Efeso 1:7 - Manobo Sarangani

⁷ Pineokit te pegkematay i Cristo doton te kros, impelowà kidon te Timanem lekat te salà. Pigwedad din se kedita te salà tadon. Ontò dakel se tabang din kenitadon,

Efeso 1:7 ပူးပေါင်းရင်းမြစ်များ

1 Pedro 2:24

Pegkematay din doton te kros, inibing din se kedita te salà tadon amon mekelowà kidon lekat te salà aw amon mekeinang kidon te metòlid. Pineokit te pegpelumun kandin, migkèpiya kidon den.

Roma 3:24

Meneng pineokit te tabang te Timanem, inaneng-aneng din den te metòlid kidon. Yan se imbowang din kenitadon pineokit te pegpelowà i Jesu Cristo kenitadon lekat te salà.

Kolasas 1:14

so pineokit te pegkematay i Jesus, impelowà kidon din lekat te salà, aw pigwedad den te Timanem se kedita te salà tadon.

Menge Hebreo 9:22

so doen punù ingkeliwat i Moises te keilangan doen dipanog ilinis te keditaan te telepagan dan. Iling heman kenyan, eked pegwedadi te Timanem se salà te otaw singed aw doen imetayan amon doen dipanog ilinis.

Mat. 26:28

so seini se dipanog ko, aw pineokit kani, doen den kaling peokit pesalo doton te Timanem. Pineokit te pegkematay ko, pegwedaden din se salà te ontò medita otaw.

Impekità 5:9

Migdelangan dan heman te kaling delangan, kagi dan, “Botong se kelangkaw nikaw amon mekebatog ka mengabat te papil linolon Aw mengabat ka te pengilala niyan, So sikona se inimetayan, Aw pineokit te dipanog no te pegkematay no, Migtansò ka te otaw lekat te kedita te ogpeanan Amon meinang dan sakop te Timanem.

1 Juan 2:12

Menge batà ko te pegpemenal, simolat a den kenyo so ibeg ko megpeaneng-aneng a kenyo te pigwedad den te Timanem se salà niyo pineokit ki Jesu Cristo.

Filipos 4:19

Wedad temanan te keyemanan te Timanem egseligan ko, aw begayan kaw din te kedita te kelidoan niyo tandà te pegpesakop niyo diyà ki Jesu Cristo.

Efeso 2:7

Yan se ininang din amon gayed metaga-taga se kedita te otaw te ontò dakel se tabang din kenitadon pineokit ki Jesu Cristo.

1 Korinto 1:30

Lekat te ibeg te Timanem, migsebad se pedowan niyo ki Cristo, aw impetaga-taga din se kebiyasa te Timanem diyà kenitadon. Yan netegahan tadon te in-aneng-aneng te Timanem te metòlid kidon, iling kidon te wedad salà aw eked kidon den pelumuni.

Efeso 3:16

Egtawal-tawal a diyà te Timanem Melangkaw egpemegay te ontò mèpiya, so ibeg ko pekegsenen din se pegsalig niyo diyà kandin pineokit te Espiritu Santo.

2 Korinto 8:9

Ikà niyo egkelibel te tabang te Pengolo tadon si Jesu Cristo, so peg-ogpà din doton te langit, sikandin se tig-apò te kedita, meneng tinenanan din se kedita niyan, aw migpekeotaw amon tebangan kaw din, amon lekat kenyan meketig-apò kaw te mèpiya doton te langit.

Roma 2:4

Ikà niyo eg-aneng-aneng te eked kaw pelumuni te Timanem tandà te kedakel aw kedalem te pedowan din. Iling te nelibelan niyo te gayed medalem se pedowan te Timanem kenyo so ibeg din megselsel kaw.

1 Juan 2:2

Sikandin se simelilin kenitadon inimetayan amon pegwedaden te Timanem se menge salà tadon. Kenà olò kenitadon salà se pegwedaden din, meneng salà te kedita te otaw te keneyonan se pegwedaden din.

Tito 2:14

Sikandin se simelilin kenitadon te pegkematay din amon megpelowà kenitadon lekat te pegkeallang tadon te salà, aw amon sekopen kidon din. Yan se doun te lininisan kidon din lekat te salà, aw ininang kidon din otaw meibeg meg-inang te mèpiya.

Ininang 2:38

Timaba si Pedro, “Pegselsel kaw te salà niyo. Pegpebonyag kaw tandà te pegpemenal niyo ki Jesu Cristo. Aw memenal kaw, pegwedaden te Timanem se salà niyo, aw Espiritu Santo se ibegay kenyo.

Mat. 20:28

Keilangan meg-iling sikandin kanak Timanem Migpekeotaw, so dimini a te tanà kenà amon tebangan a te otaw, meneng dimini a amon menabang a te otaw. Neketagad a den imetayan amon medita se otaw mekelowà lekat te pegkeallang dan diyà te salà.”

1 Juan 4:10

Yan ketegahan tadon aw eden se ontò benal kedakel te pedowan, so kenà kedakel te pedowan tadon diyà te Timanem, meneng kedakel te pedowan te Timanem kenitadon, so insogò din se Batà din amon somelilin kenitadon imetayan, aw amon mekelowà kidon lekat te salà.

Ininang 20:28

Pekeimanday kaw. Pegtonggò kaw te kedita te otaw egpemenal, so Espiritu Santo se miggulal kenyo egpengibing amon mengibing kaw kandan. Ininang kidon din sakop din pineokit te pegkematay i Jesus.

1 Pedro 3:18

so nematay heman si Cristo amon megpelowà kenitadon lekat te salà. Mekesebad sikandin kematay so botong se pegkematay din. Pengkey wedad salà din, meneng simelilin sikandin kenitadon pengkey doen salà tadon amon megkità kidon aw Timanem. Pengkey nematay se lawa din, meneng neantay sikandin.

Efeso 3:8

Pengkey siak se ontò medanà diyà te kedita te sakop te Timanem, meneng pinemallì a din amon megtoladà kenyo menge otaw kenà Judiyo tepad te ontò mèpiya tabang i Cristo kenitadon eked tadon ontò kelebeti.

Ininang 10:43

Kedita te telekeliwat te kagi te Timanem simolat te pegwedaden se salà te kedita te otaw memenal ki Jesus.”

Juan 20:23

Aw pegwedaden niyo se salà te doma otaw, pegwedaden iyan te Timanem. Meneng aw eked niyo pegwedadi se salà te doma otaw, eked iyan pegwedadi te Timanem.”

Mar. 14:24

Minikagi si Jesus, “Yan se dipanog ko, aw pineokit kani, doen den kaling peokit pesalo doton te Timanem. Pineokit te pegkematay ko, medita se otaw tebangan.

Tito 3:6

Ontò dakel se tabang te Timanem kenitadon, so insogò din se Espiritu Santo megbayà-bayà kenitadon tandà te ininang i Jesu Cristo egpelowà kenitadon.

1 Timoteo 2:6

Lekat te kandin ibeg, simelilin sikandin kenitadon aw nematay amon ipelowà din se kedita te otaw. Pegdateng te aldaw pinemallì te Timanem, impetaga-taga din pineokit ki Jesu Cristo te doen ibeg din ipelowà se kedita te otaw lekat te salà.

Kolasas 2:13

Kedengan, iling te nematay kaw, so nelegeb kaw te salà aw egtaking kaw te medaet ibeg te pedowan niyo. Meneng songkani binegayan kaw din heman te kaling pedowan iling ki Cristo, so pigwedad den te Timanem se kedita te salà ininang tadon.

Kolasas 2:2

Ibeg ko megkagsen se pedowan niyo somalig diyà ki Cristo aw megpedekelay kaw te pedowan. Ibeg ko heman ontò niyo ketegahan se kebenalan tepad ki Cristo, so yan se kaling impetaga-taga din.

Kolasas 1:27

so ibeg din ipetaga-taga din diyà kenitadon te ontò mèpiya se kebenalan seini. Ipetaga-taga din iyan heman doton te menge otaw kenà Judiyo. Seini se kebenalan sìyan wedà din petega-tegahi kedengan, te isogò din si Jesu Cristo meg-ogpà kidoen te kenyo pedowan, aw yan se doun te netegahan niyo te doen kèpiyaan pelimanan niyo doton te langit.

Efeso 2:4

Meneng ontò kidon neidowan te Timanem, aw ontò kidon din nedekelan te pedowan,

Roma 9:23

Yan se ininang din amon ipetaga-taga din diyà te kedita tadon neidowan din te ontò sikandin mèpiya, so impetagad kidon din amon begayan kidon din te kèpiyaan doton te langit.

Ininang 3:19

Yan pegselsel kaw aw taking kaw te Timanem amon pegwedaden din se salà niyo,

Luc. 24:47

Doen heman kagi te Timanem insolat te keilangan megtoladà kaw diyà te kedita te otaw te keneyonan te pegwedaden te Timanem se salà dan aw megselsel dan aw memenal dan kanak. Keilangan megtebò kaw megtoladà kenyan dini te Jerusalem.

Luc. 1:77

so sikona se megpetaga-taga diyà te menge Judiyo te ipelowà din se menge sakop din lekat te pelumun aw pegwedaden din se salà tadon.

Impekità 14:4

Wedà dan layok te kenà kandan esawa, so wedà dan pengognan. Egtaking dan te Karniro pengkey kenan pesalo. Impelowà din dan lekat te salà kidoen te keneyonan, aw neinang dan iling te pongo monà geniyen ibegay diyà te Timanem aw diyà te Karniro.

Efeso 1:6

Iduyun tadon se Timanem so ontò mèpiya se keido din, so ontò kidon din tinebangan pineokit te Batà din egkedekelan din te pedowan.

Mat. 6:12

Pegwedadi se salà ininang day diyà kamno onawa te pegwedad day te salà ininang te doma otaw diyà kenami.

Roma 3:25

Si Jesus se insogò te Timanem amon matay sikandin somelilin kenitadon. Pineokit te dipanog din, pegwedaden te Timanem se salà te otaw memenal kandin. Yan se ininang te Timanem amon ipetaga-taga din kenitadon te metòlid se eg-inangen din. Tandà te kelayat te pedowan din, wedà din tagmon pelumuni se otaw nekesalà kedengan.

Efeso 1:8

so ontò sikandin bowasag te pegtabang din kenitadon. Lekat te kebiyasa te Timanem, wedà din petega-tegahi diyà te otaw gebii se impetaga-taga din den kenitadon te doen pa inangen din pineokit ki Cristo.

Efeso 1:14

So impeogpà din se Espiritu Santo diyà kenitadon, netegahan tadon te kominawà kidon te kedita te kèpiyaan impakang din kenitadon, aw ontò kidon din heman ipelowà. Yan se doun te iduyun tadon sikandin.

Efeso 1:18

Ibeg ko ontò kaw din toledaan amon ketegahan niyo aw eden se pelimanan niyo tandà te pegtawal din kenyo. Ibeg ko heman ipetaga-taga kaw din te ontò dakel se ontong ibegay din diyà te kedita te otaw sinakop te Timanem.