Efeso 3:3 - Manobo Sarangani

³ Netegahan niyo den heman te doen kebenalan impetaga-taga te Timanem diyà kanak pengkey wedà iyan petega-tegahi gebii. Simolat a den te mebabà olò tepad kenyan diyà te solat ko seini.

Efeso 3:3 ပူးပေါင်းရင်းမြစ်များ

Galasya 1:12

so wedad otaw migtoladà te Mèpiya Indan diyà kanak, meneng impetaga-taga i Jesu Cristo kanak se Mèpiya Indan seini.

Roma 16:25

Na, iduyun tadon se Timanem. Sikandin olò se mekelobos te pegsalig niyo diyà kandin pineokit te Mèpiya Indan ipegtoladà ko tepad ki Jesu Cristo, aw pineokit te kebenalan nenamay wedà petega-tegahi te Timanem gebii.

Efeso 3:9

Insogò a din amon ipetaga-taga ko diyà te kedita te otaw aw eden se tod te Timanem mig-inang te kedita. Wedà din petega-tegahi diyà te otaw gebii aw eden se tod din,

Efeso 3:4

Aw megbasa kaw kenyan, ketegahan niyo heman se netegahan ko tepad ki Cristo wedà petega-tegahi gebii.

Ininang 22:17

“Penga niyan, minolì a dini te Jerusalem. Pegtawal-tawal ko doton te dakel simbahan, doen migpekità diyà kanak.

Ininang 22:21

Meneng minikagi se Pengolo, ‘Kesayo ka, so isogò ta doton te mediyò ogpeanan amon megtoladà ka te kagi ko diyà te menge otaw kenà Judiyo.’”

Efeso 1:17

Egtawal-tawal a diyà te Timanem simogò te Pengolo tadon si Jesu Cristo, aw sikandin se Timanem Amay ipegduyun tadon. Egpemoyò a diyà kandin te tebangan kaw din pineokit te Espiritu Santo, amon megkebiyasa kaw, aw amon metaga-taga kaw heman te Timanem.

Roma 11:25

Menge kedowa ko kenà Judiyo, doen kebenalan wedà pa petega-tegahi lamig songkani, meneng ipetaga-taga ko den iyan diyà kenyo amon eked kaw peg-aneng-aneng te sikiyo olò se otaw netaga-taga te kebenalan. Metugul se keditaan te Judiyo songkani. Eked dan taking te Timanem singed aw onà megpesakop se kedita te otaw kenà Judiyo pinemallì te Timanem.

Ininang 23:9

Yan dakel se samok dan. Penga niyan, doen menge menenoladà te punù ingkeliwat i Moises timindeg lenged te Parisiyo. Minikagi dan, “Aneng-aneng day, wedad salà din. Doen besi anghil minikagi diyà kandin.”

2 Korinto 12:1

Wedad ontong te pegduyun ko te kanak pegkeotawun, meneng iling te neleges a tomaba te menge otaw kidoen. Meneng iindan ko den kenyo se menge impekità te Pengolo kanak, aw doma impetaga-taga din.

Efeso 3:6

Seini se kebenalan impetaga-taga din den. Sikiyo menge otaw kenà Judiyo, so nemenal kaw te Mèpiya Indan tepad ki Jesu Cristo, aw migpesakop kaw diyà kandin, begayan kaw heman te Timanem te kedita onawa te ibegay din diyà te menge Judiyo egpemenal. Ipeakop kaw din heman diyà te otaw lowanan i Cristo doma te menge Judiyo. Begayan kaw heman te Timanem te impakang din, onawa te ibegay din diyà te menge Judiyo egpemenal.

Efeso 6:19

Pegtawal-tawal kaw heman tepad kanak, amon begayan a te Timanem te kebiyasa te pegtoladà ko te kagi din. Pegtawal-tawal kaw tepad kanak amon wedad lamit ko te pegtoladà ko te Mèpiya Indan tepad ki Cristo, sìyan wedà din petega-tegahi diyà te otaw gebii.

Kolasas 2:2

Ibeg ko megkagsen se pedowan niyo somalig diyà ki Cristo aw megpedekelay kaw te pedowan. Ibeg ko heman ontò niyo ketegahan se kebenalan tepad ki Cristo, so yan se kaling impetaga-taga din.

Kolasas 4:3

Pegtawal-tawal kaw heman tepad kenami, amon doen aldaw ibegay te Timanem kenami te pegtoladà day te kagi din, sìyan kebenalan tepad ki Cristo wedà din petega-tegahi gebii. Kineleboso a pa seini tandà te pegtoladà ko te kebenalan sìyan.

Menge Hebreo 13:22

Menge kedowa ko, ibeg ko menenalan kaw te kedita te insolat ko den diyà kenyo amon ketebangan kaw, so pilabok se kagi ko kenyo seini.

1 Pedro 5:12

Si Silas se migtelaban kanak te pegsolat ko kani. Sikandin se kedowa tadon te pegpemenal, aw netegahan ko te egkeseligan sikandin. Pengkey pilabok se kagi ko kenyo seini, meneng impesolat ko ini amon meantag se pedowan niyo. Ibeg ko ketegahan niyo te seini se kebenalan ingkeliwat ko diyà kenyo tepad te tabang te Timanem kenitadon. Peg-aneng-aneng kaw gayed tepad kenyan.

2 Pedro 3:15

Aw aneng-aneng niyo te iling te eg-enggaen te Pengolo tadon se peglikò din, ikà niyo egkelibel te egtagad pa sikandin amon doen pa aldaw mekelowà se otaw lekat te pelumun din. Yan heman se impetaga-taga te kedowa tadon si Pablo egkedekelan tadon te pedowan. Impetaga-taga din iyan diyà kenyo te pegsolat din kenyo, so binegayan sikandin te Timanem te kebiyasa.