2 Pedro 2:1 - Manobo Sarangani

¹ Gebii doen menge otaw migpelingo-lingo te telekeliwat dan te kagi te Timanem, aw doen heman menge otaw megtoladà songkani megpelingo-lingo te lekat te Timanem se ipegtoladà dan. Meneng kebolalaw se itoladà dan, aw yan se mekedaet te pegsalig niyo diyà te Timanem. Eked dan keibeg aw lomowan kandan se Pengolo tadon migtansò kandan, aw yan egpedetengen dan se kededàtan te eked kenamay.

2 Pedro 2:1 ပူးပေါင်းရင်းမြစ်များ

Mat. 7:15

“Peg-ahà kaw amon eked kaw keekali te menge otaw egpelingo-lingo telekeliwat te kagi te Timanem. Medaet se tod dan kenyo iling te mebolot menenanap te kebenesan iningedanan lobo egpelingo-lingo iling te ayam-ayam karniro amon megbaet te karniro.

Judas 1:4

Yan simolat a den kenyo so doen den menge otaw kenà egpemenal te Timanem minakop diyà kenyo te wedà niyo ketegahi. Tinodà dan se kebenalan tepad te keido te Timanem, so egtoladà dan te mepakay aw meg-inang kaw te medaet so gayed kaw egkeidowan te Timanem. Kenà dan egpemenal te Pengolo tadon si Jesu Cristo eglowan diyà kenitadon. Simolat se menge telekeliwat te kagi te Timanem gebii aw eden se pelumun domateng kandan.

2 Pedro 2:3

Tandà te ibeg dan mengewarta, megtoladà dan kenyo te kebolalaw amon mengabat dan te kwarta niyo. Nenamay den doen pelumun impetagad kandan, aw agpet den dan ipelumun te Timanem.

2 Timoteo 4:3

Yan se impunù ko kamno, so domateng se aldaw eked keibeg se menge otaw menenalan te kebenalan ipegtoladà. Meibeg dan beling tomaking te medaet ibeg dan, yan mahà dan te menge otaw megtoladà kandan te pengkey eden se ibeg dan penenelanen.

Mat. 24:11

Medita heman se otaw megpelingo-lingo telekeliwat te kagi te Timanem, aw medita se keekalan dan aw tomaking kandan.

Galasya 2:4

Meneng doen menge doma Judiyo eden dan aw netegahan dan se kebenalan. Migsimà dan kenami te pegtipon day amon ketegahan dan aw egtoloen te otaw nemenal ki Jesu Cristo se punù ingkeliwat i Moises, so ibeg dan, toloen tadon se punù sìyan. Meneng si Cristo man se tapay migpelowà kenitadon lekat te punù sìyan.

1 Korinto 11:19

Doen kèpiyaan aw wedà pegsebad se pedowan niyo, so pineokit kenyan, ketegahan aw sinu se egtaking te kebenalan.

1 Juan 4:1

Menge kedowa egkedekelan ko te pedowan, ikà niyo egpemenal te kedita te otaw megtoladà kenyo singed aw onà kaw mengemahà aw lekat te Timanem se intoladà dan, so medita se otaw eglegeb-legeb dini te keneyonan aw egpelingo-lingo te telekeliwat dan te kagi te Timanem.

Kolasas 2:8

Peg-ahà kaw te menge otaw meg-akal peden kenyo pineokit te kagi dan medalem aw mèpiya dinegen amon tomaking kaw kandan. Meneng wedad ontong te kagi dan, so egtoladà dan olò te ketanem te kemonaan dan gebii aw aneng-aneng te otaw tepad te keneyonan. Kenà lekat ki Cristo se ipegtoladà dan.

Tito 3:10

Aw doen otaw doton kenyo egsamok te doma din otaw egpemenal, pegsagda ka kandin. Aw eked sikandin tolò, todà ka pegsagda kandin. Meneng aw eked pa sikandin tolò, ikà egdoma kandin meneng pebeyai sikandin.

Tito 1:11

Meneng keilangan segdahen no se pegtoladà dan, so medita se pamilya egsemoken dan pineokit te pegtoladà dan te eked kepakay itoladà. Meneng yan se ipegtoladà dan amon mengewarta dan.

Filipos 3:19

Meneng metoman dan detengan te pelumun te Timanem, so olò dan eg-aneng-aneng tepad te ibeg te lawa dan. Keilangan meyàyà dan tandà te medaet inang dan, meneng egpelangkaw-langkaw dan. Kenà dan eg-aneng-aneng tepad te Timanem, so olò dan eg-aneng-aneng tepad te keogpà dan dini lanto te tanà.

1 Korinto 6:20

so ontò meelagà se imbayad din kenyo. Yan keilangan mèpiya se inangen niyo amon iduyun se Timanem.

Mar. 13:22

so doen menge otaw domateng megpelingo-lingo te sikandan se Misiyas aw menge telekeliwat te kagi te Timanem. Meg-inang dan heman te menge kepelahan amon keekalan dan peden heman se menge otaw pinemallì te Timanem.

Impekità 5:9

Migdelangan dan heman te kaling delangan, kagi dan, “Botong se kelangkaw nikaw amon mekebatog ka mengabat te papil linolon Aw mengabat ka te pengilala niyan, So sikona se inimetayan, Aw pineokit te dipanog no te pegkematay no, Migtansò ka te otaw lekat te kedita te ogpeanan Amon meinang dan sakop te Timanem.

Impekità 2:9

Netegahan ko te egtayod kaw te pegpemilang te doma otaw kenyo. Netegahan ko heman te ontò kaw sagkep, meneng meyaman kaw doton te langit. Netegahan ko heman te egbàtan-bàtan kaw te menge Judiyo. Pengkey eg-aneng-aneng dan te ontò dan Judiyo, meneng migpesakop dan diyà ki Satanas.

Menge Hebreo 10:29

Meneng labi pa medaet se pelumun domateng diyà te otaw megtompuyus te Batà te Timanem, so pineokit te pegtompuyus din kandin, impetaga-taga din te wedad ontong din diyà te dipanog i Cristo ilinis peden kandin, pengkey yan se pengilala te doen den kaling peokit pesalo doton te Timanem. Ipelumun sikandin so nengako sikandin te Espiritu Santo gayed egkeido.

Kolasas 2:18

Doen heman menge otaw egpelangkaw-langkaw, so eg-ikagi dan te doen kebenalan impetaga-taga te Timanem kandan, aw egtoladà dan tepad te pegpedanà aw pegsimba dan te menge anghil. Meneng peg-ahà kaw amon eked kaw dan keekali pineokit te kagi dan, so kenà lekat te Timanem se ipegtoladà dan, meneng lekat te medaet aneng-aneng dan.

Efeso 4:14

Aw metoman iyan, eked kidon pekeonawa te mengisù. Eked kidon pekeonawa te dagsà eg-ibingen te balud aw gayed ipegpalid te kelamag, so eked kidon pemenal te pengkey eden se itoladà te menge otaw biyasa eg-akal pineokit te kebolalaw dan.

Mat. 24:24

Doen menge otaw domateng megpelingo-lingo te sikandan se Misiyas aw menge telekeliwat te kagi te Timanem. Meg-inang dan heman te menge kepelahan amon keekalan dan peden heman se menge otaw pinemallì te Timanem.

Mat. 10:33

Meneng aw mikagi se otaw te kenà sikandin sakop ko, eked a heman ikagi diyà te Amay ko te sakop ko sikandin.”

Impekità 13:14

Doen menge kepelahan impeinang te tagnà menenanap pineokit te ikedowa, aw yan se doun te nekeakal sikandin te kedita te otaw eg-ogpà kidoen te keneyonan. Migpunù heman kandan amon meg-inang dan te inotaw ipesopo te tagnà menenanap, sìyan nepelian te sondang meneng wedà kematay.

Impekità 2:13

Netegahan ko te pengkey eg-ogpà kaw doton te lonsod eglowanan i Satanas, meneng ontò kaw simalig kanak. Wedà kaw lengà te pegpemenal niyo kanak pengkey kedengan te pegpengimatay ki Antipas. Egkeseligan sikandin migtoladà tepad kanak, aw yan se doun te inimetayan sikandin kidoen te lonsod niyo eglowanan i Satanas.

1 Juan 2:26

Seini se insolat ko kenyo amon eked kaw keekali te menge menenoladà meibeg peden meg-akal kenyo.

1 Pedro 1:8

Pengkey wedà kaw palos kità ki Jesus, meneng dakel se pedowan niyo kandin. Pengkey wedà kaw kità kandin, meneng nemenal kaw kandin, aw yan se doun te ontò neluba se pedowan niyo, aw eked iyan kelitok te kagi.

Efeso 1:7

Pineokit te pegkematay i Cristo doton te kros, impelowà kidon te Timanem lekat te salà. Pigwedad din se kedita te salà tadon. Ontò dakel se tabang din kenitadon,

Galasya 5:20

egsimba te kenà benal timanem, egpengenito, egpeopalay, egdindil, eg-ingà, mesayo egkeopal, demeten, egpeitongay dan, egpekontrahay dan,

Galasya 4:17

Meneng se menge doma otaw migtoladà kenyo, ontò kaw dan inimendayan, meneng eden niyo aw mèpiya se tod dan kenyo, so ibeg dan, megbaet te pegsebad te pedowan tadon, amon olò sikandan se toloen niyo.

Roma 16:18

Kenà dan egtolò te Pengolo tadon si Cristo, meneng egtaking dan te ibeg te kandan pedowan. Pineokit te mèpiya kagi dan, eg-akal dan te menge otaw wedà ketaga-taga te kebenalan.

Luc. 21:8

Minikagi si Jesus, “Peg-ahà kaw amon eked kaw keekali, so doen kwani medita otaw megpelingo-lingo te insogò ko dan. Mikagi dan te sikandan se Misiyas. Mikagi heman se doma te agpet den domateng se aldaw pinelimanan niyo. Meneng ikà niyo egtaking kandan.

Luc. 6:26

“Mekelelayò kaw aw iduyun kaw te kedita te otaw, so induyun heman te kemonaan niyo se otaw migpelingo-lingo telekeliwat te kagi te Timanem.”

Mat. 24:5

Doen kwani medita otaw megpelingo-lingo te insogò dan te Timanem. Mikagi dan te sikandan se Misiyas, aw medita se otaw keekalan dan aw tomaking kandan.

Galasya 3:13

Meneng wedad otaw meketolò te kedita te punù sìyan. Se otaw egsalig diyà te punù ingkeliwat i Moises, yan se otaw ipelumun te Timanem pineokit te menge punù sìyan. Meneng si Cristo se migpelowà kenitadon lekat te pelumun, so sikandin se impelumun inselilin kenitadon. Se pegpelumun kandin, yan se pegkematay din doton te kros. So doen kagi te Timanem insolat, “Pengkey sinu otawi se imetayan aw bitinen doton te kayo intollok, yan se pengilala te ontò dakel se pelumun kandin.”

1 Korinto 7:23

So ontò meelagà se imbayad din kenyo, yan ikà niyo egpeallang diyà te doma otaw.

Impekità 3:8

Netegahan ko te mèpiya se eg-inangen niyo. Yan inowang ko den se lelebangan amon mokit kaw, aw wedad meketakep kenyan. Netegahan ko te pengkey pilabok kaw aw sagkep kaw, meneng gayed kaw pa egtolò te kagi ko. Wedà kaw pegbolon te sikiyo se menge sakop ko.

Luc. 12:9

Meneng aw mikagi se otaw te kenà sikandin sakop ko, eked a heman ikagi diyà te menge anghil te Timanem te sakop ko sikandin.

1 Timoteo 5:8

Aw doen otaw egpemenal kenà egpenogpò te kandin pamilya, labi pa aw kenà egpenogpò te otaw eg-ogpà diyà te kandin balay, yan se otaw timinàyog te kebenalan tapay pinemenalan din, aw labi pa medaet se ketanem din diyà te ketanem te otaw kenà egpemenal.

Impekità 6:10

Timawal dan te dakel se kagi dan, “E Pengolo Metolos, ontò ka egkeseligan, aw ontò metòlid se eg-inangen nikaw. Menamay lay pa se pegtoman no te pegpelumun te otaw eg-ogpà kidoen te keneyonan tandà te pegpengimatay dan kenami?”