Efeso 5:1 - Manobo Sarangani

¹ Yan, so ininang kaw te Timanem menge batà din egkedekelan din te pedowan, keilangan meg-iling kaw kandin.

Efeso 5:1 ပူးပေါင်းရင်းမြစ်များ

1 Juan 4:11

Menge kedowa egkedekelan ko te pedowan, so ontò dakel se pedowan te Timanem kenitadon, yan keilangan megpedekelay kidon heman te pedowan.

Efeso 4:32

Meneng keilangan meg-inang kaw te mèpiya, aw megpeidoway kaw. Keilangan pegwedaden niyo se salà ininang te doma otaw diyà kenyo, iling te pegwedad te Timanem te salà ininang niyo tandà te pegkematay i Cristo.

Mat. 5:48

Yan, keilangan melobos se pedowan niyo iling te kelobos te pedowan te Amay niyo Timanem doton te langit.”

Kolasas 3:12

Pinemallì kaw te Timanem, aw sinakop kaw din, aw egkedekelan kaw din te pedowan. Yan keilangan todaen niyo se keogpà niyo, so keilangan megpeidoway kaw, aw meg-inang kaw te mèpiya diyà te doma otaw. Keilangan megpedanà kaw te pegkeotawun niyo. Keilangan medalem se pedowan niyo. Keilangan melayat se pedowan niyo.

Juan 1:12

Meneng pengkey sinu se migsagman kandin aw nemenal kandin, yan se otaw mepakay meinang menge batà te Timanem.

Mat. 5:45

Aw iling kenyan se eg-inangen niyo, yan ipetaga-taga niyo te batà kaw te Timanem doton te langit, so gayed sikandin egpesenang te aldaw diyà te kedita te otaw pengkey medaet aw mèpiya se pedowan dan. Gayed heman sikandin egpetedak te odan diyà te pawà te kedita te otaw pengkey metòlid aw kenà metòlid se eg-inangen dan.

Filipos 2:15

amon wedad mekesila kenyo menge batà te Timanem. Pengkey eg-ogpà kaw doma te otaw eg-inang te medaet aw nelegeb te salà, meneng keilangan melobos se pedowan niyo aw metòlid se eg-inangen niyo. Iling kaw te menge bitoen eg-anyag kidoen te langit, so egkitaen kaw te doma otaw kenà egtaking te Timanem,