Efeso 3:1 - Manobo Sarangani

¹ Na, siak si Pablo, kineleboso a so egtaking a ki Jesu Cristo aw migtoladà a tepad kandin diyà kenyo menge otaw kenà Judiyo.

Efeso 3:1 ပူးပေါင်းရင်းမြစ်များ

Kolasas 1:24

Pengkey kineleboso a, meneng neluba a den, so pineokit te kelimahan ko, melobos se pedowan niyo diyà ki Cristo. Pineokit te pegtayod ko te kelimahan, kelumunan ko se kelimahan ibeg i Cristo okitan ko amon ketebangan se kedita te otaw egpemenal, kedita tadon impolingun te lawa i Cristo.

Efeso 4:1

Nayan, siak se nekeleboso tandà te pegtaking ko te Pengolo, aw yan memoyò a diyà kenyo te keilangan gayed mèpiya se kedita te eg-inangen niyo, sìyan ibeg te Timanem, so yan se tod din te pegtawal din kenyo.

2 Timoteo 1:8

Yan ikà egkeyàyà te peg-indan no tepad te Pengolo tadon. Ikà heman egkeyàyà tepad te pegkeleboso kanak tandà te pegtolò ko kandin. Meneng pegtoladà ka te Mèpiya Indan tepad kandin pengkey pemilangen ka, so begayan ka te Timanem te eneg din amon meketayod ka kenyan.

Efeso 6:20

Insogò a te Timanem amon megtoladà a te Mèpiya Indan sìyan, aw yan se doun te kineleboso a den. Pegtawal-tawal kaw tepad kanak amon wedad lamit ko te pegtoladà ko, so yan se sogò din kanak.

Filemon 1:9

Meneng so dakel se pedowan ko kamno, eked a sogò kamno. Pengkey siaken, si Pablo, se sebad sogounun i Jesu Cristo, aw pengkey nekeleboso a songkani tandà te pegtaking ko kandin, meneng memoyò a olò diyà kamno.

Filipos 1:7

Mèpiya se eg-eneng-enengen ko tepad te kedita niyo, so gayed dakel se pedowan ko kenyo. Tinebangan kaw te Timanem aw tinebangan a din heman, pengkey te pegkeleboso kanak, aw pegpetaga-taga ko te benal se Mèpiya Indan tepad ki Cristo.

Filemon 1:1

Seini se solat day kamno, Filemon, sigalak day egtabang kenami. Se solat seini lekat kanak, si Pablo, kineleboso pa tandà te pegtaking ko ki Jesu Cristo, aw lekat heman te kedowa tadon te pegpemenal si Timoteo.

Ininang 23:18

Yan inibing sikandin te serhinto doton te kapitan aw minikagi, “Nemoyò sìyan otaw kineleboso si Pablo te ibingen ko kamno se telaki seini, so doen iindan din kamno.”

Luc. 21:12

Meneng te eked pa iyan ketoman, dekepen kaw, aw pemilangen kaw. Okomen kaw doton te menge simbahan te Judiyo, aw kelebosowen kaw heman. Ipeibing kaw doton te menge selotan aw gobirnador tandà te pegpesakop niyo diyà kanak,

Filemon 1:23

Se doma ko si Epapras kineleboso heman tandà te pegtaking din ki Jesu Cristo, ibeg din metaga-taga ka te eg-aneng-aneng sikandin kamno.

Ininang 26:29

Minikagi si Pablo, “Pengkey menamay aw eked kenamay, ibeg ko meinang ka iling kanak, pengkey kedita niyo nenenalan kanak te aldaw seini. Meneng eked a keibeg aw geposen kaw heman iling kanak.”

2 Timoteo 1:16

Meneng ibeg ko keidowan te Pengolo tadon si Onesiforo aw pamilya din, so pegdateng din dini te Roma, nengemahà sikandin kanak lamig kinità a din. Melikit sikandin eglaoy kanak aw neantag se pedowan ko pineokit kandin. Wedà sikandin keyàyà pengkey kineleboso a.

Kolasas 4:18

Siak si Pablo se simolat te temanan te solat ko kenyo seini. Ikà niyo egkelibel te kineleboso a pa. Ibeg ko tebangan kaw te Timanem.

Kolasas 4:3

Pegtawal-tawal kaw heman tepad kenami, amon doen aldaw ibegay te Timanem kenami te pegtoladà day te kagi din, sìyan kebenalan tepad ki Cristo wedà din petega-tegahi gebii. Kineleboso a pa seini tandà te pegtoladà ko te kebenalan sìyan.

2 Korinto 11:23

Eg-ikagi dan te sikandan se menge sogounun i Cristo. Iling a te otaw migkebook so iduyun ko se kanak pegkeotawun, meneng siak se ontò sogounun i Cristo. Labi pa dakel se kanak neinang diyà kandan. Tandà te pegtoladà ko te kebenalan, melikit a egkelebosowen. Melikit a egbedasen, eked ko den kebilang. Melikit a agpet egkematay.

2 Korinto 10:1

Na, siak si Pablo doen ipunù ko kenyo lekat te pegketinuud aw keido i Cristo. Siak ekon se telawun aw kidoen a doma niyo, meneng mebolot a ekon aw somolat a kenyo lekat te mediyò.

Ininang 21:33

Pegdateng te kapitan doton, dinakep din si Pablo. Iniketan se belad din te dowa sengkalì. Penga niyan, mig-insà se kapitan aw sinu se ngadan din, aw eden se medaet ininang din.

Impekità 2:10

Ikà niyo egkelemitan te kelimahan agpet domateng kenyo. Doen menge otaw kidoen kenyo ipekeleboso i Satanas amon ketegahan aw ontò kaw egsalig kanak. Keilangan pemilangen kaw te eked kenamay, menge sempolò se aldaw. Pengkey imetayan kaw, salig kaw diyà kanak, so begayan ko sikiyo te ontong, sìyan korona te kaling pedowan wedad temanan.

Efeso 3:13

Yan doen ipunù ko kenyo. Ikà niyo eglengà tandà te kelimahan dimateng kanak lekat te pegtoladà ko kenyo menge otaw kenà Judiyo, so pineokit te kelimahan ko sìyan, doen kèpiyaan niyo.

Galasya 5:11

Migkebolalaw dan so minikagi dan te egtoladà a te keilangan tolien kidon aw tomolò te punù ingkeliwat i Moises amon meg-aneng-aneng se Timanem te metòlid kidon. Meneng kenà iyan benal. Simpana yan se ipegtoladà ko, eked a den pemilangi te menge Judiyo, aw eked a dan heman kebensihi te pegtoladà ko tepad te pegkematay i Cristo doton te kros.

Galasya 5:2

Penenelani niyo se kagi ko seini. Simpana punù ingkeliwat i Moises se seligan niyo amon meg-aneng-aneng se Timanem te metòlid kaw, wedad ontong te pegpemenal niyo ki Cristo.

Ininang 9:15

Minikagi se Pengolo, “Doton ka, so sikandin se pinemallì ko amon meg-indan tepad kanak doton te menge otaw kenà Judiyo, aw menge selotan, aw sikiyo menge bowad-bowad i Israel.

2 Korinto 1:6

Neketayod a pa te kelimahan amon meketabang a kenyo, aw amon mekelowà kaw lekat te kelimahan. Tinebangan a te Timanem amon meketabang a heman kenyo. Metoman iyan aw meketayod kaw te kelimahan iling te neokitan ko.

Galasya 5:24

Se menge otaw migpesakop diyà ki Cristo, yan se mig-eked te pegtolò te medaet ibeg te pedowan.

Efeso 3:8

Pengkey siak se ontò medanà diyà te kedita te sakop te Timanem, meneng pinemallì a din amon megtoladà kenyo menge otaw kenà Judiyo tepad te ontò mèpiya tabang i Cristo kenitadon eked tadon ontò kelebeti.

Efeso 3:11

Yan se tod te Timanem gebii te wedad pa keneyonan, meneng tinoman din den iyan pineokit te Pengolo tadon si Jesu Cristo.