Efeso 4:16 - Manobo Sarangani

¹⁶ aw iling te lawa din se kedita tadon menge sakop din. Aw megsebad se terbaho te luluwadun aw teg sebad-sebad kinemoloan diyà te lawa, meketilles se lawa. Iling heman kenyan, aw tomanen te teg sebad-sebad kenitadon se eg-inangen tadon, tomilles kidon aw megkagsen kidon pineokit te pegpedekelay tadon te pedowan.

Efeso 4:16 ပူးပေါင်းရင်းမြစ်များ

Kolasas 2:19

Kenà dan egtaking te Pengolo tadon si Cristo. Sikandin se olo tadon, aw iling kidon te lawa din. Eglowan se olo diyà te lawa, aw doen eg-inangen niyan pineokit te luluwadun aw ogat. Iling heman kenyan, pineokit ki Cristo megkagsen se pegpemenal tadon aw meg-inang kidon te ibeg te Timanem.

Juan 15:5

“Siaken se iling te pinonoan, aw sikiyo se iling te menge belagen ko. Aw meg-ogpà se otaw diyà kanak aw meg-ogpà a heman diyà kandin, yan se otaw mongo te dakel. Meneng aw tomani kaw kanak, wedad palos mebatog niyo.

Kolasas 2:2

Ibeg ko megkagsen se pedowan niyo somalig diyà ki Cristo aw megpedekelay kaw te pedowan. Ibeg ko heman ontò niyo ketegahan se kebenalan tepad ki Cristo, so yan se kaling impetaga-taga din.

Efeso 4:12

Yan se menge kebiyasa imbegay din diyà kenitadon menge sakop te Timanem amon mekebatog kidon megtabang te menge doma otaw egpemenal, aw amon megkagsen se pegpemenal te kedita tadon neinang iling te lawa i Cristo.

1 Korinto 13:13

Yan doen telo eked palos pegkewedad. Yan se pegsalig tadon, aw pegpeliman tadon, aw pegkedakel te pedowan tadon. Meneng se ontò melangkaw diyà te telo sìyan, yan se pegkedakel te pedowan.

Efeso 4:15

Meneng keilangan tomolò kidon te kebenalan aw megpedekelay kidon heman te pedowan, amon meg-iling kidon ki Cristo pengkey eden se inangen tadon. Sikandin se olo tadon,

1 Timoteo 1:5

Yan se ipunù ko amon megpedekelay dan te pedowan. Meneng eked dan pegpedekelay te pedowan singed aw linisan te Timanem se pedowan dan lekat te salà, aw metibok se ibeg dan meg-inang te metòlid, aw melobos se pegpemenal dan te Timanem.

1 Tesalonika 2:13

Gayed kay heman egpesiontong diyà te Timanem tepad kani. Pegtoladà day kenyo te kagi te Timanem, nemenal kaw kenyan, so netegahan niyo te kenà iyan olò kagi te otaw, meneng ontò benal kagi te Timanem. Pineokit te kagi te Timanem, doen eg-inangen din diyà te kedita niyo egpemenal.

Filipos 1:9

Egtawal-tawal a diyà te Timanem tepad kenyo, amon gayed din pedekelen se pedowan niyo, aw amon labi kaw pa megkebiyasa te kebenalan aw metòlid se aneng-aneng niyo,

Efeso 3:17

Egpemoyò a diyà te Timanem te gayed meg-ogpà si Cristo diyà te pedowan niyo tandà te pegpemenal niyo kandin. Egpemoyò a heman diyà kandin amon labi pa megkedakel se pedowan niyo diyà te Timanem aw diyà te doma otaw.

1 Pedro 1:22

So nenenalan kaw den te kebenalan tepad ki Cristo, lininisan kaw den lekat te salà, aw ontò kaw den egpedekelay te pedowan. Meneng ibeg ko, labi kaw pa megpedekelay te pedowan.

Efeso 3:7

Tandà te tabang te Timanem kanak, ininang a din sogounun megtoladà te Mèpiya Indan pineokit te tolos din.

Efeso 1:4

Gebii te wedà pa inangi te Timanem se keneyonan, tapay kidon din pinemallì amon inangen kidon sakop din pineokit ki Cristo, aw amon meg-aneng-aneng se Timanem te metòlid kidon, aw wedad silahen din diyà kenitadon. So dakel se pedowan te Timanem kenitadon,

Galasya 5:22

Meneng se otaw egbeyà-beyaan te Espiritu Santo, seini se eg-inangen din. Egkedekelan din se doma otaw te pedowan, ontò egkeluba, doen kelinaw te pedowan din, egpeketayod te kelimahan, mèpiya se eg-inangen din, egkebowasag sikandin diyà te doma otaw, aw egkeseligan sikandin,

1 Juan 4:16

Yan netegahan tadon te dakel se pedowan te Timanem kenitadon, aw yan se egseligan tadon. Ontò dakel se pedowan te Timanem. Se otaw doen dakel pedowan din, yan se otaw diyà te Timanem aw se Timanem heman diyà kandin.

2 Tesalonika 1:3

Menge kedowa day, mèpiya aw megpesiontong kay diyà te Timanem tepad kenyo. Mèpiya se pegpesiontong day, so ontò den magsen se pegpemenal niyo kandin, aw ontò kaw den heman egpedekelay te pedowan.

1 Tesalonika 3:12

Egpemoyò kay heman te labi pa megkedakel se pedowan niyo te menge doma otaw egpemenal aw kedita te otaw, iling te kedakel te pedowan day kenyo.

1 Tesalonika 1:3

Te pegtawal-tawal day diyà te Amay tadon Timanem, kenà kay egkelibel te impetaga-taga niyo te benal nemenal kaw ki Cristo pineokit te eg-inangen niyo, aw impetaga-taga niyo te dakel se pedowan niyo kandin pineokit te pegpekeaseb niyo, aw impetaga-taga niyo te egpeliman kaw te Pengolo tadon si Jesu Cristo pineokit te pegtayod niyo te kelimahan.

Galasya 5:6

Diyà te menge otaw nemenal den ki Cristo, wedad elet diyà te otaw tinolì aw otaw wedà tolii. Onawa iyan diyà te Timanem. Meneng ibeg te Timanem, ipekità tadon te benal se pegpemenal tadon pineokit te dakel pedowan tadon.

1 Korinto 8:1

Nayan, tomaba a te insà niyo tepad te pegkaen niyo te pengelapen imbegay diyà te inotaw egseligan te otaw kenà egsalig te Timanem. Ontò benal se inikagi niyo te netegahan te kedita tadon se kebenalan tepad te pegkaen te pengelapen imbegay diyà te inotaw. Meneng ikà niyo egkelibel kani. Aw meg-aneng-aneng kaw te netegahan niyo se kedita, yan se kelekatan te pegduyun niyo te kenyo pegkeotawun, meneng medaet iyan. Meneng aw megpedekelay kaw te pedowan, yan se kelekatan te pegpetebangay niyo tepad te pegtaking niyo te Pengolo tadon.

Roma 12:4

Pengkey medita se kinemoloan diyà te lawa te otaw, meneng netibok se kedita niyan diyà te sebad lawa, aw doen kekemowan te kedita te kinemoloan diyà te lawa.

1 Korinto 10:17

So doen olò sebad pan, yan ketegahan tadon te pengkey medita kidon egpemenal, meneng sebad se neekopan tadon, so sebad olò se pan iteped diyà te kedita tadon.