Efeso 3:16 - Manobo Sarangani

¹⁶ Egtawal-tawal a diyà te Timanem Melangkaw egpemegay te ontò mèpiya, so ibeg ko pekegsenen din se pegsalig niyo diyà kandin pineokit te Espiritu Santo.

Efeso 3:16 ပူးပေါင်းရင်းမြစ်များ

Kolasas 1:11

Ibeg day lobosen te Timanem se pegsalig niyo diyà kandin pineokit te tolos din, amon meketayod kaw te kelimahan aw meluba heman se pedowan niyo.

Filipos 4:13

Pengkey eden se domateng kanak, meketayod a te kedita niyan so egtebangan a i Cristo.

2 Timoteo 4:17

Pengkey timanan dan kanak, meneng migtabang se Pengolo tadon kanak, aw nemegay sikandin kanak te keseg, aw yan nekebatog a migtoladà te Mèpiya Indan tepad kandin diyà te kedita te otaw kenà Judiyo. Pengkey ibeg te menge poon ko imetayan a, meneng impelowà a te Pengolo tadon.

2 Korinto 4:16

Yan se doun te wedà a lengà. Pengkey melomay se lawa ko, meneng se pedowan ko gayed egkagsen.

Efeso 6:10

Nayan, seini se temanan te punù ko kenyo. So migpesakop kaw diyà te Pengolo tadon, peseligi se pegtaking niyo kandin pineokit te keseg ibegay din kenyo.

2 Korinto 12:9

Meneng wedà din ebati. Timaba sikandin kanak, kagi din, “Pengkey eden se keokitan no, ontò botong se tabang ko kamno, so aw megkelomay ka, yan ontò ko ipekità te metolos a.” Yan se kagi din kanak. Yan gayed a den egkeluba te doen kelomay ko amon ketegahan te menge doma otaw te doen eneg imbegay i Cristo diyà kanak.

Filipos 4:19

Wedad temanan te keyemanan te Timanem egseligan ko, aw begayan kaw din te kedita te kelidoan niyo tandà te pegpesakop niyo diyà ki Jesu Cristo.

Roma 7:22

Pengkey didalem te pedowan ko, ibeg ko tomolò a te ibeg te Timanem,

1 Korinto 16:13

Nayan, peg-ahà kaw. Lobosi niyo se pedowan te pegsalig niyo ki Cristo. Ikà niyo egketalaw, meneng pekeaseb kaw.

Roma 9:23

Yan se ininang din amon ipetaga-taga din diyà te kedita tadon neidowan din te ontò sikandin mèpiya, so impetagad kidon din amon begayan kidon din te kèpiyaan doton te langit.

Kolasas 1:27

so ibeg din ipetaga-taga din diyà kenitadon te ontò mèpiya se kebenalan seini. Ipetaga-taga din iyan heman doton te menge otaw kenà Judiyo. Seini se kebenalan sìyan wedà din petega-tegahi kedengan, te isogò din si Jesu Cristo meg-ogpà kidoen te kenyo pedowan, aw yan se doun te netegahan niyo te doen kèpiyaan pelimanan niyo doton te langit.

Efeso 3:8

Pengkey siak se ontò medanà diyà te kedita te sakop te Timanem, meneng pinemallì a din amon megtoladà kenyo menge otaw kenà Judiyo tepad te ontò mèpiya tabang i Cristo kenitadon eked tadon ontò kelebeti.

Efeso 1:18

Ibeg ko ontò kaw din toledaan amon ketegahan niyo aw eden se pelimanan niyo tandà te pegtawal din kenyo. Ibeg ko heman ipetaga-taga kaw din te ontò dakel se ontong ibegay din diyà te kedita te otaw sinakop te Timanem.

Mat. 6:13

Ikà egpeokit kenami diyà te peg-akal, meneng pekediyoi kay diyà ki Satanas.’

Efeso 1:7

Pineokit te pegkematay i Cristo doton te kros, impelowà kidon te Timanem lekat te salà. Pigwedad din se kedita te salà tadon. Ontò dakel se tabang din kenitadon,

Menge Hebreo 11:34

Doen heman menge doma otaw simalig diyà te Timanem aw yan nekelowà dan lekat te dakel apoy. Doen heman nekelowà lekat te belad te otaw mengimatay peden kandan. Doen heman otaw melomay neinang magsen pineokit te pegsalig dan diyà te Timanem. Doen heman wedà pegketalaw te peg-ato dan te menge poon dan, aw yan dinaeg dan se kedita te otaw limompak diyà kandan lekat te mediyò ogpeanan.

1 Pedro 3:4

Meneng keilangan ipekità niyo se mèpiya but lekat te pedowan niyo. Aw metinuud kaw, aw metelek kaw, yan se doen ontò keelagà eked palos pegkedaet, so ontò meelagà diyà te Timanem se otaw iling kenyan.

Efeso 2:7

Yan se ininang din amon gayed metaga-taga se kedita te otaw te ontò dakel se tabang din kenitadon pineokit ki Jesu Cristo.

Efeso 3:15

Sikandin se eg-ingadan te kedita, pengkey doton te langit aw dini lanto te tanà.

Kolasas 2:2

Ibeg ko megkagsen se pedowan niyo somalig diyà ki Cristo aw megpedekelay kaw te pedowan. Ibeg ko heman ontò niyo ketegahan se kebenalan tepad ki Cristo, so yan se kaling impetaga-taga din.