2 Korinto 8:7 - Manobo Sarangani

⁷ Ontò kaw den nedengeg, so ontò kaw egpemenal te Mèpiya Indan, aw magsen kaw migtoladà, aw netaga-taga kaw te kebenalan, aw measeb kaw egtolò te Timanem, aw dakel se pedowan niyo kanak. Ibeg ko, medengeg kaw heman pineokit te pegtabang niyo diyà te doma otaw nelimahan.

2 Korinto 8:7 ပူးပေါင်းရင်းမြစ်များ

2 Tesalonika 1:3

Menge kedowa day, mèpiya aw megpesiontong kay diyà te Timanem tepad kenyo. Mèpiya se pegpesiontong day, so ontò den magsen se pegpemenal niyo kandin, aw ontò kaw den heman egpedekelay te pedowan.

2 Korinto 9:8

Timanem se mekebegay te tabang labi pa dakel diyà te lidò niyo amon doen gayed botong kenyo aw amon doen pa heman lampas ibegay niyo diyà te doma otaw nelimahan.

Filipos 1:9

Egtawal-tawal a diyà te Timanem tepad kenyo, amon gayed din pedekelen se pedowan niyo, aw amon labi kaw pa megkebiyasa te kebenalan aw metòlid se aneng-aneng niyo,

2 Korinto 8:6

Na, ontò den neluba se pedowan ko, so dakel se imbowang te menge otaw kidoen te Masidonya. Yan se doun te somogò a ki Tito te lomikò doton kenyo, amon entagen din se pedowan niyo, amon tomanen niyo se pegtipon te bowang, so sikandin se migtebò mig-antag te pedowan niyo kedengan.

1 Korinto 13:2

Pengkey biyasa a egkeliwat te kagi te Timanem, pengkey doen impetaga-taga te Timanem kanak wedà din petega-tegahi diyà te doma otaw, pengkey netegahan ko se kedita te kebenalan, pengkey ontò a egsalig diyà te Timanem aw yan egpekeinang a te kepelahan, meneng aw wedad kedakel te pedowan ko diyà te doma otaw, wedad ontong kanak.

1 Korinto 4:7

Kenà kaw melangkaw diyà te menge doma otaw, so se kedita te nekinawà niyo, yan se imbowang te Timanem kenyo. Aw lekat te Timanem se kedita, eked kepakay aw megpelangkaw-langkaw kaw, so kenà iyan lekat te kenyo pegkeotawun.

1 Korinto 1:5

Lekat te pegsebad te pedowan niyo kandin lamig songkani, ontò medita se tabang din kenyo, aw yan netegahan niyo se kebenalan, aw biyasa kaw egtoladà kenyan.

1 Korinto 13:8

Wedad temanan te kedakel te pedowan din. Doen kwani aldaw domateng te wedad komeliwat te kagi te Timanem. Megkewedad heman se peg-ikagi te doma kagi eked kelebeti. Wedad heman meg-indan-indan te toladà diyà te doma otaw amon mekelabet.

1 Korinto 12:13

So se kedita tadon, pengkey Judiyo aw kenà Judiyo, aw pengkey allang aw kenà allang, meneng binonyagan se kedita tadon pineokit te Espiritu Santo amon meinang kidon sebad lawa, aw binegayan se kedita tadon te Espiritu Santo meg-ogpà diyà te pedowan tadon.

2 Pedro 3:18

Keilangan gayed kaw meg-iling tepad te kèpiya ipegpemegay te Pengolo tadon si Jesu Cristo egpelowà kenitadon. Keilangan meg-iling kaw heman te kebenalan ipetaga-taga din diyà kenyo. Sikandin se iduyun seini aw lamig te wedad temanan. Metoman iyan.

1 Pedro 1:22

So nenenalan kaw den te kebenalan tepad ki Cristo, lininisan kaw den lekat te salà, aw ontò kaw den egpedekelay te pedowan. Meneng ibeg ko, labi kaw pa megpedekelay te pedowan.

2 Timoteo 2:1

Sikona Timoteo, iling ka te ontò batà ko. Pegpekagsen ka pineokit te tabang i Jesu Cristo.

Efeso 4:29

Ikà niyo palos eg-ikagi te medaet diyà te doma otaw. Meneng keilangan mèpiya se ikegiyen niyo diyà te doma otaw amon megkagsen dan aw ketebangan dan pineokit te kagi niyo. Aw meketepad se kagi niyo, yan ketebangan se otaw domineg kenyo.

2 Korinto 9:14

Aw yan se inangen niyo, ontò kaw dan kedekelan te pedowan, aw gayed dan megtawal-tawal tepad kenyo so ontò mèpiya se tabang te Timanem pineokit kenyo.

2 Korinto 7:7

Neluba a te pegdateng din dini, meneng labi a pa ontò neluba te peg-indan din kanak te keluba din tepad kenyo. Inindanan a din tepad te pegkelidò te pedowan niyo tandà te medaet ininang niyo kedengan. Doen son din ibeg niyo komità aw megtabang kanak. Pegketaga-taga ko kani, ontò a neluba.

1 Korinto 14:12

Sikiyo heman, aw meibeg kaw te kebiyasa ibegay te Espiritu Santo, yan mèpiya aw keibegan niyo se kebiyasa meketabang te menge doma niyo egsimba.

Roma 15:14

Menge kedowa ko, netegahan ko den te gayed mèpiya se eg-inangen niyo, aw tinoledaan kaw te kebenalan tepad te Timanem, aw mekebatog kaw heman megpetoledaay.

Impekità 3:17

so egduyun kaw te kenyo pegkeotawun te meyeyaman kaw, aw wedad den kolang te kedònan niyo. Meneng wedà niyo ketegahi te sikiyo se ontò nelimahan. Wedà niyo ketegahi te iling kaw te otaw sagkep, aw bota, aw wedad penenaktun.

Menge Hebreo 12:28

Yan keilangan megpesiontong kidon diyà te Timanem so sinakop kidon din diyà te peglowan din eked palos kebàti. Keilangan megsimba kidon heman kandin onawa te ibeg din inangen tadon, aw megsagman kidon heman kandin,

Filipos 1:11

Ibeg ko, olò metòlid se inangen niyo pineokit te tabang i Jesu Cristo kenyo. Yan ipelangkaw aw iduyun se Timanem.

1 Korinto 12:8

Se sebad otaw, doen imbegay te Espiritu Santo kandin kebiyasa amon megtoladà te kebenalan diyà te doma otaw. Se sebad otaw, doen imbegay te Espiritu Santo kandin kebiyasa amon meg-indan-indan te toladà amon mekelabet se doma otaw.

Mat. 25:22

Penga niyan, dimateng se sineligan binegayan din te dowa melalan, aw minikagi sikandin, ‘Sir, dowa melalan se imbegay no diyà kanak, aw doen den heman gamad ko dowa melalan.’