2 Korinto 8:6 - Manobo Sarangani

⁶ Na, ontò den neluba se pedowan ko, so dakel se imbowang te menge otaw kidoen te Masidonya. Yan se doun te somogò a ki Tito te lomikò doton kenyo, amon entagen din se pedowan niyo, amon tomanen niyo se pegtipon te bowang, so sikandin se migtebò mig-antag te pedowan niyo kedengan.

2 Korinto 8:6 ပူးပေါင်းရင်းမြစ်များ

2 Korinto 12:18

Lekat te ibeg ko, impedoton ko kenyo si Tito aw sìyan sebad kedowa tadon insogò ko doma kandin, meneng wedad pinemoyò din diyà kenyo. Onawa se eg-inangen day si Tito, so egsebad se pedowan day.

2 Korinto 8:19

Kenà olò nedengeg, meneng pinemallì heman sikandin te kedita te otaw nemenal ki Cristo amon tomaking kanak mengibing te bowang niyo diyà te menge otaw egpemenal nelimahan. Ibingen ko iyan doton kandan amon iduyun se Pengolo, aw amon ketebangan ko se menge otaw nelimahan doton.

2 Korinto 8:4

so ontò dan nemoyò diyà kanak aw mepakay dan memegay te bowang diyà te menge doma sakop te Timanem nelimahan.

1 Pedro 4:10

Medita se kinemoloan te kebiyasa imbegay te Timanem diyà te teg sebad-sebad kenitadon. Keilangan gemiten niyo te mèpiya se imbegay te Timanem kenyo amon megpetebangay kaw.

Filipos 4:18

Wedad den kepulukan ko so nekekinawà a den te kwarta impeibing niyo kanak, igsà doen pa samà. Wedad den kepulukan ko so binegayan a den i Epafrodito te impeibing niyo kanak. Iling iyan te metinadeg ipegbegay diyà te Timanem, so kinità din iyan aw neluba sikandin kenyan.

2 Korinto 9:5

Yan se doun te migsogò a kandan ki Tito kidoen te eked a pa doton, amon ipetagad dan se bowang tapay niyo impakang. Mèpiya aw tapay den iyan tiponen te eked a pa dateng doton. Ibeg ko, memegay kaw kenà lekat te leges, meneng lekat te keagka te pedowan niyo.

Ininang 24:17

Pengkey nenamay wedà a likò doton te Jerusalem, meneng dimoton a seini, so mig-ated a te kwarta itabang diyà te menge doma ko Judiyo nelimahan aw ibowang diyà te Timanem.

Roma 15:25

Meneng te eked a pa doton kenyo, onà a domoton te Jerusalem amon ibingen ko se kwarta itabang te menge sakop te Timanem doton,

2 Korinto 2:13

Meneng gayed netetana se pedowan ko, so wedà pa dateng doton se kedowa tadon si Tito lekat kidoen kenyo, aw penga niyan, nesayo a dimeleg doton te Masidonya.

2 Korinto 8:10

Na, pengkey eked ko sikiyo sogoi, meneng seini se aneng-aneng ko. Te monà omay, lekat te ibeg niyo se migtebò kaw migtipon te kwarta ibowang. Mèpiya aw tomanen niyo den se pegtipon kenyan.

2 Korinto 8:23

Na, si Tito, sikandin se doma ko megtoladà kenyo. Sìyan didowa otaw domoma kandin, yan se insogò te menge doma tadon nemenal ki Cristo. Iduyun tadon si Cristo pineokit te inang dan.