2 Korinto 9:7 - Manobo Sarangani

⁷ Iling heman kenyan se otaw memegay. Keilangan lekat te ibeg te pedowan din. Medaet aw mebegat se pedowan te otaw memegay. Medaet heman aw meleges te doma otaw, so meluba se Timanem aw memegay se otaw lekat te keagka te pedowan din.

2 Korinto 9:7 ပူးပေါင်းရင်းမြစ်များ

2 Korinto 8:12

Aw meagka se pedowan niyo, mèpiya aw ibegay niyo se taman te mebatog niyo, so eked kaw legesi memegay te labi pa dakel kenyan.

Ininang 20:35

Yan se ininang ko amon ketegahan niyo te mèpiya aw measeb kidon megterbaho, amon meketabang kidon te menge doma otaw nelimahan. Ikà niyo egkelibel te inikagi te Pengolo si Jesus, ‘Pengkey meluba se otaw tebangan te doma, meneng labi pa meluba se otaw egpenabang te doma.’”

Roma 12:8

Aw biyasa kaw egpekagsen te pedowan te doma otaw egpemenal, yan se keilangan inangen niyo. Aw ibeg te Timanem memegay kaw diyà te doma otaw nelimahan, keilangan bowasag kaw kandan. Aw inangen kaw te Timanem pengolo diyà te doma otaw, keilangan measeb kaw te pegpengolo niyo. Aw isogò kaw te Timanem menabang te doma otaw nelidò, keilangan meluba se pedowan niyo te pegtabang niyo kandan.

1 Pedro 4:9

Aw doen otaw egpemenal te Timanem lomaoy doton kenyo, pegsagman kaw kandan. Ikà niyo egbelisì tepad kenyan.

Santiago 5:9

Menge kedowa ko, ikà niyo egpelibagay amon eked kaw pelumuni, so agpet den se peg-okom te Pengolo.

Filemon 1:14

Meneng eked ko sikandin temengi, so eked a keibeg aw meleges se tabang no kanak. Labi pa mèpiya aw lekat iyan te keagka te pedowan nikaw. Yan eked ko tomani se ontò ibeg ko singed aw mepakay iyan diyà kamno.