2 Korinto 9:8 - Manobo Sarangani

⁸ Timanem se mekebegay te tabang labi pa dakel diyà te lidò niyo amon doen gayed botong kenyo aw amon doen pa heman lampas ibegay niyo diyà te doma otaw nelimahan.

2 Korinto 9:8 ပူးပေါင်းရင်းမြစ်များ

Efeso 3:20

Iduyun tadon den se Timanem egtabang kenitadon pineokit te tolos din, so ontò dakel se mebatog din inangen labi pa dakel diyà te kedita te egpemoyoen tadon aw eg-eneng-enengen tadon.

Tito 3:14

Mèpiya aw meg-iling se menge kedowa tadon doton te keilangan megpekeaseb dan meg-inang te mèpiya, aw megtabang dan te doma otaw ontò nelimahan, amon doen ontong te pegtaking dan te Timanem.

2 Korinto 8:7

Ontò kaw den nedengeg, so ontò kaw egpemenal te Mèpiya Indan, aw magsen kaw migtoladà, aw netaga-taga kaw te kebenalan, aw measeb kaw egtolò te Timanem, aw dakel se pedowan niyo kanak. Ibeg ko, medengeg kaw heman pineokit te pegtabang niyo diyà te doma otaw nelimahan.

1 Korinto 15:58

Menge kedowa ko egkedekelan ko te pedowan, lobosi niyo se pegtaking niyo te Pengolo tadon. Ikà niyo egpedaeg te toladà kebolalaw. Pegpekeaseb kaw tolò te ibeg te Timanem kenyo, so netegahan niyo den te doen ontong te kedita te inangen tadon aw tomolò kidon te Pengolo tadon.

2 Korinto 9:11

So dakel se imbegay te Timanem kenyo, mèpiya aw dakel heman se ibegay niyo diyà te doma otaw. Aw ibingen day se itabang niyo doton te menge doma otaw, ontò dan megpesiontong diyà te Timanem te pegkekinawà dan kenyan,

2 Korinto 8:2

Pengkey ontò dan nelimahan so pinemilang dan, meneng labi dan pa neluba, aw bowasag dan te pegpemegay dan te bowang, pengkey ontò dan sagkep,

Tito 3:8

Ontò benal se insolat ko kamno seini. Ibeg ko, ontò ka megtoladà te kedita te sìyan insolat ko kamno, amon ontò measeb se kedita te otaw nemenal te Timanem meg-inang te mèpiya, so mèpiya iyan peg-ilingan aw doen ontong te otaw tomolò kenyan.

Efeso 2:10

Meneng pineokit ki Cristo, ininang kidon den te Timanem kaling amon mekeinang kidon te mèpiya, so yan se tapay din inlalang kenitadon.

1 Pedro 4:10

Medita se kinemoloan te kebiyasa imbegay te Timanem diyà te teg sebad-sebad kenitadon. Keilangan gemiten niyo te mèpiya se imbegay te Timanem kenyo amon megpetebangay kaw.

Tito 2:14

Sikandin se simelilin kenitadon te pegkematay din amon megpelowà kenitadon lekat te pegkeallang tadon te salà, aw amon sekopen kidon din. Yan se doun te lininisan kidon din lekat te salà, aw ininang kidon din otaw meibeg meg-inang te mèpiya.

2 Korinto 8:19

Kenà olò nedengeg, meneng pinemallì heman sikandin te kedita te otaw nemenal ki Cristo amon tomaking kanak mengibing te bowang niyo diyà te menge otaw egpemenal nelimahan. Ibingen ko iyan doton kandan amon iduyun se Pengolo, aw amon ketebangan ko se menge otaw nelimahan doton.

Kolasas 1:10

Yan se egpemoyoen day amon ibeg te Pengolo tadon se eg-inangen niyo, aw amon gayed sikandin meluba tepad kenyo. Aw yan se inangen niyo, mèpiya se kedita te inang niyo, aw labi kaw pa metaga-taga tepad te Timanem.

Ininang 9:36

Doen sebad bayi egpemenal doton te Jopa ngadan din si Tabita, doma ngadan din si Dorcas. Mèpiya otaw sikandin, so gayed egtabang te doma otaw.

2 Timoteo 3:17

Pineokit te kagi te Timanem, megkebiyasa se kedita tadon egtaking te Timanem aw meketagad kidon meg-inang te pengkey eden kemoloi te mèpiya inang.

2 Korinto 13:3

so ipetaga-taga ko kenyo te benal si Cristo se migsogò kanak te pegpelumun ko kenyo. Kenà sikandin melomay iling te otaw, meneng doen tolos din te megpelumun kenyo.

Filipos 4:11

Ikà niyo eg-aneng-aneng te migbelisì a tandà te kelimahan ko, so netegahan ko den te pengkey eden se domateng kanak, gayed mèpiya se pedowan ko.

2 Timoteo 2:21

Aw eked peg-inabut se otaw te salà, iling sikandin te telepagan meelagà diyà te tig-apò, aw pemellien sikandin te Pengolo amon gemiten din, so egpeketagad sikandin meg-inang te pengkey eden se mèpiya.