Efeso 2:10 - Manobo Sarangani

¹⁰ Meneng pineokit ki Cristo, ininang kidon den te Timanem kaling amon mekeinang kidon te mèpiya, so yan se tapay din inlalang kenitadon.

Efeso 2:10 ပူးပေါင်းရင်းမြစ်များ

Filipos 2:13

so doen eg-inangen te Timanem kenyo amon meibeg kaw tomolò kandin, aw amon mekebatog kaw tomolò te ibeg din.

Kolasas 1:10

Yan se egpemoyoen day amon ibeg te Pengolo tadon se eg-inangen niyo, aw amon gayed sikandin meluba tepad kenyo. Aw yan se inangen niyo, mèpiya se kedita te inang niyo, aw labi kaw pa metaga-taga tepad te Timanem.

Menge Hebreo 13:21

Yan se doun te egtawal-tawal a diyà te Timanem egpemegay te kelinaw te begayan kaw te kedita te mèpiya tabang din amon mekebatog kaw tomoman te ibeg din. Ibeg ko heman, tebangan kaw din amon meg-inang kaw te mekeluba kandin pineokit te tabang i Jesu Cristo diyà kenyo. Iduyun sikandin te wedad temanan. Metoman iyan.

2 Korinto 5:17

Se otaw simalig ki Cristo, ontò den netodà se pedowan dan. Taman den niyan se pegkeallang dan diyà te medaet, so doen den kaling pedowan dan.

2 Korinto 9:8

Timanem se mekebegay te tabang labi pa dakel diyà te lidò niyo amon doen gayed botong kenyo aw amon doen pa heman lampas ibegay niyo diyà te doma otaw nelimahan.

Efeso 4:24

Keilangan kinewaen niyo den se kaling pegkeotawun ininang te Timanem iling kandin, aw ipekità niyo iyan pineokit te peg-inang niyo te ontò metòlid aw mèpiya.

Filipos 1:6

Netegahan ko te migtebò se Timanem mig-inang te mèpiya kidoen te pedowan niyo, aw gayed din iyan inangen lamig melingeb iyan te aldaw te peglikò i Jesu Cristo.

2 Timoteo 3:17

Pineokit te kagi te Timanem, megkebiyasa se kedita tadon egtaking te Timanem aw meketagad kidon meg-inang te pengkey eden kemoloi te mèpiya inang.

Efeso 4:1

Nayan, siak se nekeleboso tandà te pegtaking ko te Pengolo, aw yan memoyò a diyà kenyo te keilangan gayed mèpiya se kedita te eg-inangen niyo, sìyan ibeg te Timanem, so yan se tod din te pegtawal din kenyo.

2 Timoteo 2:21

Aw eked peg-inabut se otaw te salà, iling sikandin te telepagan meelagà diyà te tig-apò, aw pemellien sikandin te Pengolo amon gemiten din, so egpeketagad sikandin meg-inang te pengkey eden se mèpiya.

Tito 2:14

Sikandin se simelilin kenitadon te pegkematay din amon megpelowà kenitadon lekat te pegkeallang tadon te salà, aw amon sekopen kidon din. Yan se doun te lininisan kidon din lekat te salà, aw ininang kidon din otaw meibeg meg-inang te mèpiya.

Efeso 1:4

Gebii te wedà pa inangi te Timanem se keneyonan, tapay kidon din pinemallì amon inangen kidon sakop din pineokit ki Cristo, aw amon meg-aneng-aneng se Timanem te metòlid kidon, aw wedad silahen din diyà kenitadon. So dakel se pedowan te Timanem kenitadon,

1 Timoteo 6:18

Pegpunù ka te menge otaw meyaman te keilangan meg-inang dan te mèpiya diyà te menge doma otaw, so yan se ontò keyemanan. Keilangan meagka se pedowan dan megtabang te menge doma otaw.

Tito 3:14

Mèpiya aw meg-iling se menge kedowa tadon doton te keilangan megpekeaseb dan meg-inang te mèpiya, aw megtabang dan te doma otaw ontò nelimahan, amon doen ontong te pegtaking dan te Timanem.

Menge Hebreo 10:24

Keilangan megpetebangay kidon amon ontò benal se pegpedekelay tadon te pedowan aw peg-inang tadon te mèpiya.

Tito 3:8

Ontò benal se insolat ko kamno seini. Ibeg ko, ontò ka megtoladà te kedita te sìyan insolat ko kamno, amon ontò measeb se kedita te otaw nemenal te Timanem meg-inang te mèpiya, so mèpiya iyan peg-ilingan aw doen ontong te otaw tomolò kenyan.

Kolasas 3:10

aw kiminawà kaw den te kaling pegkeotawun doen kaling pedowan imbegay te Timanem, aw gayed din iyan ipegpetilles lamig iling kaw te Timanem, amon ontò kaw metaga-taga te kebenalan tepad kandin.

Tito 2:7

Sikona heman, pengkey eden se inangen nikaw, keilangan mèpiya iyan amon meinang ka gegonan peg-ilingan te menge doma otaw. Aw megtoladà ka, keilangan metinuud ka, aw keilangan metinònò ka.

1 Korinto 3:9

Didowa kay si Apolos se insogò te Timanem meg-inang, aw iling kaw te pawà pinetrebehowan te Timanem kenami. Doma ipolingun ko, iling kaw te balay impeinang te Timanem.

1 Pedro 2:12

So tengtengen kaw te menge otaw wedà pa pemenal te Timanem, yan keilangan ontò metòlid se eg-inangen niyo, amon aw mikagi dan te doen salà niyo, metaga-taga dan beling te mèpiya se eg-inangen niyo, aw yan se doun te iduyun dan se Timanem te aldaw te pegdateng din.

Tito 3:1

Pegtoladà ka te menge otaw doton kamno te keilangan tomolò dan te menge opisyal te gobirno. Keilangan tomolò dan te menge punù te gobirno. Keilangan meagka se pedowan dan megtelaban te kedita te mèpiya inang.

1 Juan 2:6

Aw eg-ikagi se otaw te diyà sikandin te Timanem, keilangan inangen din se kandin pegkeotawun iling te pegkeotawun i Jesu Cristo.

Mat. 5:16

Iling heman kenyan, keilangan olò mèpiya se inangen niyo, so aw komità se menge doma otaw te mèpiya se eg-inangen niyo, iduyun dan se Amay niyo Timanem doton te langit.”

Juan 3:21

Meneng se otaw egtaking te kebenalan, yan se megpedapag diyà te kelowahan, amon ketegahan te eg-inangen din se ibeg te Timanem.

Roma 8:29

Gebii lekat te keteboan te keneyonan, tapay netaga-taga se Timanem aw sinu se megpesakop diyà kandin. Miglalang sikandin meg-inang kenitadon iling te Batà din si Jesus, so ibeg din meinang se kedita tadon iling te telekedowa, aw meinang si Jesus iling te kakay tadon.

Ininang 9:31

Penga niyan, wedad den migsamok te otaw egpemenal doton te kedita te lonsod te Judiya aw Galiliya aw Samarya. Nelobos se pedowan dan, aw timolò dan te Pengolo, aw migtabang se Espiritu Santo kandan.

2 Korinto 5:5

Se Timanem, yan se migpetagad den kenitadon amon mekekinawà kidon te kaling lawa, aw sikandin se simogò te Espiritu Santo meg-ogpà dini kenitadon, amon ketegahan tadon te metoman pa se impakang din.

1 Timoteo 5:25

Iling heman kenyan, doen menge otaw eg-inang te mèpiya sikil egketegahan te menge doma otaw. Meneng pengkey eked iyan tagmon ketegahi te doma otaw, eked iyan keeles te wedad temanan.

1 Timoteo 2:10

Meneng keilangan iduyun dan tandà te peg-inang dan te mèpiya, so yan se keilangan inangen te menge bayi eg-ikagi te egtaking dan te Timanem.

1 Timoteo 5:10

Eked sikandin peekopi singed aw medengeg sikandin eg-inang te mèpiya. Pelistahi olò se ngadan te bayi balo mig-ipat te menge batà din aw migsagman te menge otaw gimemaw kandin, aw mig-onaw te benis te menge doma sakop te Timanem, aw migtabang te menge otaw nelimahan, aw migpekeaseb sikandin te medita kemolò te mèpiya inang.

1 Juan 1:7

Meneng aw egtaking kidon te kelowahan iling te Timanem eg-ogpà diyà te kelowahan, yan migpesigelakay se kedita tadon egtaking kandin, aw dipanog te Batà din si Jesus se ipeg-onaw kenitadon lekat te kedakel te salà tadon.

Ininang 9:36

Doen sebad bayi egpemenal doton te Jopa ngadan din si Tabita, doma ngadan din si Dorcas. Mèpiya otaw sikandin, so gayed egtabang te doma otaw.

Galasya 6:15

Pengkey tolien se otaw aw eked, kenà niyan se eglekatan te mèpiya, meneng se mèpiya, yan se kaling pedowan wedad temanan mekinawà tadon.

Roma 8:1

Yan eked pelumuni te Timanem se kedita te otaw migpesakop diyà ki Jesu Cristo.

Efeso 2:2

Kedengan, gayed kaw egpekesalà. Mig-iling kaw te otaw eg-inang te salà dini te keneyonan. Timolò kaw ki Satanas, pengolo te kedita te bosaw. Sikandin se egbayà-bayà te kedita te otaw kenà egtolò te Timanem.

Efeso 1:1

Se solat seini lekat kanak si Pablo. Lekat te ibeg te Timanem, siak se sebad sogounun i Jesu Cristo. Seini se solat ko diyà te kedita niyo sinakop te Timanem aw gayed egsalig diyà ki Jesu Cristo.

Efeso 2:6

Inantay kidon din doma i Jesu Cristo lekat te nematay, aw impelowan kidon din doma din doton te langit pineokit ki Jesu Cristo.

Efeso 2:13

Pengkey mediyò kaw lekat te Timanem kedengan, meneng pegpemenal niyo ki Cristo, impedapag kaw te Timanem pineokit te pegkematay i Cristo doton te kros.

Efeso 2:15

Tandà te pegkematay i Cristo, impelowà kay din menge Judiyo lekat te menge punù ingkeliwat i Moises tinolò day, amon pegsebaden din se didowa pongan te otaw, se menge Judiyo aw otaw kenà Judiyo, pineokit te pegpesakop te kedita tadon diyà kandin. Pigsebad din se didowa kemolò te otaw, aw yan inabat din se peopalay tadon.