Efeso 4:2 - Manobo Sarangani

² Ikà niyo egpelangkaw-langkaw. Keilangan melayat se pedowan niyo diyà te doma otaw tandà te pegpedekelay niyo te pedowan.

Efeso 4:2 ပူးပေါင်းရင်းမြစ်များ

1 Korinto 13:7

Se otaw dakel se pedowan din, pengkey eden se inangen te doma kandin, eked pegbelisì. Meibeg heman sikandin memenal te mèpiya. Gayed din heman egpelimanan se mèpiya. Pengkey eden se kelimahan domateng kandin, eked sikandin lengà.

Roma 15:1

Nayan, sikitadon menge otaw netaga-taga te kebenalan, keilangan medalem se pedowan tadon diyà te menge doma tadon wedà pa ontò ketaga-taga te kebenalan. Eked kepakay aw olò kenitadon ibeg se inangen tadon.

Mat. 11:29

Tiangi niyo se ipeibing ko kenyo iling te yogo, aw peg-iling kaw heman kanak, so ontò mèpiya se pedowan ko, aw mekeetod kaw.

1 Timoteo 6:11

Meneng so sikona se otaw egtaking te Timanem, pegpediyò ka lekat te kedita te medaet sìyan in-indan ko kamno. Pegpekeaseb ka meg-inang te metòlid, aw toman ka te ibeg te Timanem, aw salig ka kandin. Keilangan dakel se pedowan no diyà te menge doma otaw, aw keilangan medalem aw mèpiya se pedowan nikaw.

1 Pedro 3:15

Keilangan meg-aneng-aneng kaw te si Cristo se Pengolo niyo. Keilangan gayed kaw megpeketagad tomaba diyà te otaw meg-insà kenyo tepad te pinemenalan niyo.

2 Timoteo 2:25

Aw megtoladà sikandin te menge otaw kenà egpemenal te kagi din, keilangan mèpiya se pedowan din kandan, so doen besi aldaw ibegay te Timanem kandan amon megselsel dan aw metaga-taga dan te kebenalan.

Galasya 6:2

Aw megpetebangay kaw, yan egtoloen niyo se punù i Cristo.

Efeso 1:4

Gebii te wedà pa inangi te Timanem se keneyonan, tapay kidon din pinemallì amon inangen kidon sakop din pineokit ki Cristo, aw amon meg-aneng-aneng se Timanem te metòlid kidon, aw wedad silahen din diyà kenitadon. So dakel se pedowan te Timanem kenitadon,

Ininang 20:19

Measeb a timolò te Pengolo tadon. Migpedanà a te kanak pegkeotawun. Migkelag a so dakel se pedowan ko kenyo. Nelimahan a so ibeg te menge Judiyo kenà egpemenal mengimatay kanak.

Mar. 9:19

Minikagi si Jesus, “Tay law, sikiyo menge otaw. Wedà kaw pa salig kanak. Eked den kenamay se pegdoma ko kenyo, meneng keilangan tomayod a pa pengkey eked kaw pemenal. Na, pedinihi se batà nikaw.”

Santiago 1:21

Yan tanan kaw te medaet inang niyo aw kedita te medaet aneng-aneng niyo. Tolò kaw te Timanem, aw pemenali niyo se kagi din insawol diyà te pedowan niyo, so se kagi din, yan se mekepelowà kenyo lekat te salà.

Kolasas 1:11

Ibeg day lobosen te Timanem se pegsalig niyo diyà kandin pineokit te tolos din, amon meketayod kaw te kelimahan aw meluba heman se pedowan niyo.

1 Pedro 3:8

Nayan, seini pa se ipunù ko kenyo. Keilangan megsebad kaw te aneng-aneng niyo aw pedowan niyo. Keilangan dakel se pedowan niyo te menge doma otaw egpemenal, aw keilangan megpeidoway kaw heman. Keilangan megpedanà kaw te kenyo pegkeotawun.