2 Pedro 1:3 - Manobo Sarangani

³ Tinebangan kidon te Timanem Metolos amon gayed kidon meketolò te ibeg din dalem te peg-ogpà tadon dini lanto te tanà. Yan se ininang din so netegahan tadon den sikandin. Tinawal kidon din amon mekeakop kidon diyà te kelangkaw din aw kèpiya din.

2 Pedro 1:3 ပူးပေါင်းရင်းမြစ်များ

1 Pedro 5:10

Pengkey nelimahan kaw den seini, meneng mepenga iyan te eked kenamay. Gayed egtabang se Timanem, aw tinawal kaw din amon megdoma kaw kandin te wedad temanan tandà te pegsebad niyo diyà ki Cristo. Penga te pegtayod niyo te kelimahan, Timanem se meg-inang kenyo mesikop aw domasel, aw sikandin se memegay kenyo te eneg din.

2 Timoteo 1:9

Impelowà kidon din lekat te salà aw tinawal kidon din amon inangen kidon din menge sakop din. Yan se ininang din kenà tandà te peg-inang tadon te mèpiya, meneng tandà te kandin ibeg aw tabang din kenitadon. Gebii te wedad pa palos ininang din, miglalang sikandin megtabang kenitadon pineokit ki Jesu Cristo.

Roma 8:32

Wedà din temengi se Batà din si Jesus, meneng insogò din sikandin simelilin kenitadon aw nematay amon megtabang kenitadon. Aw iling kenyan se keido din kenitadon, ibegay din heman se kedita te kelidoan tadon.

2 Korinto 12:9

Meneng wedà din ebati. Timaba sikandin kanak, kagi din, “Pengkey eden se keokitan no, ontò botong se tabang ko kamno, so aw megkelomay ka, yan ontò ko ipekità te metolos a.” Yan se kagi din kanak. Yan gayed a den egkeluba te doen kelomay ko amon ketegahan te menge doma otaw te doen eneg imbegay i Cristo diyà kanak.

1 Pedro 2:21

Ibeg te Timanem tomayod kaw te kelimahan. Nelimahan heman si Cristo aw timayod sikandin kenyan amon ketebangan kaw din. Sikandin se gegonan niyo amon meketayod kaw heman te kelimahan.

2 Tesalonika 2:14

Yan se tod te Timanem te pegtawal din kenyo pineokit te pegtoladà day kenyo te Mèpiya Indan, so ibeg din kominawà kaw te kedita te mèpiya ipegpemegay te Pengolo tadon si Jesu Cristo.

1 Pedro 2:9

Meneng kenà kaw iling kandan, so sikiyo se pinemallì te Timanem aw ininang kaw menge batà din. Ininang kaw din menge pengolo te simbahan eglowanan i Cristo. Ininang kaw din menge sakop din egpenimanem, aw tinig-apò kaw din heman. Pinemallì kaw din amon meg-indan kaw te doma otaw tepad te menge mèpiya ininang din diyà kenyo, so pegtawal din kenyo amon megpesakop kaw diyà kandin, inalin kaw din lekat te kengitngit doton te mèpiya kelowahan din.

1 Tesalonika 2:12

Migtoladà kay kenyo te metòlid. Mig-antag kay te pedowan niyo. Migpunù kay kenyo te keilangan metòlid se eg-inangen niyo mekeluba te Timanem. Sikandin se timawal kenyo amon sekopen kaw din diyà te peglowan din, aw amon mekekinawà kaw te kèpiya din.

1 Tesalonika 4:7

Tinawal kidon te Timanem kenà amon meg-inang kidon te medaet, meneng tinawal kidon din amon meg-inang kidon te metòlid.

1 Pedro 1:15

So wedad palos salà te Timanem timawal kenyo, yan keilangan wedad palos heman salà inangen niyo.

Efeso 4:1

Nayan, siak se nekeleboso tandà te pegtaking ko te Pengolo, aw yan memoyò a diyà kenyo te keilangan gayed mèpiya se kedita te eg-inangen niyo, sìyan ibeg te Timanem, so yan se tod din te pegtawal din kenyo.

1 Korinto 1:9

Egkeseligan se Timanem aw tinawal kaw din amon megsebad se pedowan niyo diyà te Batà din si Jesu Cristo Pengolo tadon.

2 Pedro 1:2

Ibeg ko ontò kaw tebangan te Timanem, aw inangen din heman ontò melinaw se pedowan niyo pineokit te peg-iling niyo tepad te Timanem aw tepad te Pengolo tadon si Jesu Cristo.

2 Pedro 1:5

Yan se doun te keilangan megpekeaseb kaw meg-inang te mèpiya. Aw meg-inang kaw te mèpiya, keilangan megkebiyasa kaw heman.

1 Pedro 3:9

Aw doen otaw meg-inang te medaet diyà kenyo, ikà niyo eg-inang te medaet diyà kandan. Aw doen otaw megtompuyus kenyo, ikà niyo egtompuyus kandan. Meneng pemoyò kaw diyà te Timanem te keidowan din dan, so pegtawal din kenyo, migpakang sikandin te keidowan kaw din.

Kolasas 1:16

so pineokit ki Cristo, ininang te Timanem se kedita. Pengkey doton te langit aw dini te tanà, pengkey egkitaen aw kenà egkitaen, aw pengkey eden kemoloi te doen metolos aw eglowan, ininang te Timanem se kedita niyan pineokit ki Cristo amon sikandin se iduyun tadon.

1 Timoteo 4:8

Aw megpekagsen kidon te lawa tadon, doen ontong tadon. Meneng labi pa mèpiya se ontong tadon aw megpekagsen kidon tomolò te Timanem, so pineokit kenyan, mèpiya se keogpà tadon dini songkani aw doton heman te langit te modi aldaw.

Efeso 4:4

Ininang kaw den te Timanem iling te sebad lawa, aw olò sebad se Espiritu Santo mig-ogpà diyà kenyo, so olò sebad se egpelimanan niyo lekat te pegtawal te Timanem kenyo.

Filipos 4:8

Nayan, menge kedowa ko, sebad mendad se ikegiyen ko kenyo. Keilangan wedad palos eneng-enengen niyo singed aw benal iyan, aw doen ontong, aw metòlid, aw wedad salà, aw ikeluba, aw mèpiya dengeg. Pengkey eden se mèpiya, aw mepakay iduyun, yan se keilangan gayed niyo eneng-enengen.

Mat. 28:18

Migpedapag si Jesus diyà kandan aw minikagi, “Impelowan a den diyà te kedita doton te langit aw dini heman te lanto te tanà.

Menge Hebreo 1:3

Pineokit heman kandin, ipegpekità se kelangkaw te Timanem, aw sikandin se egkitaan tadon te ketanem te Timanem. Sikandin se egbayà-bayà te kedita te neinang dini te keneyonan pineokit te kagi din metolos. Pegkepenga din te miglinis kenitadon lekat te salà, minolì sikandin doton te langit, aw minonsad sikandin kidoen te tangkil te Timanem Melangkaw amon lomowan doma din.

1 Pedro 1:5

Eg-ipaten te Timanem metolos se kedita niyo simalig diyà kandin lamig te aldaw sikopen din se pegpelowà din kenitadon. Tapay din iyan impetagad, aw ipekità din iyan te modi aldaw.

Roma 9:24

Sikitadon se otaw sìyan tinawal te Timanem. Kenà olò menge Judiyo se tinawal din, meneng otaw heman kenà Judiyo.

Filipos 3:8

Yan pengkey eden se mèpiya inang ko kedengan, netegahan ko den te wedad palos ontong ko kenyan, so labi pa mèpiya se pegtaking ko te Pengolo tadon si Jesu Cristo. Pegpemenal ko kandin, tinenanan ko se kedita te doma egseligan ko. Tinenanan ko se wedad ontong amon tomaking a ki Cristo,

2 Pedro 1:6

Aw biyasa kaw, keilangan temengan niyo se ibeg niyo meg-inang te medaet. Aw meketameng kaw te ibeg niyo, keilangan meg-iling kaw heman te pegtayod te kelimahan. Aw meketayod kaw te kelimahan, keilangan tomolò kaw heman te ibeg te Timanem.

2 Pedro 1:8

Aw kidoen kenyo se kedita niyan, doen dakel ontong niyo te pegketaga-taga niyo te Pengolo tadon si Jesu Cristo.

2 Pedro 1:10

Menge kedowa ko, pinemallì kaw te Timanem aw tinawal kaw din. Yan pegpekeaseb kaw den megpetaga-taga te ontò kaw menge batà din pineokit te eg-inangen niyo, so aw mèpiya se eg-inangen niyo, eked palos pegkedaet se pegsalig niyo diyà kandin.

2 Pedro 2:20

Aw egketaga-taga se menge otaw tepad te Pengolo tadon si Jesu Cristo migpelowà kenitadon, timanan dan te medaet keogpà te otaw dini te keneyonan. Meneng aw meboyo dan, aw todà dan dàgen te kededàtan, ontò medaet se keogpà dan labi pa medaet diyà te keogpà dan te wedà dan pa ketaga-taga tepad ki Cristo.

2 Pedro 3:18

Keilangan gayed kaw meg-iling tepad te kèpiya ipegpemegay te Pengolo tadon si Jesu Cristo egpelowà kenitadon. Keilangan meg-iling kaw heman te kebenalan ipetaga-taga din diyà kenyo. Sikandin se iduyun seini aw lamig te wedad temanan. Metoman iyan.