2 Pedro 2:9 - Manobo Sarangani

⁹ Pineokit kenyan, netegahan tadon te biyasa se Timanem megtabang te otaw egpenimanem amon eked dan peg-inang te salà. Biyasa heman sikandin domaeg te otaw eg-inang te medaet, aw ipetagad din dan lamig te aldaw te pegpelumun din kandan.

2 Pedro 2:9 ပူးပေါင်းရင်းမြစ်များ

1 Korinto 10:13

Se tandà neokitan niyo, onawa iyan te tandà egkeokitan te menge doma otaw. Meneng egkeseligan se Timanem, so eked kaw din peokiti te tandà i Satanas eked niyo kebatog. Aw tendaen kaw, doen dalan inangen te Timanem amon mekelowà kaw, aw begayan kaw din heman te eneg amon meketayod kaw kenyan.

Impekità 3:10

So ontò kaw timolò te impunù ko kenyo te keilangan tomayod kaw te kelimahan iling te kanak pegtayod te kelimahan, yan ontò a heman meg-ipat kenyo amon eked kaw detengi te ontò medaet kelimahan agpet domateng diyà te kedita te otaw te keneyonan.

2 Timoteo 3:12

Pemilangen pa se kedita te otaw migpesakop diyà ki Jesu Cristo aw melobos se pedowan dan tomolò te ibeg te Timanem.

2 Pedro 3:7

Doen aldaw domateng te sonogen din se langit aw tanà egkitaen tadon seini. Olò sikandin mikagi aw yan mesonog. Meneng eked din iyan sonogi singed aw domateng se aldaw te peg-okom din te kedita te otaw wedà pegpesakop diyà kandin, so pegbàtan din dan te apoy.

Tito 2:14

Sikandin se simelilin kenitadon te pegkematay din amon megpelowà kenitadon lekat te pegkeallang tadon te salà, aw amon sekopen kidon din. Yan se doun te lininisan kidon din lekat te salà, aw ininang kidon din otaw meibeg meg-inang te mèpiya.

2 Pedro 2:4

Gebii doen menge anghil mig-inang te salà, meneng wedà din dan keidowi, so impeibing din dan doton te kilot. Impegapos din dan doton te kengitngitan lamig domateng se aldaw te peg-okom.

Roma 2:5

Meneng metugul kaw. Wedà kaw pegselsel, aw yan se doun te labi pa medaet se pelumun domateng kenyo te modi aldaw, so pineokit te pelumun din kenyo, ipetaga-taga din te ontò metòlid se peg-okom din,

Mat. 6:13

Ikà egpeokit kenami diyà te peg-akal, meneng pekediyoi kay diyà ki Satanas.’

Mat. 10:15

Eneng-enengi niyo se kagi ko kenyo seini. Pengkey ipelumun te Timanem se tege Sodoma aw tege Gomora te modi aldaw tepad te salà dan ontò medaet, meneng labi pa ipelumun te Timanem se otaw eked pegsagman kenyo.”

Judas 1:6

Gebii doen heman menge anghil wedà tolò te Timanem, aw timanan dan te kandan ogpeanan. Tandà te peg-inang dan te medaet sìyan, impegapos din dan te sengkalì eked palos kelebad, aw impetagad din dan doton te kengitngitan lamig domateng se aldaw te peg-okom din kandan.