2 Korinto 9:2 - Manobo Sarangani

² so netegahan ko den te meibeg kaw megtabang kandan. Yan se induyun ko kenyo doton te menge otaw egpemenal ki Cristo doton te Masidonya, so doen ibeg niyo megtabang. Inikagi ko kandan kedengan te monà omay, neketagad kaw den kidoen te Gresya memegay te kwarta. Pegketaga-taga dan te meagka se pedowan niyo megtabang, keditaan dan heman meibeg megtabang.

2 Korinto 9:2 ပူးပေါင်းရင်းမြစ်များ

2 Korinto 8:10

Na, pengkey eked ko sikiyo sogoi, meneng seini se aneng-aneng ko. Te monà omay, lekat te ibeg niyo se migtebò kaw migtipon te kwarta ibowang. Mèpiya aw tomanen niyo den se pegtipon kenyan.

2 Korinto 8:8

Eked ko sikiyo sogoi memegay. Meneng ibeg ko ipetaga-taga olò kenyo se keaseb te doma otaw nemegay, amon ketegahan ko aw benal doen dakel pedowan niyo.

2 Korinto 8:24

Yan mèpiya aw ipekità niyo te dakel se pedowan niyo kandan, amon metaga-taga se menge doma otaw egpemenal ki Cristo doton te teg sebad-sebad lonsod te benal se inikagi ko te mèpiya se inang niyo.

Menge Hebreo 10:24

Keilangan megpetebangay kidon amon ontò benal se pegpedekelay tadon te pedowan aw peg-inang tadon te mèpiya.

1 Korinto 16:15

Nayan menge kedowa ko, netegahan niyo te si Estepanos aw pamilya din se tagnà simalig ki Cristo doton te probinsya niyo te Gresya, aw lekat te ibeg te pedowan dan gayed dan egpenabang te menge doma sakop te Timanem. Na, pemoyoen ko den sikiyo

1 Tesalonika 1:7

Yan se doun te sikiyo den se gegonan pig-ilingan te kedita te doma otaw egpemenal doton te kebelad te Masidonya aw Gresya,

2 Korinto 8:19

Kenà olò nedengeg, meneng pinemallì heman sikandin te kedita te otaw nemenal ki Cristo amon tomaking kanak mengibing te bowang niyo diyà te menge otaw egpemenal nelimahan. Ibingen ko iyan doton kandan amon iduyun se Pengolo, aw amon ketebangan ko se menge otaw nelimahan doton.

2 Korinto 7:4

Ontò ko sikiyo egseligan. Ontò ko sikiyo ipegduyun diyà te doma otaw. Ontò a neluba te pegdineg ko tepad kenyo. Pengkey ontò a nelimahan, meneng doen pa gayed keluba ko.

2 Korinto 1:1

Seini se solat ko, si Pablo, doma ki Timoteo, kedowa tadon te pegpemenal. Lekat te ibeg te Timanem, siak se sebad sogounun i Jesu Cristo. Seini se solat ko diyà te kedita niyo menge sakop te Timanem kidoen te Korinto, aw diyà te kedita niyo menge sakop din doton te doma ogpeanan te Gresya.

Ininang 18:12

Pegkeinang i Galio gobirnador doton te Gresya, migsebad se menge Judiyo kenà egpemenal, aw dinakep dan si Pablo, aw inibing dan doton ki Galio amon insaen.

Ininang 24:17

Pengkey nenamay wedà a likò doton te Jerusalem, meneng dimoton a seini, so mig-ated a te kwarta itabang diyà te menge doma ko Judiyo nelimahan aw ibowang diyà te Timanem.

Roma 15:26

so ibeg te menge otaw dini te probinsya te Masidonya aw Gresya, megtabang dan te menge sakop te Timanem nelimahan doton te Jerusalem.

2 Korinto 7:14

Kedengan, induyun ko sikiyo diyà ki Tito. Wedà a den keyàyà, so netoman den se kagi ko kandin. Benal se kedakel te inikagi ko kenyo kedengan. Iling kenyan, benal heman se peg-indan ko ki Tito tepad kenyo, so netoman den iyan.

2 Korinto 8:11

Kedengan te pegtebò niyo te pegtipon, ontò meagka se pedowan niyo. Mèpiya aw eked kaw lokas te pegtoman kenyan taman te mebatog niyo ibegay.