Efeso 2:8 - Manobo Sarangani

⁸ Pineokit te tabang te Timanem, impelowà kaw din lekat te salà te pegpemenal niyo ki Cristo kenà pineokit te inang niyo, meneng pineokit te bowang te Timanem kenyo.

Efeso 2:8 ပူးပေါင်းရင်းမြစ်များ

Efeso 2:5

so pengkey iling kidon te nematay tandà te peg-inang tadon te medaet, meneng binegayan kidon te Timanem te kaling pedowan tandà te pegpesakop tadon diyà ki Cristo. Pineokit te tabang te Timanem kenitadon, impelowà kidon din lekat te salà.

Roma 4:16

Yan olò otaw egpemenal se begayan te Timanem te impakang din. Ibegay din iyan kenitadon pineokit te tabang din amon metoman iyan ibegay diyà kenitadon timetondog ki Abraham. Kenà olò Judiyo egtolò te menge punù ingkeliwat i Moises se begayan te Timanem, meneng begayan din heman se kedita te otaw egpemenal kandin iling te pegpemenal i Abraham, so neinang si Abraham olo te kedita tadon egpemenal.

Roma 10:17

Yan netegahan tadon te eked pemenal se otaw singed aw menenalan dan te kebenalan. Se kebenalan, yan se ipegtoladà day tepad ki Cristo.

Ininang 16:31

Timaba dan, “Pemenal ka te Pengolo si Jesus amon mekelowà ka lekat te salà, sikona aw menge doma otaw eg-ogpà diyà te balay nikaw.”

Juan 6:37

Se kedita te otaw insalig te Amay ko diyà kanak, yan se otaw tomaking kanak. Pengkey sinu se otaw tomaking kanak, eked ko palos sikandin pekedasi.

Juan 5:24

“Eneng-enengi niyo se kagi ko kenyo seini. Se otaw menenalan te kagi ko, aw memenal heman diyà te Amay ko simogò kanak, yan se otaw begayan te kaling pedowan wedad temanan. Eked sikandin pelumuni, so nekelowà den sikandin lekat te kemetayun, aw doen den kaling pedowan din wedad temanan.

Juan 4:10

Timaba si Jesus, “Aw netegahan no pa aw eden se ibowang te Timanem kamno, aw netegahan no heman aw sinu se nemoyò te wayeg diyà kamno, sikona se memoyò diyà kanak, aw begayan ta te wayeg egpemegay te pedowan.”

Luc. 7:50

Meneng minikagi heman si Jesus diyà te bayi, “Simalig ka diyà kanak, aw yan se doun te impelowà ka den te Timanem lekat te salà nikaw. Olì ka den. Ibeg ko doen kelinaw te pedowan nikaw.”

Mar. 16:16

Aw memenal se otaw kenyan, aw megpebonyag, ipelowà sikandin lekat te salà. Meneng aw eked pemenal se otaw, ipelumun sikandin.

Juan 3:36

Se otaw memenal diyà te Batà te Timanem, yan se otaw doen kaling pedowan wedad temanan. Meneng se otaw eked tolò te kagi te Batà te Timanem, yan se otaw eked begayi te kaling pedowan, meneng detengan dan te pelumun te Timanem te wedad temanan.

Roma 4:5

Iling heman kenyan, kenà otaw egkepagod se eneng-enengen te Timanem te metòlid sikandin. Meneng aw somalig se otaw diyà te Timanem, te sikandin se meg-aneng-aneng te metòlid se otaw nekesalà, yan se otaw eneng-enengen te Timanem te metòlid tandà te pegsalig din.

Efeso 2:10

Meneng pineokit ki Cristo, ininang kidon den te Timanem kaling amon mekeinang kidon te mèpiya, so yan se tapay din inlalang kenitadon.

Galasya 3:22

Meneng eked iyan kebatog, so doen kagi te Timanem insolat te nekesalà se kedita te otaw. Meneng olò pineokit te pegpemenal ki Jesu Cristo se pegkekinawà te mèpiya impakang te Timanem.

Galasya 3:14

Pineokit te pegkematay i Jesu Cristo, se kèpiyaan impakang te Timanem ki Abraham gebii, yan se minapet den diyà te kedita te otaw pengkey kenà Judiyo, amon mekekinawà kidon te Espiritu Santo, sìyan impakang te Timanem ibegay diyà te kedita te otaw memenal.

Juan 6:40

Meibeg se Amay ko te begayan te kaling pedowan wedad temanan se kedita te otaw nengemahà aw nemenal kanak, aw entayen ko dan te temanan aldaw.”

Juan 6:35

Minikagi si Jesus, “Siaken se kànen mekebegay te kaling pedowan wedad temanan. Se otaw tomaking aw memenal kanak, yan se otaw eked palos bellosi aw eked heman palos kelao.

Efeso 1:19

Ibeg ko heman ketegahan niyo te gayed meketabang se Timanem te kedita tadon egpemenal, so ontò sikandin metolos. Impekità din te metolos sikandin

Ininang 14:27

Pegdateng dan doton te Antyokya, pigtipon dan se kedita te otaw egpemenal amon meg-indan dan te kedita te ininang te Timanem pineokit kandan, so tinebangan dan te Timanem te peg-indan dan te menge otaw kenà Judiyo, aw yan nemenal dan heman te kagi te Timanem.

Juan 6:65

Minikagi heman si Jesus, “Yan se doun te minikagi a diyà kenyo te wedad otaw meketaking kanak singed aw onà entagen se pedowan din te Amay ko.”

Kolasas 2:12

Pegpebonyag tadon, iling te inlebeng kidon sipat ki Cristo, aw iling te inantay kidon heman sipat kandin tandà te pegpemenal tadon te ininang te Timanem Amay mig-antay ki Cristo lekat te nematay.

Juan 6:44

Wedad otaw meketaking kanak singed aw onà entagen se pedowan din te Amay ko simogò kanak. Se otaw tomaking kanak, yan se entayen ko te temanan aldaw.

1 Pedro 1:5

Eg-ipaten te Timanem metolos se kedita niyo simalig diyà kandin lamig te aldaw sikopen din se pegpelowà din kenitadon. Tapay din iyan impetagad, aw ipekità din iyan te modi aldaw.

Filipos 1:29

Pinemallì kaw din kenà olò amon memenal kaw ki Cristo, meneng pinemallì kaw din heman amon pemilangen kaw tandà te pegtaking niyo kandin.

Roma 10:14

Meneng eked dan pekepemoyò te tabang din singed aw somalig dan diyà kandin. Eked dan pekesalig diyà kandin singed aw menenalan dan te kagi din. Eked dan heman penenalan te kagi din singed aw doen otaw megtoladà kandan.

Mat. 16:17

Minikagi si Jesus, “Simon, batà i Juan, doen ontò keluba nikaw. Kenà otaw se migpetaga-taga diyà kamno te siak se Batà te Timanem, meneng Amay ko doton te langit se migpetaga-taga kenyan diyà kamno.

Ininang 16:14

Doen sebad bayi si Lydia nenenalan kenami. Tiyatira se tinebolan din. Egpemeligyà sikandin te penenaktun melalag kidoen te Filipos. Gayed sikandin egtolò te ibeg te Timanem. Pegpenenalan i Lydia te intoladà day, migtabang se Pengolo kandin amon memenal ki Jesus.

2 Tesalonika 1:9

Ipelumun dan te kemetayun wedad temanan, so ipekesayo dan lekat te Pengolo tadon, aw lekat te kelangkaw te tolos din.

Ininang 15:11

Meneng netegahan tadon den te nekelowà kidon lekat te salà pineokit te tabang i Jesu Cristo kenitadon. Onawa heman se pegpelowà din te menge doma otaw, pengkey kenà dan Judiyo.”

Roma 9:16

Yan netegahan tadon den te kenà egpemellien te Timanem se otaw lekat te ibeg dan aw kepagod dan, meneng lekat te keido te Timanem se pegpemallì din.

Menge Hebreo 6:4

Mèpiya aw megpedeleg kidon amon eked kidon peketinàyog te Timanem, so aw tominàyog se menge otaw te Timanem tapay nenedaman dan, eked dan todà pekeselsel. Pengkey tapay dan netaga-taga te kebenalan, pengkey doen imbowang te Timanem kandan aw doen heman ininang te Espiritu Santo kandan, pengkey netaga-taga dan te mèpiya se kagi lekat te Timanem, aw kinità dan se menge kepelahan iling te meinang te modi aldaw, meneng aw tominàyog dan te Timanem tapay nenedaman dan, eked dan todà pekeselsel. Eked dan iyan kebatog so nekeiling dan te menge otaw miglansang te Batà te Timanem doton te kros, aw egyèyaen dan sikandin diyà te menge doma otaw.

Mat. 20:9

Pegtandan din te otaw migtebò migterbaho alas singko te meapon, sebad dinaryo se kwarta imbegay din diyà te teg sebad-sebad kandan.