3 Juan 1:8 - Manobo Sarangani

⁸ Yan keilangan sikitadon egpemenal se menogpò te otaw egtoladà amon meketabang kidon te pegtoladà dan te kebenalan.

3 Juan 1:8 ပူးပေါင်းရင်းမြစ်များ

Mat. 10:14

Aw doen otaw eked pegsagman kenyo aw eked penenalan te itoladà niyo, tektaki niyo se napò te tanà lekat te sepatos niyo te pegkesayo niyo lekat te balay dan aw lonsod dan. Yan metaga-taga se otaw kidoen te doen salà dan, so wedà dan penenalan te intoladà niyo.

Mat. 10:40

“Aw megsagman se otaw kenyo, segmanen a din heman. Aw megsagman se otaw kanak, segmanen din heman se Amay ko simogò kanak.

Luc. 11:7

Simpana tomaba se otaw lekat didalem, ‘Ikà egsamok kanak. Netakep den se lelebangan ko, aw timedogi a den sipat menge mengisù ko. Eked a den enaw amon memegay a kamno.’

2 Korinto 6:1

Egtoloen ko se Timanem simogò kanak aw seini se ipegtoladà ko. Aw nekekinawà kaw te tabang te Timanem, pekitai niyo te doen ontong niyo pineokit te peg-inang niyo te metòlid.

2 Korinto 8:23

Na, si Tito, sikandin se doma ko megtoladà kenyo. Sìyan didowa otaw domoma kandin, yan se insogò te menge doma tadon nemenal ki Cristo. Iduyun tadon si Cristo pineokit te inang dan.

Filipos 4:3

Memoyò a heman kamno ontò sigalak ko te keilangan megtabang ka te didowa bayi sìyan amon megsebad dan, so ontò dan migtelaban kanak te pegtoladà ko te Mèpiya Indan tepad ki Cristo. Migpedomaay dan si Clemente aw menge doma otaw migtelaban kanak. Insolat se ngadan te menge otaw sìyan kidoen te libro sinolatan te ngadan te kedita te otaw binegayan te kaling pedowan wedad temanan.

Kolasas 4:11

Si Josue, se doma ngadan din si Justo, ibeg din heman ketegahan niyo te dakel se pedowan din kenyo. Diyà te kedita te menge Judiyo egpemenal, seini olò telo se egtelaban te pegtoladà ko tepad te peglowan te Timanem. Ontò migkagsen se pedowan ko tandà te tabang dan.

1 Tesalonika 3:2

aw yan insogò day si Timoteo doton kenyo. Sikandin se kedowa tadon sineligan heman te Timanem te pegtoladà te Mèpiya Indan tepad ki Cristo. Insogò day sikandin meg-antag te pedowan niyo amon melobos se pegtaking niyo te Timanem,

Filemon 1:2

Simolat kay kamno, aw esawa no si Apia etebay tadon te pegpemenal, aw batà no si Arkipo doma tadon egtolò te Pengolo iling te sondalo. Simolat kay heman te kedita te otaw egpemenal aw egsimba doton te balay nikaw.

Filemon 1:24

Iling heman kenyan se inikagi te menge doma otaw egtelaban kanak dini, si Marcos, si Aristarco, si Demas, aw si Lucas.

3 Juan 1:10

Aw domateng a doton kenyo, ipetaga-taga ko se medaet inang din, so medaet se eg-ikegiyen din tepad kanak. Pengkey medaet iyan, doen labi pa medaet eg-inangen din, so aw domateng se menge menenoladà kidoen, kenà sikandin egsagman kandan. Aw meibeg se doma otaw megsagman kandan, egsegdahen din dan, aw ipelowà din dan peden heman lekat te kedita dan egpemenal.

3 Juan 1:7

Se menge otaw eglegeb amon megtoladà te doma otaw tepad ki Jesu Cristo, kenà dan egbegayan te tabang lekat te otaw kenà egpemenal.

3 Juan 1:9

Doen insolat ko diyà te menge otaw egpemenal kidoen kamno. Meneng wedà penenalan si Diotrefes te kagi ko, so ibeg din megpelangkaw-langkaw peden diyà te menge doma.