Efeso 2:12 - Manobo Sarangani

¹² Wedà kaw pekeakop diyà te menge bowad-bowad i Israel. Eked kaw heman pekekinawà te ontong ibegay te Timanem kenami, so kenà kenyo kemonaan se pinekangan din. Kedengan, te pegtaking niyo te medaet ketanem te otaw dini te keneyonan, wedad palos tabang te Timanem pinelimanan niyo, so wedà kaw pa ketaga-taga tepad kandin.

Efeso 2:12 ပူးပေါင်းရင်းမြစ်များ

Galasya 4:8

Na, kedengan te wedà niyo pa ketegahi se Timanem, neallang kaw te kenà benal timanem egtekingan niyo.

Kolasas 1:21

Kedengan, mediyò kaw kidoen te Timanem, aw minato kaw kandin, so medaet se pedowan niyo kandin aw medaet heman se eg-inangen niyo.

1 Pedro 1:3

Iduyun se Timanem, Amay te Pengolo tadon si Jesu Cristo. Ontò kidon neidowan te Timanem, aw binegayan kidon din te kaling pedowan. Yan doen egpelimanan tadon tandà te pegkeantay i Jesu Cristo lekat te nematay.

1 Tesalonika 4:13

Menge kedowa day, ibeg day metaga-taga kaw tepad te menge otaw nematay den, amon eked kaw kepuluk iling te otaw wedad egpelimanan dan.

Efeso 4:18

Wedà dan ketaga-taga te kebenalan. Wedad kaling pedowan imbegay te Timanem kandan, so wedà dan pemenal te kebenalan, aw magsen se olo dan.

1 Tesalonika 4:5

Aw mengognan kaw, ikà niyo egtaking te medaet ibeg te lawa niyo iling te eg-inangen te menge otaw kenà egtaking te Timanem.

Juan 15:5

“Siaken se iling te pinonoan, aw sikiyo se iling te menge belagen ko. Aw meg-ogpà se otaw diyà kanak aw meg-ogpà a heman diyà kandin, yan se otaw mongo te dakel. Meneng aw tomani kaw kanak, wedad palos mebatog niyo.

Menge Hebreo 6:18

Yan dowa se ininang din. Migpakang sikandin, aw impesipat din se kandin ngadan diyà te pakang din. Pineokit te didowa sìyan, netegahan tadon te eked palos ketodà se pakang din, aw eked palos heman sikandin pegkebolalaw. Yan se doun te megkagsen se pedowan te kedita tadon migpesakop diyà kandin, aw melobos se pegpeliman tadon te impakang din.

Roma 9:8

Pineokit te kagi te Timanem sìyan, impetaga-taga din kenitadon te eked din eneng-enengi te menge batà din se kedita te otaw, so eked eneng-enengi te Timanem te menge batà din se otaw singed aw doen pakang din tepad kandan.

1 Pedro 3:15

Keilangan meg-aneng-aneng kaw te si Cristo se Pengolo niyo. Keilangan gayed kaw megpeketagad tomaba diyà te otaw meg-insà kenyo tepad te pinemenalan niyo.

Ininang 28:20

Yan se doun te pigtipon ko sikiyo, amon megkità kidon aw megpebelaw-belaway. Iniketan a pa te sengkalì seini so pinemenalan ko sikandin egpelimanan tadon menge bowad-bowad i Israel.”

Ininang 3:25

Sikitadon heman se pinekangan te Timanem, so ingkeliwat se pakang sìyan diyà kenitadon. Netoman den songkani se pakang te Timanem diyà te kemonaan tadon, so minikagi se Timanem diyà ki Abraham, ‘Tebangan ko se kedita te otaw te keneyonan pineokit te bowad-bowad nikaw.’ Yan se impakang te Timanem ki Abraham.

Genesis 15:18

Te delem sìyan, migpakang se Timanem diyà ki Abram, kagi din, “Ibegay ko diyà te menge bowad-bowad nikaw se kebelad te tanà seini. Lekat te wayeg doton te Ehipto taman te dakel wayeg te Yofritis, yan se tanà ibegay ko diyà kandan.

1 Juan 3:3

Aw ontò egpeliman se otaw te metoman iyan, yan se otaw megpelobos te kandin pedowan wedad salà iling ki Cristo.

1 Pedro 1:21

Pineokit ki Cristo, nemenal kaw den te Timanem mig-antay kandin lekat te nematay aw mig-inang kandin melangkaw doton te langit. Timanem den se egseligan niyo te doen egpelimanan niyo doton te langit.

Menge Hebreo 11:34

Doen heman menge doma otaw simalig diyà te Timanem aw yan nekelowà dan lekat te dakel apoy. Doen heman nekelowà lekat te belad te otaw mengimatay peden kandan. Doen heman otaw melomay neinang magsen pineokit te pegsalig dan diyà te Timanem. Doen heman wedà pegketalaw te peg-ato dan te menge poon dan, aw yan dinaeg dan se kedita te otaw limompak diyà kandan lekat te mediyò ogpeanan.

1 Timoteo 1:1

Siak, si Pablo, se simolat kani. Ininang a sogounun i Jesu Cristo pineokit te punù te Timanem egpelowà kenitadon, aw pineokit te punù i Jesu Cristo egpelimanan tadon.

2 Tesalonika 2:16

Ibeg day, entagen se pedowan niyo aw tebangan kaw te Pengolo tadon si Jesu Cristo aw Amay tadon Timanem amon mèpiya se kedita te inangen niyo aw ikegiyen niyo. Dakel se pedowan te Timanem kenitadon, aw pineokit te tabang din kenitadon neantag den se pedowan tadon wedad temanan, aw mèpiya den heman se pegpeliman tadon.

Kolasas 1:27

so ibeg din ipetaga-taga din diyà kenitadon te ontò mèpiya se kebenalan seini. Ipetaga-taga din iyan heman doton te menge otaw kenà Judiyo. Seini se kebenalan sìyan wedà din petega-tegahi kedengan, te isogò din si Jesu Cristo meg-ogpà kidoen te kenyo pedowan, aw yan se doun te netegahan niyo te doen kèpiyaan pelimanan niyo doton te langit.

Kolasas 1:5

Yan se eg-inangen niyo, so kedengan te pegdineg niyo te kebenalan tepad ki Cristo, nemenal kaw te doen ontong ibegay kenyo doton te langit. Yan se Mèpiya Indan

Juan 10:16

Doen pa menge doma wedà pa pegpesakop diyà kanak. Keilangan sekopen ko dan heman, aw menenalan dan heman kanak. Yan inangen ko dan sebad olò pongan, aw siak se mengibing kandan.

Juan 4:22

Sikiyo tege Samarya, wedà kaw ketaga-taga aw sinu se egsimbahen niyo. Meneng sikami Judiyo, netaga-taga kay aw sinu se egsimbahen day, so pineokit kenami Judiyo, megpelowà se Timanem te kedita te otaw.

Luc. 1:72

Metoman kidon din keidowan, so yan se impakang din diyà te menge kemonaan tadon. Eked din kelibeli se impakang din gebii,

Ininang 2:39

Migpakang se Timanem te ibegay din se Espiritu Santo diyà kenyo, aw diyà te batà niyo, aw diyà te otaw mediyò, so ibegay din diyà te kedita te otaw tewalen din.”

Efeso 2:19

Nayan, sikiyo menge otaw kenà Judiyo, pengkey kenà kaw sakop te Timanem kedengan, meneng sinakop kaw din den sipat kedita te doma sakop din, aw ininang kaw din menge batà din.

Menge Hebreo 8:6

Se eg-inangen i Cristo diyà kenitadon, yan se labi pa mèpiya diyà te ininang te menge telekagon te Judiyo. Se kaling peokit ininang i Cristo, yan se labi pa mèpiya diyà te tapay peokit, so labi pa mèpiya se impakang te Timanem tepad kenyan.