Efeso 3:12 - Manobo Sarangani

¹² So nemenal kidon den ki Cristo, yan se doun te wedad den lamit tadon megpedapag diyà te Timanem. Eked kidon den sagkà te pegtawal-tawal tadon diyà kandin.

Efeso 3:12 ပူးပေါင်းရင်းမြစ်များ

Efeso 2:18

Pineokit ki Cristo, mekepedapag kidon den diyà te Timanem Amay tadon, so eg-ogpaan den te Espiritu Santo se kedita tadon, pengkey Judiyo aw otaw kenà Judiyo.

Roma 5:2

Pineokit te pegpemenal tadon kandin, nekeakop kidon diyà te otaw egtebangan te Timanem. Neluba kidon den heman, so egpelimanan tadon se aldaw te meg-ogpà kidon doma te Timanem doton te langit.

Juan 14:6

Minikagi si Jesus, “Siak se dalan. Siak se kebenalan. Siak se eglekatan te kaling pedowan. Eked pekedoton se otaw te Amay ko singed aw onà dan mokit kanak.

2 Korinto 3:4

Insolat ko seini so egsalig a te Timanem pineokit ki Cristo.

Roma 3:22

Eneng-enengen te Timanem te metòlid kidon pineokit te pegpemenal tadon ki Jesu Cristo. Yan se inangen din diyà te kedita te otaw memenal, pengkey Judiyo aw otaw kenà Judiyo, so onawa se kedita te otaw.

Menge Hebreo 3:6

Meneng kenà sineligan te Timanem si Jesus, so Batà din sikandin. Insalig te Timanem kandin se pegpengibing te kedita te menge sakop te Timanem. Aw gayed kidon somalig diyà te egpelimanan tadon, ipetaga-taga tadon te sakop kidon din.

Menge Hebreo 10:35

Yan ikà niyo eglengà te pegsalig niyo diyà te Timanem, so aw melobos se pegsalig niyo diyà kandin, mèpiya se ontong kinewaen niyo.

1 Pedro 3:18

so nematay heman si Cristo amon megpelowà kenitadon lekat te salà. Mekesebad sikandin kematay so botong se pegkematay din. Pengkey wedad salà din, meneng simelilin sikandin kenitadon pengkey doen salà tadon amon megkità kidon aw Timanem. Pengkey nematay se lawa din, meneng neantay sikandin.

1 Juan 2:28

Nayan menge batà ko te pegpemenal, peg-ogpà kaw diyà ki Cristo amon eked kaw kelemitan aw eked kaw keyàyà te peglikò din.

1 Juan 3:21

Menge kedowa egkedekelan ko te pedowan, so netegahan tadon den te wedad den salà tadon, eked den kepuluk se pedowan tadon, aw wedad heman medaet kitaen te Timanem kidoen te pedowan tadon.