2 Korinto 9:6 - Manobo Sarangani

⁶ Netegahan niyo man den ini. Aw deitek se benì ipanggas, deitek heman se geniyen. Meneng aw dakel se ipanggas, dakel heman se geniyen.

2 Korinto 9:6 ပူးပေါင်းရင်းမြစ်များ

Luc. 6:38

Bowangi niyo se doma, aw bowangan kaw heman te Timanem. Ontò dakel se ibowang din kenyo, so deseken din, aw keyongen din, aw olowan din se ibegay din kenyo amon ontò dakel se kinewaen niyo. Aw bowasag kaw diyà te doma otaw, bowasag heman se Timanem diyà kenyo.”

2 Korinto 9:10

Se Timanem, yan se egpemegay te benì ipanggas aw pongo heman kànen. Aw doen kepulukan niyo, togpoan kaw din te labi pa dakel amon labi kaw pa meketabang te doma otaw.

Menge Hebreo 6:10

Ontò metòlid se peg-okom te Timanem, aw yan eked din kelibeli se mèpiya ininang niyo tandà te kedakel te pedowan niyo kandin, so migtabang kaw te menge doma sakop te Timanem, aw yan heman se eg-inangen niyo lamig songkani.

Galasya 5:16

Seini se punù ko kenyo. Toloi niyo se Espiritu Santo, amon eked niyo ketolò se medaet ibeg te pedowan niyo.

Galasya 3:17

Seini se kedegdagan te insolat ko. Doen pakang te Timanem ki Abraham. Pegkepenga te epat gatos ketlowan se omay, impesolat te Timanem se punù ingkeliwat i Moises diyà te kedita te Judiyo. Pengkey doen punù imbegay te Timanem ki Moises, meneng eked palos pegkewedad se impakang te Timanem ki Abraham. Eked kepakay aw wedad ketomanan te impakang din sìyan.

1 Korinto 15:20

Meneng seini se kebenalan. Inantay man si Cristo lekat te nematay, aw yan se ipetaga-taga te metoman heman entayen te Timanem lekat te nematay se kedita te otaw simalig kandin.

Efeso 4:17

Nayan, seini se ipunù ko kenyo lekat te Pengolo tadon. Ikà niyo den egtaking te ketanem te otaw kenà egtaking te Timanem, so wedad ontong te aneng-aneng dan.

1 Korinto 7:29

Menge kedowa ko, ibeg ko ketegahan niyo ini. Agpet den se aldaw te peglikò te Pengolo tadon. Yan lekat seini, pengkey doen esawa niyo, ikà niyo eglengà te pegtaking niyo te Timanem.

Kolasas 2:4

Yan se insolat ko kenyo amon eked kaw keekali te doma otaw egtoladà te kebolalaw pengkey mèpiya se kagi dan.

1 Korinto 1:12

Ibeg ko ipekelabet kenyo. Doen ekon eg-ikagi te siak se egtekingan dan. Doen ekon heman menge doma eg-ikagi te si Apolos se egtekingan dan. Doen ekon doma egtaking ki Pedro, aw doen pa ekon eg-ikagi te si Cristo olò se egtekingan dan.

2 Korinto 9:5

Yan se doun te migsogò a kandan ki Tito kidoen te eked a pa doton, amon ipetagad dan se bowang tapay niyo impakang. Mèpiya aw tapay den iyan tiponen te eked a pa dateng doton. Ibeg ko, memegay kaw kenà lekat te leges, meneng lekat te keagka te pedowan niyo.