ingà. Keilangan ketegahan te wedad palos eg-inangen niyo iling kenyan.

Efeso 5:3 ပူးပေါင်းရင်းမြစ်များ

Kolasas 3:5

Yan, so iling te nematay kaw den doma ki Cristo, keilangan imetayan niyo se ibeg te pedowan niyo meg-inang te medaet iling te ininang niyo kedengan. Ikà niyo eglayok te kenà kenyo esawa. Ikà niyo egkapoy. Ikà niyo egkeboyo te medaet pengkey lekat iyan te kenyo pedowan. Ikà niyo eg-ingà te kedònan te doma otaw, so iling iyan te pegsimba niyo diyà te kenà benal timanem.

Efeso 5:5

Ketegahan niyo te benal se kagi ko seini. Eked peekopi i Cristo aw Timanem se otaw diyà te peglowan din aw eglayok dan te kenà kandan esawa, aw egkapoy dan, aw eg-ingà dan. Aw eg-ingà se otaw, doen egsimbahen din kenà Timanem.

1 Tesalonika 4:3

Seini se ibeg te Timanem inangen niyo. Ibeg din wedad salà inangen niyo. Keilangan eked kaw layok te kenà kenyo esawa.

1 Korinto 6:18

Ikà niyo eg-inabut te kenà kenyo esawa. Se lawa, wedad labut te kedita te doma salà, meneng se otaw eglayok te kenà kandin esawa, mekesalà sikandin pineokit te lawa din.

1 Tesalonika 4:7

Tinawal kidon te Timanem kenà amon meg-inang kidon te medaet, meneng tinawal kidon din amon meg-inang kidon te metòlid.

1 Korinto 6:13

Eneng-enengi niyo ini. Benal se eg-ikegiyen te doen kànen amon isawol diyà te getek, aw doen heman getek amon solan te kànen. Meneng eked kepakay aw megkelagok kidon, so doen kwani aldaw pegbàtan te Timanem se getek aw kànen. Iling heman kenyan se lawa tadon. Ininang iyan te Timanem kenà amon meibeg kidon te kenà kenitadon esawa, meneng ininang kidon din amon tomolò kidon te ibeg te Pengolo tadon, aw netegahan te Pengolo tadon se keilangan te lawa tadon.

Efeso 5:12

Ontò medaet se eg-inangen dan kenà egkitaen te doma otaw, igsà mekeyèyaay se otaw mikagi tepad kenyan.

Mat. 15:19

Pedowan se kelekatan te medaet ibeg te otaw egbonò, aw eglakad, aw egpenakaw, aw egkebolalaw, aw egbaet-baet.

Impekità 2:21

Migtagad a kandin amon megselsel te peglayok din te kenà kandin esawa, meneng eked keibeg megselsel.

1 Korinto 10:8

Eked kepakay aw lomayok kidon te kenà kenitadon esawa, iling te ininang te medita doma dan, so yan se doun te impelumun dan te Timanem, aw kelowan teg telo melalan se otaw negelà te sebad olò se aldaw.

Impekità 22:15

Meneng se kedita te otaw eg-inang te mekeyàyà, aw egketoigan, aw eglayok te kenà kandan esawa, aw metibonò, aw egsimba te kenà benal timanem, aw kedita te otaw egkebolalaw aw egkeibeg te kebolelawan, yan se eked pekeawop te lonsod.

Impekità 21:8

Meneng se kedita te otaw dàgen te kededàtan, aw eked tayod te pegsalig kanak, aw otaw nelegeb te salà, aw metibonò, aw eglayok te kenà kandan esawa, aw egketoigan, aw egsimba te kenà benal timanem, aw egkebolalaw, doen ontong te kedita dan kidoen te lanaw apoy aw esopri, yan se ikedowa kemetayun.”

Impekità 2:14

Pengkey induyun ko sikiyo, meneng netegahan ko heman te doen medaet eg-inangen niyo, so doen otaw doton kenyo egtaking te kebolalaw intoladà i Balaam gebii. Migtoladà si Balaam ki Balak te peokit te pegboyo din te menge bowad-bowad i Israel amon lomengà dan te pegtaking dan diyà te Timanem. Binoyo din dan amon komaen dan te pengelapen imbegay diyà te kenà benal timanem, aw amon lomayok dan te kenà kandan esawa.

1 Korinto 5:1

Na, dinineg ko te doen ekon otaw kidoen kenyo migsembowaga, so doen ekon eglayok te esawa te amay din. Pengkey kidoen te menge otaw kenà egpemenal, wedad otaw eg-inang kenyan, so ontò iyan medaet.

Impekità 9:21

Wedà dan heman lengà te pegbonò dan, aw pegketoigan dan, aw peglayok dan te kenà kandan esawa, aw pegpenakaw dan.

2 Pedro 2:3

Tandà te ibeg dan mengewarta, megtoladà dan kenyo te kebolalaw amon mengabat dan te kwarta niyo. Nenamay den doen pelumun impetagad kandan, aw agpet den dan ipelumun te Timanem.

Menge Hebreo 12:16

Peg-ahà kaw amon wedad otaw doton kenyo meg-inabut te kenà kandin esawa, aw tominggetan heman sikandin te Timanem. Iling kenyan si Esau gebii, so pengkey sikandin se keliwatan peden te pakang te Timanem diyà te kemonaan din so sikandin se penganay batà te amay din, meneng inliwan din se pegkepenganay din diyà te kànen neamin te sebad olò pegpengaen.

2 Korinto 12:21

Pengkey metòlid se intoladà ko kenyo, meneng netetana a so meyàyà a diyà te Timanem aw domateng a kidoen kenyo tandà te salà niyo. Melidò a aw doen pa menge otaw nemenal kidoen kenyo wedà pegselsel te peg-inang dan te medaet kedengan, aw peglayok dan te kenà kandan esawa, aw pegkemetibayi dan.

Tito 2:3

Iling heman kenyan se itoladà no diyà te menge lokes, te keilangan metòlid se inangen dan amon meluba se Timanem kandan. Eked kepakay aw megbaet-baet dan aw meglasing dan. Keilangan mèpiya se itoladà dan

2 Timoteo 3:2

Doen kwani menge otaw megkedemet, aw mengewarta, aw megpeduyun, aw megpelangkaw-langkaw. Megtompuyus dan te doma otaw, eked dan tolò te amay aw inay dan, mengako dan, aw eked dan pegsagman te Timanem.

Ininang 15:20

Meneng mèpiya aw olò kidon somolat kandan aw megpunù kidon te eked dan kaen te pengelapen tapay imbegay diyà te inotaw, aw ayam-ayam egpelengen aw dipanog, aw eked dan heman peg-inabut te kenà kandan esawa.

2 Pedro 2:14

Aw komità dan te bayi, ibeg dan leyokan dan. Eked lengà se ibeg dan meg-inang te salà. Biyasa dan egboyo te menge otaw egdowa-dowa tepad te pegtaking dan te Timanem. Nelegeb se pedowan dan te peg-ingà. Eked dan pekelowà lekat te pelumun te Timanem.

2 Pedro 2:10

Ontò medaet se pelumun din te kedita te otaw egtaking te medaet ibeg te lawa dan aw eked tolò te Timanem. Iling heman kenyan se menge otaw egpelingo-lingo te lekat te Timanem se ipegtoladà dan. Mebolot dan, aw kandan ibeg se egtekingan dan. Kenà dan egsagman te doen kelangkaw doton te langit, meneng egtompuyus dan kandan.

1 Pedro 5:2

Peg-ipat kaw te menge otaw egtoledaan niyo, so insalig dan te Timanem diyà kenyo. Peg-ipat kaw kandan kenà lekat te pegkeleges, meneng lekat te kèpiya te pedowan niyo, so yan se ibeg te Timanem kenyo. Pengibing kaw kandan kenà amon tendanan kaw, meneng keilangan meagka se pedowan niyo te pegtabang niyo kandan.

Tito 1:11

Meneng keilangan segdahen no se pegtoladà dan, so medita se pamilya egsemoken dan pineokit te pegtoladà dan te eked kepakay itoladà. Meneng yan se ipegtoladà dan amon mengewarta dan.

Tito 1:7

So egseligan sikandin te Timanem mengibing te menge otaw egpemenal, keilangan wedad palos isila kandin. Eked kepakay se otaw egpelangkaw-langkaw, aw mebabaw se pedowan din, aw metiinem, aw egbolaw, aw egpengewarta.

1 Timoteo 3:3

Eked kepakay aw eglasing, aw egbolaw, meneng keilangan mèpiya se pedowan din diyà te doma otaw. Eked kepakay aw egdindil aw egpengewarta.

1 Timoteo 2:10

Meneng keilangan iduyun dan tandà te peg-inang dan te mèpiya, so yan se keilangan inangen te menge bayi eg-ikagi te egtaking dan te Timanem.

Filipos 1:27

Nayan, pengkey eden se domateng kanak, keilangan onawa se inangen niyo diyà te Mèpiya Indan tepad ki Cristo intoladà kenyo. Yan pengkey domoton a kenyo, aw olò a indanan tepad kenyo, ketegahan ko te wedà kealin se pegsalig niyo diyà ki Cristo, aw sebad se pedowan niyo se egpetebangay te pegtoladà niyo te Mèpiya Indan tepad ki Cristo pinemenalan niyo.

Roma 16:2

Aw domateng sikandin doton kenyo, pegsagman kaw kandin tandà te pegsalig din diyà te Pengolo tadon, so yan se keilangan inangen tadon menge sakop te Timanem. Aw doen kelidoan din, pegtabang kaw kandin, so medita se doma otaw tinebangan din, pengkey siaken, tinebangan a din heman.

Roma 6:13

Ikà niyo eglegamit te lawa niyo meg-inang te salà. Meneng keilangan ipelowan niyo se Timanem diyà kenyo, so impelowà kaw din lekat te kemetayun aw binegayan kaw din den te kaling pedowan. Begayi niyo se lawa niyo diyà te Timanem amon gemiten din iyan meg-inang te metòlid.

Roma 1:29

Nelegeb dan te medita kemolò te medaet. Egkeibeg dan te kedònan te doma, aw egtindaet dan. Gayed dan eg-ingà, aw egbonò, aw egdindil, aw eg-akal, aw medaet se eg-ikegiyen dan tepad te doma otaw. Egbelikbik dan,

Ininang 20:33

“Wedà a palos ingà te kwarta aw penenaktun niyo.

Luc. 16:14

Nayan, pegdineg te menge Parisiyo te intoladà i Jesus, pigbàtan-bàtan dan sikandin, so egkeibegan dan se kwarta.

1 Timoteo 6:10

Aw egkeibeg se otaw mengewarta, yan se eglekatan te peg-inang din te medita kemolò te medaet. Doen den menge otaw simoway lekat te kebenalan tapay dan pinemenalan tandà te ibeg dan egpengewarta, aw ontò den nepuluk se pedowan dan tandà te kelimahan dan.

Luc. 12:15

Minikagi heman si Jesus diyà te otaw netipon, “Ikà niyo eg-ingà te kedònan te doma otaw. Pengkey ontò dakel se kedònan te otaw, meneng eked pegkelayat se omol din pineokit kenyan.”