Efeso 4:18 - Manobo Sarangani

¹⁸ Wedà dan ketaga-taga te kebenalan. Wedad kaling pedowan imbegay te Timanem kandan, so wedà dan pemenal te kebenalan, aw magsen se olo dan.

Efeso 4:18 ပူးပေါင်းရင်းမြစ်များ

Mat. 13:15

Metoman iyan so migkekagsen den se olo dan amon eked dan pemenal. Neinang den bingelen se telinga dan amon eked dan dineg te kebenalan. Inlipedeng dan se mata dan amon eked dan kità te kedegdagan te kagi ko kandan, so eked dan keibeg pengenganay diyà kanak amon tebangan ko dan.’

Efeso 2:12

Wedà kaw pekeakop diyà te menge bowad-bowad i Israel. Eked kaw heman pekekinawà te ontong ibegay te Timanem kenami, so kenà kenyo kemonaan se pinekangan din. Kedengan, te pegtaking niyo te medaet ketanem te otaw dini te keneyonan, wedad palos tabang te Timanem pinelimanan niyo, so wedà kaw pa ketaga-taga tepad kandin.

Juan 12:40

“Yan ipelumun dan te Timanem amon eked dan kità te kebenalan. Ipekagsen heman te Timanem se olo dan amon eked dan pemenal, aw amon eked dan pengenganay diyà kandin te tabang.”

1 Tesalonika 4:5

Aw mengognan kaw, ikà niyo egtaking te medaet ibeg te lawa niyo iling te eg-inangen te menge otaw kenà egtaking te Timanem.

Santiago 4:4

Timanan kaw den te Timanem, iling te otaw timanan te esawa din aw limakad. Nelibelan niyo den besi se kebenalan seini. Se otaw egtaking te medaet ibeg te otaw dini te keneyonan, yan se otaw timinàyog te Timanem. Pengkey sinu otawi se tomaking te medaet ibeg te otaw dini te keneyonan, yan se otaw meinang poon te Timanem.

2 Korinto 4:4

so se menge otaw wedà pemenal, impekagsen i Satanas se olo dan amon eked dan kelebeti se Mèpiya Indan tepad te kelangkaw i Jesu Cristo, so egkitaen se keanyag te Timanem diyà te bawa i Cristo.

Kolasas 1:21

Kedengan, mediyò kaw kidoen te Timanem, aw minato kaw kandin, so medaet se pedowan niyo kandin aw medaet heman se eg-inangen niyo.

1 Juan 2:11

Meneng se otaw egkebensi te menge doma otaw, yan se otaw eg-ogpà pa aw eglegeb diyà te kengitngitan. Eked sikandin ketaga-taga aw kenan sikandin pesalo, so eked sikandin kità tandà te kengitngit.

Galasya 4:8

Na, kedengan te wedà niyo pa ketegahi se Timanem, neallang kaw te kenà benal timanem egtekingan niyo.

Roma 11:25

Menge kedowa ko kenà Judiyo, doen kebenalan wedà pa petega-tegahi lamig songkani, meneng ipetaga-taga ko den iyan diyà kenyo amon eked kaw peg-aneng-aneng te sikiyo olò se otaw netaga-taga te kebenalan. Metugul se keditaan te Judiyo songkani. Eked dan taking te Timanem singed aw onà megpesakop se kedita te otaw kenà Judiyo pinemallì te Timanem.

Roma 1:28

So wedà dan pegsagman te Timanem, pinebeyaan din dan. Yan se doun te tomalag den medaet se aneng-aneng dan aw medaet heman se eg-inangen dan.

Ininang 17:30

Pengkey kedengan pinebeyaan te Timanem se eg-inangen te otaw so wedà dan pa ketaga-taga kandin, meneng songkani impunù din te megselsel se kedita te otaw,

1 Korinto 1:21

Wedad otaw metaga-taga te Timanem pineokit te kebiyasa dan. Meneng lekat te kebiyasa te Timanem, miglalang sikandin te ipelowà din se otaw memenal te kebenalan ipegtoladà kandan, pengkey doen otaw eg-aneng-aneng te wedad ontong kenyan.

Roma 2:19

Eg-aneng-aneng kaw besi te iling kaw te mèpiya otaw meg-agak te otaw bota, aw iling kaw te solò eg-olog te dalan pesalo doton te Timanem.

Mar. 3:5

Timengteng si Jesus diyà te kedita dan, aw neopal sikandin so nelidò se pedowan din tandà te kagsen te olo dan. Penga niyan, minikagi sikandin diyà te otaw nekepis se belad, “Oladi se belad nikaw.” Peg-olad din te belad din, pegketà migkèpiya iyan.

2 Korinto 3:14

Meneng wedà keleseb se aneng-aneng te menge Judiyo, so magsen se olo dan. Lamig songkani aw besahen dan se libro sinolatan tepad te tapay peokit ininang te Timanem, nebelebagan se aneng-aneng dan so eked dan pa pekelabet. Eked keabat se nekebelabag te aneng-aneng dan singed aw memenal dan ki Jesu Cristo.

Ininang 3:17

“Menge kedowa ko, netegahan ko te impeimatay niyo si Jesus so wedà niyo ketegahi te sikandin se Misiyas. Wedà heman ketaga-taga se menge otaw limowan kenyo.

Roma 11:7

Yan se doun te netegahan tadon den ini. Pengkey ibeg te keditaan te Judiyo eneng-enengen te Timanem te metòlid dan pineokit te pegtolò dan te menge punù ingkeliwat i Moises, meneng wedà dan iyan kebatog. Pilabok olò se Judiyo pinemallì te Timanem, aw yan se otaw inaneng-aneng din te metòlid dan. Meneng wedà pegpetaga-taga se Timanem te kebenalan diyà te doma Judiyo,

1 Korinto 2:8

Se menge otaw eglowan dini te keneyonan, wedà dan ketegahi se peglalang te Timanem, so simpana netegahan dan iyan, eked dan peden lensangi se Pengolo melangkaw doton te kros.

Efeso 2:1

Kedengan, te wedà kaw pa pemenal, iling kaw te nematay tandà te peg-inang niyo te salà.

Menge Hebreo 5:2

So otaw heman sikandin egpekesalà, yan doen heman keido din diyà te menge doma otaw egpekesalà aw egsoway lekat te ibeg te Timanem.

Menge Hebreo 9:7

Meneng sìyan sebad tambì doton didalem, olò ontò telekagon se mepakay mawop kidoen, aw mekesebad olò sikandin awop te kelikit te omay. Eked sikandin pekeawop kidoen singed aw ibingen din se dipanog te ayam-ayam ibegay din diyà te Timanem tandà te kandin salà aw tandà te menge salà neinang te kedita te doma din Judiyo.

1 Pedro 1:14

So menge batà kaw den te Timanem, yan keilangan tomolò kaw kandin. Kedengan te wedà kaw pa ketaga-taga te kebenalan, timaking kaw te medaet ibeg te pedowan niyo. Meneng ikà niyo den egtaking kenyan.