3 Juan 1:5 - Manobo Sarangani

⁵ Kedowa egkedekelan ko te pedowan, ontò ka egkeseligan, so egsegmanen no se menge kedowa ta te pegpemenal eg-apit doton kamno, pengkey otaw lekat te doma ogpeanan.

3 Juan 1:5 ပူးပေါင်းရင်းမြစ်များ

Mat. 24:45

“Se otaw egkeseligan aw biyasa eg-inang te kedita, yan se inangen te amo din egpengibing te kedita te doma otaw doton te balay din, amon memegay diyà kandan te kànen te kelikit te aldaw.

Mat. 25:16

Nayan, se otaw binegayan din te lima melalan, mignigosyo sikandin aw doen gamad din lima melalan.

Luc. 12:42

Minikagi si Jesus, “Se otaw egkeseligan aw biyasa eg-inang te kedita, yan se inangen te amo din egpengibing te kedita te doma otaw doton te balay din, amon memegay kandan te kànen te kelikit te aldaw.

Ininang 1:15

Doen aldaw netipon se medita otaw egpemenal, dagpò dan menge sebad gatos kelowan. Timindeg si Pedro kidoen aw minikagi,

Roma 12:13

Pegtabang kaw te menge doma sakop te Timanem nelimahan. Pegsagman kaw heman te menge otaw mepanaw.

Galasya 6:10

Yan seini se mèpiya inangen tadon. Gayed tadon inangen se mèpiya diyà te kedita te otaw, aw labi pa diyà te menge kedowa tadon egpemenal.

Kolasas 3:17

Pengkey eden se inangen niyo aw ikegiyen niyo, eneng-enengi niyo te sakop kaw te Pengolo tadon si Jesus, aw pegpesiontong kaw heman diyà te Timanem Amay pineokit kandin.

Menge Hebreo 13:2

Ikà niyo egkelibel te keilangan megsagman kaw te otaw mepanaw, pengkey wedà niyo kilelai. Liyag kaw kandan, so doen migsagman te otaw minapit doton kandan, meneng wedà dan ketaga-taga te menge anghil se minapit doton kandan.

3 Juan 1:10

Aw domateng a doton kenyo, ipetaga-taga ko se medaet inang din, so medaet se eg-ikegiyen din tepad kanak. Pengkey medaet iyan, doen labi pa medaet eg-inangen din, so aw domateng se menge menenoladà kidoen, kenà sikandin egsagman kandan. Aw meibeg se doma otaw megsagman kandan, egsegdahen din dan, aw ipelowà din dan peden heman lekat te kedita dan egpemenal.

3 Juan 1:3

Ontò a neluba, so pegdini te menge kedowa ta, gayed a dan eg-indanan te nelobos se pedowan no diyà te Timanem, so ontò ka ekon egtaking te kebenalan.