2 Pedro 2:3 - Manobo Sarangani

³ Tandà te ibeg dan mengewarta, megtoladà dan kenyo te kebolalaw amon mengabat dan te kwarta niyo. Nenamay den doen pelumun impetagad kandan, aw agpet den dan ipelumun te Timanem.

2 Pedro 2:3 ပူးပေါင်းရင်းမြစ်များ

2 Korinto 2:17

Kenà a iling te menge doma otaw egtoladà te kagi te Timanem amon mengewarta. Meneng insogò a te Timanem, aw netegahan din te nelobos se pedowan ko te pegtoladà te Mèpiya Indan tepad ki Cristo.

1 Tesalonika 2:5

Ontò niyo netegahan te wedà kay peg-akal kenyo pineokit te pegluba day kenyo. Wedà kay heman pegpelingo-lingo amon meglegawa kay kenyo. Netaga-taga heman se Timanem kenyan.

Roma 16:18

Kenà dan egtolò te Pengolo tadon si Cristo, meneng egtaking dan te ibeg te kandan pedowan. Pineokit te mèpiya kagi dan, eg-akal dan te menge otaw wedà ketaga-taga te kebenalan.

Judas 1:15

Okomen din se kedita te otaw, aw ipelumun din se otaw wedà pegpesakop diyà kandin. Ipelumun din se otaw nekesalà tandà te ontò medaet ininang dan, aw tandà te medaet inikagi dan tepad kandin.”

Tito 1:11

Meneng keilangan segdahen no se pegtoladà dan, so medita se pamilya egsemoken dan pineokit te pegtoladà dan te eked kepakay itoladà. Meneng yan se ipegtoladà dan amon mengewarta dan.

1 Timoteo 6:5

Gayed dan egpedindilay so migkedaet se aneng-aneng dan, aw simoway dan lekat te kebenalan. Eg-aneng-aneng dan te megkeyaman dan pineokit te pegpesakop dan diyà te Timanem.

2 Pedro 2:9

Pineokit kenyan, netegahan tadon te biyasa se Timanem megtabang te otaw egpenimanem amon eked dan peg-inang te salà. Biyasa heman sikandin domaeg te otaw eg-inang te medaet, aw ipetagad din dan lamig te aldaw te pegpelumun din kandan.

2 Pedro 2:1

Gebii doen menge otaw migpelingo-lingo te telekeliwat dan te kagi te Timanem, aw doen heman menge otaw megtoladà songkani megpelingo-lingo te lekat te Timanem se ipegtoladà dan. Meneng kebolalaw se itoladà dan, aw yan se mekedaet te pegsalig niyo diyà te Timanem. Eked dan keibeg aw lomowan kandan se Pengolo tadon migtansò kandan, aw yan egpedetengen dan se kededàtan te eked kenamay.

2 Pedro 1:16

Pegtoladà day kenyo tepad te tolos te Pengolo tadon si Jesu Cristo aw tepad te peglikò din dini te tanà, kenà iyan indan-indan lekat te aneng-aneng te otaw. Meneng sikami se kimità te kelangkaw i Cristo.

1 Pedro 5:2

Peg-ipat kaw te menge otaw egtoledaan niyo, so insalig dan te Timanem diyà kenyo. Peg-ipat kaw kandan kenà lekat te pegkeleges, meneng lekat te kèpiya te pedowan niyo, so yan se ibeg te Timanem kenyo. Pengibing kaw kandan kenà amon tendanan kaw, meneng keilangan meagka se pedowan niyo te pegtabang niyo kandan.

Tito 1:7

So egseligan sikandin te Timanem mengibing te menge otaw egpemenal, keilangan wedad palos isila kandin. Eked kepakay se otaw egpelangkaw-langkaw, aw mebabaw se pedowan din, aw metiinem, aw egbolaw, aw egpengewarta.

Judas 1:11

Mekelelayò dan, so medaet se domateng kandan. Nekesalà dan iling ki Cain kimulu te Timanem gebii. Mig-iling dan heman ki Balaam gebii, so timandù dan heman meg-inang te medaet amon mengewarta dan. Egbolaw dan te menge otaw insogò te Timanem iling ki Kora gebii, aw pegbàtan dan heman te Timanem iling te pegbaet din ki Kora.

Judas 1:7

Eneng-enengi niyo heman tepad te menge tege Sodoma aw tege Gomora aw menge doma otaw mig-ogpà doton te menge lonsod medapag kidoen. Medaet heman se ininang dan, so migkapoy dan. Kenà olò bayi se lineyokan dan meneng limayok dan heman te doma dan meama. Ipelumun dan te Timanem te apoy eked palos kepadeng amon melemitan kidon meg-iling kandan.

Judas 1:4

Yan simolat a den kenyo so doen den menge otaw kenà egpemenal te Timanem minakop diyà kenyo te wedà niyo ketegahi. Tinodà dan se kebenalan tepad te keido te Timanem, so egtoladà dan te mepakay aw meg-inang kaw te medaet so gayed kaw egkeidowan te Timanem. Kenà dan egpemenal te Pengolo tadon si Jesu Cristo eglowan diyà kenitadon. Simolat se menge telekeliwat te kagi te Timanem gebii aw eden se pelumun domateng kandan.

1 Pedro 2:8

Doen heman kagi te Timanem insolat, “Yan se bato mekebangkil kandan. Yan se bato kedogsoan dan.” Yan se dimateng kandan so wedà dan penenalan te kagi te Timanem, aw yan se pelumun impetagad din kandan.

1 Timoteo 3:8

Iling heman kenyan, keilangan metinuud se menge doma opisyal te simbahan. Keilangan keseligan se kagi dan. Eked kepakay aw metilasing dan aw mengewarta dan.

1 Timoteo 3:3

Eked kepakay aw eglasing, aw egbolaw, meneng keilangan mèpiya se pedowan din diyà te doma otaw. Eked kepakay aw egdindil aw egpengewarta.

1 Tesalonika 5:3

Aw mikagi se menge otaw te wedad samok aw wedad kelemitanan, yan pegketà detengan dan te mekebebaet, iling te pegtebò te mesakit domateng te bayi agpet tebawan. Eked dan pekelowà lekat kenyan.

Juan 2:16

Minikagi heman diyà te menge otaw egpemeligyà te selepati, “Ibingi niyo iyan lekat dini. Ikà niyo eg-inang pedyanan te balay te Amay ko Timanem.”

Luc. 22:47

Telobo pa minikagi si Jesus, dimateng se medita otaw kidoen. Inibing dan i Judas, sìyan tinoledaan i Jesus. Migpedapag sikandin diyà ki Jesus amon mengadek kandin.

Luc. 20:20

Yan olò dan migtagad te mèpiya aldaw. Doen heman menge otaw insogò dan migpelingo-lingo te tomaking kandin, meneng olò dan nengemahà aw doen kemalì te ikegiyen din amon doen idimanda dan tepad kandin aw ipedakep te gobirnador.

Luc. 18:8

meneng metoman menabang kandan te eked kenamay. Yan, ikà niyo eglengà te pegtawal-tawal niyo diyà kandin. Metoman a lomikò Timanem Migpekeotaw, aw ibeg ko kitaen se medita otaw egsalig diyà kanak.”

Judas 1:16

Se menge otaw sìyan, gayed dan egbelisì aw egsila. Egtaking dan te mededaet ibeg te pedowan dan. Egpelangkaw-langkaw dan, aw egpelingo-lingo dan egduyun te doma otaw amon meg-akal dan kandan.

Mat. 23:14

Mekelelayò kaw menge Parisiyo aw menenoladà te punù ingkeliwat i Moises. Eden niyo aw egpenimanem kaw, so eg-agaw kaw te kedònan te bayi balo, aw penga niyan menamay se pegtawal-tawal niyo amon megpelingo-lingo kaw te melobos se pedowan niyo diyà te Timanem. Yan se doun te metoman kaw ontò ipelumun labi pa diyà te doma otaw.]