Efeso 4:6 - Manobo Sarangani

⁶ Olò sebad se Timanem Amay te kedita tadon. Eglowan sikandin diyà te kedita tadon. Pengkey kenan kidon peg-ogpà, kidoen sikandin. Eg-ogpà sikandin diyà te kedita tadon.

Efeso 4:6 ပူးပေါင်းရင်းမြစ်များ

Roma 11:36

Sikandin se mig-inang te kedita, aw pineokit te tolos din, egbayà-bayà sikandin te kedita te ininang din. Iduyun heman sikandin pineokit te kedita niyan. Iduyun sikandin te wedad temanan. Metoman iyan.

1 Korinto 8:6

meneng diyà kenitadon egpemenal, olò sebad se Timanem Amay. Sikandin se eglekatan te kedita aw egtekingan tadon. Sebad heman se Pengolo tadon aw yan si Jesu Cristo. Pineokit kandin, ininang te Timanem se kedita, aw pineokit kandin, mekepedapag kidon diyà te Timanem.

Juan 20:17

Minikagi si Jesus, “Ikà eg-awid kanak, so wedà a pa pegpeengat doton te Amay ko. Meneng doton ka te menge kedowa ko, aw peg-indan ka kandan te molì a pa doton te Amay ko, doton te Timanem ko. Sikandin se Amay niyo heman aw Timanem niyo.”

1 Juan 3:24

Se kedita te otaw egtolò te punù te Timanem, diyà dan te Timanem aw se Timanem heman diyà kandan. Netegahan tadon te diyà kenitadon se Timanem so pineokit te Espiritu Santo imbegay din kenitadon.

Mat. 6:9

Pegtawal-tawal kaw diyà te Timanem iling kani. ‘Amà kidoen te langit, ibeg day iduyun ka te kedita te otaw.

2 Korinto 6:16

Eked kepakay aw simbahen se inotaw doton te balay te Timanem. Se kedita tadon egpemenal, sikitadon se balay eg-ogpaan te Timanem wedad temanan din. Iling te inikagi te Timanem tepad te menge Judiyo gebii, kagi din, “Meg-ogpà a kidoen kandan. Doen inangen ko kidoen kandan. Siak se simbahen dan, aw siak se megtabang kandan.”

1 Korinto 12:6

Medita se kemolò te terbaho tadon, meneng sebad se Timanem egpemegay te keseg diyà te kedita tadon egterbaho.

Genesis 14:19

Migtawal-tawal sikandin amon mèpiya se ibegay te Timanem diyà ki Abram. Minikagi sikandin, “Mèpiya se ibegay diyà kamno lekat te Timanem Melangkaw, sìyan mig-inang te langit aw keneyonan.

Efeso 6:23

Menge kedowa ko, ibeg ko doen kelinaw te pedowan niyo aw megpedekelay kaw te pedowan dalem te pegsalig niyo te Timanem. Yan se ibegay kenyo te Timanem Amay aw Pengolo tadon si Jesu Cristo.

Efeso 3:17

Egpemoyò a diyà te Timanem te gayed meg-ogpà si Cristo diyà te pedowan niyo tandà te pegpemenal niyo kandin. Egpemoyò a heman diyà kandin amon labi pa megkedakel se pedowan niyo diyà te Timanem aw diyà te doma otaw.

Efeso 2:22

Sikiyo menge otaw kenà Judiyo, nekeakop kaw heman diyà te balay sìyan eg-ogpaan te Timanem pineokit te Espiritu Santo.

Juan 17:26

Impetaga-taga ko den kandan tepad te pegkeotawun no, aw doen pa ipetaga-taga ko kandan tepad kenyan, so ibeg ko, megpedekelay dan te pedowan iling te kedakel te pedowan no kanak, aw meg-ogpà a heman diyà te pedowan dan.”

Juan 14:23

Timaba si Jesus, “Aw dakel se pedowan te otaw kanak, tomolò sikandin te punù ko. Kedekelan heman sikandin te Amay ko te pedowan, aw domoton kay kandin aw meg-ogpà kay kidoen te pedowan din.

Mat. 6:13

Ikà egpeokit kenami diyà te peg-akal, meneng pekediyoi kay diyà ki Satanas.’

Efeso 1:21

Yan eglowan si Cristo diyà te kedita te melangkaw aw metolos doton te langit, so labi pa melangkaw se gulal din diyà te kedita te doma gulal, pengkey songkani aw modi aldaw.