Efeso 4:12 - Manobo Sarangani

¹² Yan se menge kebiyasa imbegay din diyà kenitadon menge sakop te Timanem amon mekebatog kidon megtabang te menge doma otaw egpemenal, aw amon megkagsen se pegpemenal te kedita tadon neinang iling te lawa i Cristo.

Efeso 4:12 ပူးပေါင်းရင်းမြစ်များ

Efeso 4:16

aw iling te lawa din se kedita tadon menge sakop din. Aw megsebad se terbaho te luluwadun aw teg sebad-sebad kinemoloan diyà te lawa, meketilles se lawa. Iling heman kenyan, aw tomanen te teg sebad-sebad kenitadon se eg-inangen tadon, tomilles kidon aw megkagsen kidon pineokit te pegpedekelay tadon te pedowan.

1 Korinto 12:27

Se kelebadan te tegdeyanan ko seini, se kedita niyo, iling kaw te lawa i Cristo, aw se teg sebad-sebad kenyo, yan se iling te menge kinemoloan diyà te lawa din.

Roma 15:14

Menge kedowa ko, netegahan ko den te gayed mèpiya se eg-inangen niyo, aw tinoledaan kaw te kebenalan tepad te Timanem, aw mekebatog kaw heman megpetoledaay.

1 Korinto 14:26

Nayan menge kedowa ko, aw metipon kaw megsimba, seini se mèpiya inangen niyo. Doen megdelangan tepad te pegduyun te Timanem. Doen heman doma megtoladà. Doen heman doma meg-indan te kebenalan impekità te Timanem kandin. Se doma mikagi te kagi eked kelebeti, aw meg-obad heman se doma kenyan. Inangi niyo ini amon ketebangan se kedita niyo egtaking ki Cristo.

Roma 14:19

Nayan, pengkey eden se inangen tadon, keilangan eneng-enengen tadon amon eked kebàti se kelinaw te pedowan tadon, amon megpetebangay kidon te pegtaking tadon ki Cristo.

1 Timoteo 1:12

Egpesiontong a diyà te Pengolo tadon si Jesu Cristo, so binegayan a din te keseg amon mekebatog a megtoladà. Egpesiontong a diyà kandin so mig-aneng-aneng sikandin te egkeseligan a, aw ininang a din sogounun din.

1 Korinto 14:12

Sikiyo heman, aw meibeg kaw te kebiyasa ibegay te Espiritu Santo, yan mèpiya aw keibegan niyo se kebiyasa meketabang te menge doma niyo egsimba.

Menge Hebreo 13:17

Tolò kaw te menge egpengibing te simbahan. Pegsagman kaw kandan, so insogò dan te Timanem amon meg-ipat dan kenyo. Keilangan keseligan dan, so doen aldaw te okomen dan te Timanem. Aw megsagman kaw kandan, meluba se pedowan dan. Meneng aw eked kaw pegsagman kandan, mepuluk se pedowan dan, aw wedad heman ontong kinewaen niyo.

Menge Hebreo 6:1

Yan botong den se kenamay te peg-iling tadon te menge kebenalan onà intoladà diyà kenitadon tepad te pegpemenal tadon ki Cristo, so keilangan meg-iling kidon den te menge kebenalan labi pa medalem. Eked den kepakay aw gayed tadon sobloden se menge kebenalan tapay pig-ilingan tadon tepad te peglengà tadon te inang wedad ontong, aw tepad te pegsalig tadon diyà te Timanem.

2 Korinto 6:3

Ontò ko eg-imendayan se eg-inangen ko amon wedad otaw meg-eked te pegpemenal, aw amon wedad isila te ipegtoladà ko tepad te Pengolo.

2 Korinto 5:18

Lekat te ibeg te Timanem, ininang din se dalan pesalo doton kandin amon megsebad se pedowan tadon te Timanem pineokit ki Cristo. Insogò a din den megtoladà diyà te kedita te otaw te doen den dalan ininang te Timanem pesalo doton kandin, amon megsebad se pedowan tadon diyà kandin pineokit ki Cristo, aw amon pegwedaden din heman se salà tadon. Insalig din kanak se mèpiya indan sìyan amon itoladà ko diyà te menge doma otaw.

Luc. 22:32

Meneng migtawal-tawal a diyà te Amay ko tepad kamno amon gayed ka somalig diyà kanak. Pengkey tominàyog ka kanak te eked kenamay, meneng aw todà ka tomaking kanak, meketabang ka te menge doma no tinoledaan ko.”

2 Timoteo 4:5

Meneng sikona, Timoteo, keilangan gayed ka tomaking te metòlid. Keilangan megpeketagad ka tomayod te kelimahan. Pegtoladà ka te Mèpiya Indan tepad ki Jesu Cristo. Toman ka te kedita insogò te Timanem kamno.

Kolasas 4:17

Keliwati niyo heman se kagi ko diyà ki Arkipo te keilangan ipengahen din se terbaho insogò te Pengolo tadon kandin.

Kolasas 1:28

Egtoladà kay te kedita te otaw tepad ki Cristo. Gayed kay egsagda te kedita te otaw aw egtoladà kay kandan te kebenalan tepad ki Cristo, so ibeg day ontò melobos se pegtaking te kedita te otaw diyà ki Cristo.

Kolasas 1:24

Pengkey kineleboso a, meneng neluba a den, so pineokit te kelimahan ko, melobos se pedowan niyo diyà ki Cristo. Pineokit te pegtayod ko te kelimahan, kelumunan ko se kelimahan ibeg i Cristo okitan ko amon ketebangan se kedita te otaw egpemenal, kedita tadon impolingun te lawa i Cristo.

Efeso 1:23

so iling kidon te lawa i Cristo. Tandà te pegpesakop tadon diyà kandin, wedad kolang diyà kandin, aw wedad heman kolang doton te langit aw dini heman te lanto te tanà tandà te peglowan din diyà te kedita niyan.

2 Korinto 12:19

Eden niyo aw sikiyo se petega-tegahan te wedad salà ko pineokit te pegsolat ko seini, so ibeg ko kenà sikiyo se meluba kanak, meneng Timanem se meluba kanak, so egtaking a ki Cristo. Menge kedowa ko, simolat a te kedita nini amon tebangan kaw te pegtaking niyo te Timanem, so nedekelan ko sikiyo te pedowan.

2 Korinto 7:1

Menge kedowa ko egkedekelan ko te pedowan, so yan se menge pakang te Timanem kenitadon, mèpiya aw ontò tadon lobosen se aneng-aneng aw eg-inangen tadon, amon ontò kidon megketòlid pineokit te pegtolò tadon te Timanem.

2 Korinto 4:1

Na, pineokit te keido te Timanem kanak, insogò a din megtoladà aw yan eked a lengà.

2 Korinto 3:8

meneng labi pa mèpiya se ipekità te Timanem diyà te menge otaw begayan din te Espiritu Santo.

1 Korinto 14:14

Aw megtawal-tawal a te kagi eked kelebeti, pengkey megtawal-tawal se pedowan ko, meneng eked taking se aneng-aneng ko.

Roma 15:29

Aw domateng a doton kenyo, netegahan ko te ontò mèpiya se ibegay i Cristo kenitadon.

Roma 15:2

Keilangan meg-aneng-aneng se teg sebad-sebad kenitadon aw eden se meketabang te doma otaw, amon melobos se pegsalig dan diyà ki Cristo.

Roma 12:7

Aw binegayan kaw te kebiyasa te pegtelaban, keilangan megtelaban kaw. Aw biyasa kaw egtoladà, keilangan megtoladà kaw.

Ininang 20:28

Pekeimanday kaw. Pegtonggò kaw te kedita te otaw egpemenal, so Espiritu Santo se miggulal kenyo egpengibing amon mengibing kaw kandan. Ininang kidon din sakop din pineokit te pegkematay i Jesus.

Ininang 20:24

Meneng aneng-aneng ko, wedad beloyan aw imetayan a, so ibeg ko ipengahen ko olò se eg-inangen ko. Meluba a aw mebatog ko tomanen se insogò i Jesus kanak, so insogò a din megtoladà te Mèpiya Indan tepad te tabang te Timanem kenitadon.

Ininang 11:23

Mèpiya otaw si Bernabe aw simalig diyà te Pengolo aw egbeyà-beyaan heman te Espiritu Santo. Pegdateng din doton te Antyokya, neluba sikandin so kinità din te ontò dan tinebangan te Timanem. Migtoladà sikandin kandan te eked pegdowa-dowa se aneng-aneng dan, aw lobosen dan se pedowan diyà te Pengolo. Pegdineg dan te kagi din, medita se otaw nemenal diyà te Pengolo.

Ininang 9:31

Penga niyan, wedad den migsamok te otaw egpemenal doton te kedita te lonsod te Judiya aw Galiliya aw Samarya. Nelobos se pedowan dan, aw timolò dan te Pengolo, aw migtabang se Espiritu Santo kandan.

Ininang 1:25

somelilin ki Judas aw meinang sogounun megtelaban kenami, se terbaho tinenanan i Judas pesalo doton te temanan din.”

Ininang 1:17

Benal si Judas se doma day, so sikandin heman se pinemallì i Jesus amon megtelaban kandin.”

2 Timoteo 4:11

Si Lucas olò se doma ko dini. Engayi si Marcos aw petekingi sikandin aw domini ka, so meketelaban sikandin te eg-inangen ko dini.

Efeso 4:29

Ikà niyo palos eg-ikagi te medaet diyà te doma otaw. Meneng keilangan mèpiya se ikegiyen niyo diyà te doma otaw amon megkagsen dan aw ketebangan dan pineokit te kagi niyo. Aw meketepad se kagi niyo, yan ketebangan se otaw domineg kenyo.

Efeso 4:4

Ininang kaw den te Timanem iling te sebad lawa, aw olò sebad se Espiritu Santo mig-ogpà diyà kenyo, so olò sebad se egpelimanan niyo lekat te pegtawal te Timanem kenyo.

2 Korinto 13:9

Yan pengkey wedad otaw ipelumun ko doton so migselsel den dan, meneng meluba a aw magsen kaw meg-inang te metòlid. Gayed ko ipegtawal-tawal diyà te Timanem te ontò melobos se pegpemenal niyo.

1 Korinto 12:7

Se teg sebad-sebad kenitadon, doen den kebiyasa imbegay te Espiritu Santo diyà kenitadon amon megtabang kidon te doma otaw egpemenal.

Roma 12:5

Iling heman kenyan, pengkey medita kidon egpemenal, meneng pegsebad tadon diyà ki Cristo, neinang kidon iling te lawa din amon megpetebangay kidon iling te pegpetebangay te menge kinemoloan diyà te lawa.

2 Korinto 13:11

Na, menge kedowa ko, keluba kaw den. Imendayi niyo se peg-ogpà niyo. Toloi niyo se impunù ko kenyo. Pegsebad kaw te pegpemenal aw pedowan niyo. Domaan kaw te Timanem eglekatan te kedakel aw kelinaw te pedowan.