Efeso 2:11 - Manobo Sarangani

¹¹ Sikiyo menge otaw kenà Judiyo, eneng-enengi niyo tepad te pegkeotawun niyo kedengan. Egkebensihan kaw te menge Judiyo egpemetolì, so wedà kaw taking te ketanem day sìyan.

Efeso 2:11 ပူးပေါင်းရင်းမြစ်များ

Kolasas 2:11

Doen pengilala eg-inangen te menge Judiyo amon ipetaga-taga dan te egtaking dan te Timanem, aw yan se pegpemetolì dan. Meneng sebad se pengilala ininang i Cristo te pegpemenal tadon kandin, so impelowà kidon din lekat te pegkeallang tadon diyà te medaet ibeg te pedowan tadon.

Kolasas 2:13

Kedengan, iling te nematay kaw, so nelegeb kaw te salà aw egtaking kaw te medaet ibeg te pedowan niyo. Meneng songkani binegayan kaw din heman te kaling pedowan iling ki Cristo, so pigwedad den te Timanem se kedita te salà ininang tadon.

Kolasas 3:11

Diyà te kedita tadon egpemenal, wedad palos lindoan te Timanem, pengkey Judiyo aw kenà Judiyo, pengkey tinolì aw wedà tolii, pengkey mig-iskwila aw wedà peg-iskwila, pengkey allang aw kenà allang, so migsebad den se kedita tadon diyà ki Cristo, aw mig-ogpà sikandin diyà te kedita tadon.

Kolasas 1:21

Kedengan, mediyò kaw kidoen te Timanem, aw minato kaw kandin, so medaet se pedowan niyo kandin aw medaet heman se eg-inangen niyo.

Filipos 3:3

Meneng sikitadon se doen pengilala te ontò kidon sakop te Timanem, so egsimba kidon te Timanem pineokit te tabang te Espiritu Santo, aw doen den keluba tadon lekat ki Jesu Cristo. Impelowà kidon den lekat te salà, meneng kenà iyan pineokit te pegtolò tadon te punù ingkeliwat i Moises.

Efeso 5:8

Kedengan, diyà kaw te kengitngitan, so wedà kaw pa ketaga-taga tepad te Timanem. Meneng songkani diyà kaw den te kelowahan, so migpesakop kaw diyà te Pengolo tadon. Yan keilangan imendayan niyo se keogpà niyo diyà te kelowahan.

Galasya 6:12

Se menge otaw egtoladà te keilangan tomolò kaw te punù ingkeliwat i Moises aw tolien kaw, yan se otaw meibeg te meluba se menge doma dan Judiyo pineokit te pegtolò niyo te ketanem dan sìyan. Eden dan aw pineokit kenyan, eked dan pemilangi te menge doma dan Judiyo, pengkey egpemenal dan ki Jesus nematay doton te kros.

1 Korinto 12:2

Netegahan niyo te gebii te wedà kaw pa taking ki Cristo, neallang kaw so timolò kaw te kenà benal timanem, sìyan kenà eg-ikagi, so neibing kaw timolò kandan.

1 Korinto 6:11

Doen otaw kidoen kenyo iling kenyan se eg-inangen dan kedengan, meneng songkani binonyagan kaw den, aw ininang kaw te Timanem otaw egpenimanem, aw eg-eneng-enengen te Timanem te metòlid kaw pineokit te ngadan te Pengolo tadon si Jesu Cristo, aw pineokit te Espiritu Santo.

Galasya 2:15

Sikami Judiyo, kenà kay iling te menge doma otaw kenà Judiyo, sìyan gayed eglàpang te punù te Timanem,

Roma 2:26

Meneng aw doen otaw kenà Judiyo wedà pa tolii gayed egtolò te ibeg te Timanem iling te punù din ingkeliwat i Moises, yan se otaw sekopen te Timanem iling te tinolì sikandin.

Roma 2:27

Pengkey Judiyo kaw, meneng aw eglàpang kaw te punù ingkeliwat i Moises, doen aldaw domateng aw mikagi se menge otaw kenà Judiyo te keilangan ipelumun kaw, so pengkey binegayan kaw te kagi te Timanem insolat, pengkey tinolì kaw heman, meneng kenà kaw egtolò. Meneng pengkey wedà keliwati se punù te Timanem diyà te menge otaw kenà Judiyo, aw wedad ketanem dan te egtolien, meneng doen otaw diyà kandan egtolò te ibeg te Timanem.

Roma 11:17

Ipolingun ko se menge Judiyo wedà pemenal iling te menge panga te kayo iningedanan olibo intanem te Timanem, so tinepò se menge panga niyan. Meneng sikiyo menge otaw kenà Judiyo nemenal, iling kaw te menge panga te kayo timobò doton te kebenesan. Meneng inabat kaw te Timanem lekat te kayo timobò doton te kebenesan aw insogpat kaw din doton te lawa te sìyan kayo intanem din amon tomilles kaw kidoen. Yan sinakop kaw den te Timanem diyà te menge otaw eg-ipaten din iling te menge Judiyo inipat din gebii.

Efeso 2:2

Kedengan, gayed kaw egpekesalà. Mig-iling kaw te otaw eg-inang te salà dini te keneyonan. Timolò kaw ki Satanas, pengolo te kedita te bosaw. Sikandin se egbayà-bayà te kedita te otaw kenà egtolò te Timanem.

Mat. 20:7

Timaba dan, ‘So wedad megtandan kenami.’ Minikagi sikandin, ‘Pegterbaho kaw heman doton te pawà ko.’