Efeso 1:3 - Manobo Sarangani

³ Iduyun se Timanem, Amay te Pengolo tadon si Jesu Cristo. Mèpiya se tabang te Timanem kenitadon pineokit te ininang i Cristo, so binegayan kidon din te kedita te kèpiyaan lekat te langit.

Efeso 1:3 ပူးပေါင်းရင်းမြစ်များ

1 Pedro 1:3

Iduyun se Timanem, Amay te Pengolo tadon si Jesu Cristo. Ontò kidon neidowan te Timanem, aw binegayan kidon din te kaling pedowan. Yan doen egpelimanan tadon tandà te pegkeantay i Jesu Cristo lekat te nematay.

2 Korinto 1:3

Iduyun se Timanem, Amay te Pengolo tadon si Jesu Cristo. Lekat kandin se keido, aw sikandin heman se egtabang.

Efeso 2:6

Inantay kidon din doma i Jesu Cristo lekat te nematay, aw impelowan kidon din doma din doton te langit pineokit ki Jesu Cristo.

Genesis 22:18

Tebangan ko se kedita te otaw te keneyonan pineokit te bowad-bowad nikaw. Yan se inangen ko, so timolò ka te impunù ko kamno.”

Efeso 1:20

pineokit te ininang din diyà ki Cristo, so inantay din sikandin lekat te nematay, aw impenenoo din sikandin kidoen te tangkil din doton te langit amon lomowan heman doma din.

Efeso 6:12

Kenà otaw se bolawen tadon, meneng bolawen tadon se mededaet sogounun i Satanas pengkey melangkaw dan, aw egbayà-bayà te otaw dini lanto te tanà eg-ogpà diyà te kengitngitan, aw kedita te bosaw metolos eg-inang te medaet.

Efeso 3:10

amon pineokit te kedita te otaw egpemenal, ipetaga-taga din den diyà te kedita te melangkaw aw metolos doton te langit te ontò mèpiya se kebiyasa din.

Galasya 3:9

Na, nemenal si Abraham te inikagi te Timanem, aw yan inaneng-aneng te Timanem te metòlid sikandin. Iling heman kenyan se kedita te otaw memenal, so eneng-enengen heman te Timanem te metòlid dan.

Juan 17:21

Ibeg ko megsebad dan te pedowan, iling te pegsebad te pedowan ta seini, so sikona Amà, diyà ka kanak, aw diyà a heman kamno. Iling heman kenyan, ibeg ko diyà dan kenita, amon memenal se kedita te otaw dini te keneyonan te insogò a nikaw.

Efeso 1:17

Egtawal-tawal a diyà te Timanem simogò te Pengolo tadon si Jesu Cristo, aw sikandin se Timanem Amay ipegduyun tadon. Egpemoyò a diyà kandin te tebangan kaw din pineokit te Espiritu Santo, amon megkebiyasa kaw, aw amon metaga-taga kaw heman te Timanem.

2 Korinto 11:31

Kenà kebolalaw se indan ko, aw netegahan iyan te Timanem, Amay te Pengolo tadon si Jesu Cristo. Iduyun sikandin te wedad temanan.

2 Korinto 5:21

Pengkey wedad salà i Cristo, meneng impelumun sikandin te Timanem tandà te salà tadon, amon eneng-enengen te Timanem te metòlid kidon pineokit te pegpesakop tadon diyà ki Cristo.

Genesis 14:20

Iduyun se Timanem Melangkaw, so tinebangan ka din te pegdaeg no te menge poon nikaw.” Penga niyan, nemegay si Abram diyà kandin te ikesempolò ketengà te kedita neabat din lekat te epat selotan dinaeg din.

1 Korinto 12:12

Na, se lawa te otaw, pengkey medita se kemolò diyà te lawa, meneng sebad olò se lawa, so se kedita te kinemoloan niyan netibok diyà te sebad lawa. Iling heman te menge kemolò diyà te lawa se kedita tadon egpemenal, so pengkey medita kidon, meneng migsebad kidon diyà ki Cristo.

Roma 12:5

Iling heman kenyan, pengkey medita kidon egpemenal, meneng pegsebad tadon diyà ki Cristo, neinang kidon iling te lawa din amon megpetebangay kidon iling te pegpetebangay te menge kinemoloan diyà te lawa.

Efeso 1:10

Aw domateng se aldaw, tomanen te Timanem se tod din. Pegsebaden din se kedita te ininang din, pengkey doton diatas te langit aw dini lanto te tanà, aw ipelowan din si Cristo diyà te kedita niyan.

2 Korinto 5:17

Se otaw simalig ki Cristo, ontò den netodà se pedowan dan. Taman den niyan se pegkeallang dan diyà te medaet, so doen den kaling pedowan dan.

Roma 15:6

Yan megsebad kaw heman domuyun te Timanem Amay te Pengolo tadon si Jesu Cristo.

Menge Hebreo 8:5

Iling olò te ininang doton te langit se eg-inangen te menge telekagon te Judiyo. Doen heman simbahan doton te langit pig-ilingan te simbahan te menge Judiyo, so te wedà pa peg-inang si Moises te balay egsimbahan dan, migpunù se Timanem diyà kandin, kagi din, “Keilangan ipeinang no iyan iling te sìyan impekità ko kamno kedengan doton diatas te bontod.”

Filipos 2:11

So mikagi se kedita niyan te si Jesu Cristo se Pengolo te kedita dan, Aw yan iduyun dan se Timanem Amay.

1 Korinto 1:30

Lekat te ibeg te Timanem, migsebad se pedowan niyo ki Cristo, aw impetaga-taga din se kebiyasa te Timanem diyà kenitadon. Yan netegahan tadon te in-aneng-aneng te Timanem te metòlid kidon, iling kidon te wedad salà aw eked kidon den pelumuni.

Menge Hebreo 9:23

Se simbahan te menge Judiyo aw menge telepagan niyan, yan olò se impeiling te benal simbahan doton te langit. Lininisan se simbahan dini te tanà pineokit te dipanog te ayam-ayam inwilik kenyan. Meneng kidoen te simbahan doton te langit, keilangan labi pa meelagà se dipanog ilinis kenyan.

Juan 20:17

Minikagi si Jesus, “Ikà eg-awid kanak, so wedà a pa pegpeengat doton te Amay ko. Meneng doton ka te menge kedowa ko, aw peg-indan ka kandan te molì a pa doton te Amay ko, doton te Timanem ko. Sikandin se Amay niyo heman aw Timanem niyo.”

Juan 14:20

Aw domateng se aldaw sìyan, ontò niyo ketegahan te diyà a te Amay ko, aw diyà kaw kanak, aw diyà a kenyo.

Luc. 2:28

Pegkità i Simeon kandan, inabat din se batà aw inolid din. Penga niyan, dimuyun sikandin te Timanem, kagi din,