Efeso 2:1 - Manobo Sarangani

¹ Kedengan, te wedà kaw pa pemenal, iling kaw te nematay tandà te peg-inang niyo te salà.

Efeso 2:1 ပူးပေါင်းရင်းမြစ်များ

Kolasas 2:13

Kedengan, iling te nematay kaw, so nelegeb kaw te salà aw egtaking kaw te medaet ibeg te pedowan niyo. Meneng songkani binegayan kaw din heman te kaling pedowan iling ki Cristo, so pigwedad den te Timanem se kedita te salà ininang tadon.

Roma 8:2

So pegsebad ko diyà ki Jesu Cristo, doen kaling pedowan imbegay te Espiritu Santo kanak, aw yan se doun te wedad den keilangan meg-inang a te salà, aw eked a den heman detengi te pelumun.

Efeso 4:18

Wedà dan ketaga-taga te kebenalan. Wedad kaling pedowan imbegay te Timanem kandan, so wedà dan pemenal te kebenalan, aw magsen se olo dan.

Juan 5:21

Eg-antay se Amay ko te otaw nematay, aw egpemegay kandan te kaling pedowan. Iling heman kenyan se inangen ko, so memegay a heman te kaling pedowan diyà te kedita te otaw pemellien ko.

1 Juan 3:14

Impelowà kidon den lekat te kemetayun wedad temanan, aw binegayan kidon den heman te kaling pedowan wedad temanan. Netegahan tadon te benal iyan so dakel se pedowan tadon te menge doma otaw. Meneng eg-ogpà pa diyà te kemetayun se otaw wedad kedakel te pedowan din te doma,

Juan 14:6

Minikagi si Jesus, “Siak se dalan. Siak se kebenalan. Siak se eglekatan te kaling pedowan. Eked pekedoton se otaw te Amay ko singed aw onà dan mokit kanak.

Efeso 5:14

Aw doen manyag, keenyagan se kedita. Yan se doun te doen eg-ikegiyen seini. “Aw timedogi ka pa, keloka ka den. Aw nematay ka pa, keantay ka den lekat te nematay, So keenyagan kaw den i Cristo.”

1 Timoteo 5:6

Meneng se bayi balo gayed egkeibeg te keluba te otaw dini te keneyonan, yan se iling te nematay den pengkey wedà pa kematay.

Juan 5:25

Eneng-enengi niyo se kagi ko kenyo. Doen aldaw domateng, igsà dimateng den iyan, aw domineg te kagi ko se menge otaw wedad pedowan. Aw memenal dan kanak, begayan dan te kaling pedowan wedad temanan.

1 Korinto 15:45

Doen kagi te Timanem insolat, te peg-inang te Timanem te tagnà otaw si Adam, yan se binegayan din te pedowan. Meneng si Cristo ingedanan Temanan Adam, sikandin se egpemegay te kaling pedowan.

Juan 10:10

Domoton se menenakaw te kelokob amon menakaw, aw mengimatay, aw megbaet. Meneng dimini a amon memegay a te kaling pedowan wedad temanan diyà te kedita te otaw, sìyan kaling pedowan wedad kekolangan.

Impekità 3:1

Minikagi heman sikandin, “Solat ka te anghil egtonggò te menge sakop te simbahan kidoen te Sardis. Seini se kagi isolat nikaw. ‘Seini se kagi ko kenyo. Dini kanak se Espiritu Santo egpetaga-taga te metolos sikandin pineokit te pito keokit. Dini heman kanak se pito bitoen eg-ewidan ko. Netegahan ko se eg-inangen niyo. Pengkey nedengeg kaw te doen kaling pedowan niyo, meneng wedà niyo iyan pekitai pineokit te eg-inangen niyo.

Luc. 15:32

Meneng keilangan megpelelahay kidon aw megpelubahay kidon, so eden ko aw nematay den se adi no, meneng neantay pa kedì. Netalon sikandin, meneng kinità.’”

Luc. 15:24

Eden ko aw nematay den se batà ko seini, meneng neantay pa kedì. Netalon sikandin, meneng kinità.’ Penga niyan, migtebò dan se migpista.

Mat. 8:22

Meneng minikagi si Jesus, “Keilangan tomaking ka den kanak, so mèpiya aw otaw wedad kaling pedowan se meglebeng te menge doma dan nematay.”

2 Korinto 5:14

Tandà te kedakel te pedowan i Cristo kanak, neantag heman se pedowan ko. Netegahan ko den ini, te pegkematay i Cristo, iling te nematay se kedita te otaw, so nematay sikandin inselilin te kedita te otaw, amon eked kidon taking te kenitadon ibeg. Nematay amon tekingan tadon se kandin ibeg, so nematay aw neantay heman sikandin amon megtabang kenitadon.

Genesis 8:21

Peg-adek te Timanem te nadeg niyan, neluba sikandin, aw minikagi sikandin diyà te pedowan din, “Eked a todà pegpelumun te tanà tandà te medaet inang te otaw, so netegahan ko te gayed medaet se ibeg te pedowan te otaw lekat te pegtebaw dan. Eked a todà peg-igelà te kedita te otaw aw menenanap iling te ininang ko den.