Efeso 4:4 - Manobo Sarangani

⁴ Ininang kaw den te Timanem iling te sebad lawa, aw olò sebad se Espiritu Santo mig-ogpà diyà kenyo, so olò sebad se egpelimanan niyo lekat te pegtawal te Timanem kenyo.

Efeso 4:4 ပူးပေါင်းရင်းမြစ်များ

Efeso 2:18

Pineokit ki Cristo, mekepedapag kidon den diyà te Timanem Amay tadon, so eg-ogpaan den te Espiritu Santo se kedita tadon, pengkey Judiyo aw otaw kenà Judiyo.

Efeso 4:1

Nayan, siak se nekeleboso tandà te pegtaking ko te Pengolo, aw yan memoyò a diyà kenyo te keilangan gayed mèpiya se kedita te eg-inangen niyo, sìyan ibeg te Timanem, so yan se tod din te pegtawal din kenyo.

Efeso 1:18

Ibeg ko ontò kaw din toledaan amon ketegahan niyo aw eden se pelimanan niyo tandà te pegtawal din kenyo. Ibeg ko heman ipetaga-taga kaw din te ontò dakel se ontong ibegay din diyà te kedita te otaw sinakop te Timanem.

1 Korinto 12:20

Meneng se lawa tadon, pengkey medita se kinemoloan niyan, meneng netibok diyà te sebad lawa.

Kolasas 1:5

Yan se eg-inangen niyo, so kedengan te pegdineg niyo te kebenalan tepad ki Cristo, nemenal kaw te doen ontong ibegay kenyo doton te langit. Yan se Mèpiya Indan

Efeso 5:30

so iling kidon te menge kinemoloan te lawa din.

1 Juan 3:3

Aw ontò egpeliman se otaw te metoman iyan, yan se otaw megpelobos te kandin pedowan wedad salà iling ki Cristo.

1 Pedro 1:21

Pineokit ki Cristo, nemenal kaw den te Timanem mig-antay kandin lekat te nematay aw mig-inang kandin melangkaw doton te langit. Timanem den se egseligan niyo te doen egpelimanan niyo doton te langit.

Tito 2:13

Keilangan inangen tadon iyan dalem te pegtagad tadon te mèpiya aldaw aw kitaen tadon se kelangkaw te Timanem egpelowà kenitadon, si Jesu Cristo egpelimanan tadon.

Tito 1:2

Insogò a amon ipetaga-taga ko kandan te doen egpelimanan tadon, sìyan kaling pedowan wedad temanan impakang te Timanem gebii. Kenà egkebolalaw se Timanem,

2 Tesalonika 2:16

Ibeg day, entagen se pedowan niyo aw tebangan kaw te Pengolo tadon si Jesu Cristo aw Amay tadon Timanem amon mèpiya se kedita te inangen niyo aw ikegiyen niyo. Dakel se pedowan te Timanem kenitadon, aw pineokit te tabang din kenitadon neantag den se pedowan tadon wedad temanan, aw mèpiya den heman se pegpeliman tadon.

Kolasas 3:15

Keilangan isawol niyo diyà te pedowan niyo se kelinaw ibegay i Cristo amon ketegahan niyo aw eden se mèpiya inangen niyo, so yan se tod din te peg-inang din kenyo iling te sebad lawa. Keilangan megpesiontong kaw heman diyà kandin.

Efeso 2:22

Sikiyo menge otaw kenà Judiyo, nekeakop kaw heman diyà te balay sìyan eg-ogpaan te Timanem pineokit te Espiritu Santo.

Efeso 2:16

Pineokit te pegkematay i Cristo doton te kros, ininang din iling te sebad lawa se didowa kemolò te otaw, aw pigsebad din se kedita tadon aw Timanem. Pineokit te ininang i Cristo, wedad den peopalay.

Mat. 28:19

Yan isogò ko den sikiyo doton te kebelad te keneyonan. Pegtoladà kaw te kedita te otaw amon tomaking dan kanak. Pemonyagi niyo dan diyà te ngadan te Timanem Amay, aw Batà din, aw Espiritu Santo.

Tito 3:7

Yan se ininang din amon pineokit te keido din, meg-aneng-aneng se Timanem te metòlid kidon, aw amon metoman kidon begayan te kaling pedowan egpelimanan tadon.

1 Timoteo 1:1

Siak, si Pablo, se simolat kani. Ininang a sogounun i Jesu Cristo pineokit te punù te Timanem egpelowà kenitadon, aw pineokit te punù i Jesu Cristo egpelimanan tadon.

1 Korinto 10:17

So doen olò sebad pan, yan ketegahan tadon te pengkey medita kidon egpemenal, meneng sebad se neekopan tadon, so sebad olò se pan iteped diyà te kedita tadon.

2 Korinto 11:4

Netetana a aw menenalan kaw te menge otaw domoton kenyo megtoladà te doen doma egpelowà kenà si Jesus, sìyan intoladà ko den kenyo. Egtoladà dan te doen sebad kemolò Espiritu Santo aw Mèpiya Indan kenà iling te pinemenalan niyo kedengan. Nepela a, so neibeg kaw te migtoladà dan kenyan.

Ininang 15:11

Meneng netegahan tadon den te nekelowà kidon lekat te salà pineokit te tabang i Jesu Cristo kenitadon. Onawa heman se pegpelowà din te menge doma otaw, pengkey kenà dan Judiyo.”

Roma 11:29

Eked ketodà se aneng-aneng te Timanem tepad te otaw pinemallì din aw binegayan din te kèpiyaan.