2 Korinto 8:3 - Manobo Sarangani

³ so lekat te keagka te pedowan dan, imbowang dan se nebatog dan imbegay. Netegahan ko te doen ibeg dan memegay te labi pa dakel,

2 Korinto 8:3 ပူးပေါင်းရင်းမြစ်များ

Filemon 1:14

Meneng eked ko sikandin temengi, so eked a keibeg aw meleges se tabang no kanak. Labi pa mèpiya aw lekat iyan te keagka te pedowan nikaw. Yan eked ko tomani se ontò ibeg ko singed aw mepakay iyan diyà kamno.

1 Korinto 16:2

Seini se inangen niyo. Kelikit te Linggo, itagò te teg sebad-sebad kenyo se kwarta ibegay lekat te neabat niyo te monà simana, amon tapay meketagad se ibowang niyo aw lomaoy a todà kidoen kenyo.

Ininang 11:29

Yan migsebad se pedowan te kedita te tege Antyokya egpemenal te megtabang dan te menge otaw egpemenal doton te Judiya. Imbowang te teg sebad-sebad otaw se nebatog dan imbegay.

1 Korinto 9:17

Meneng aw lekat te kanak ibeg se pegtoladà ko, yan se ontong ko aw togpoan a. Meneng kenà iyan lekat te kanak ibeg, so insalig te Timanem kanak se pegtoladà te Mèpiya Indan tepad ki Cristo, aw se keluba ko te pegtoladà ko, yan se ontong ko pengkey eked ko sikiyo petogpoi. Pengkey mepakay aw togpoan a te otaw toledaan ko te Mèpiya Indan, meneng eked a palos pemoyò te togpò lekat kandan.

1 Pedro 5:2

Peg-ipat kaw te menge otaw egtoledaan niyo, so insalig dan te Timanem diyà kenyo. Peg-ipat kaw kandan kenà lekat te pegkeleges, meneng lekat te kèpiya te pedowan niyo, so yan se ibeg te Timanem kenyo. Pengibing kaw kandan kenà amon tendanan kaw, meneng keilangan meagka se pedowan niyo te pegtabang niyo kandan.

1 Pedro 4:11

Aw insogò kaw te Timanem megtoladà, keilangan kagi te Timanem se itoladà niyo. Aw insogò kaw te Timanem megtabang te doma otaw, keilangan measeb kaw megtabang, so begayan kaw te Timanem te eneg. Aw iling kenyan se kedita te eg-inangen niyo, iduyun se Timanem pineokit te pegtabang i Jesu Cristo kenyo. Timanem se iduyun aw lomowan te wedad temanan. Metoman iyan.

1 Tesalonika 2:8

So dakel se pedowan day kenyo, ibeg day kenà olò megtoladà kay kenyo te Mèpiya Indan lekat te Timanem, meneng neketagad kay heman imetayan aw yan se meketabang kenyo. Ontò dakel se pedowan day kenyo.

Kolasas 4:13

Kinità ko te ontò sikandin measeb amon tebangan kaw aw menge otaw tege Layodisiya aw tege Hiropolis.

Filipos 2:13

so doen eg-inangen te Timanem kenyo amon meibeg kaw tomolò kandin, aw amon mekebatog kaw tomolò te ibeg din.

Roma 10:2

Netegahan ko te ontò dan measeb tomaking te ketanem pinemenalan dan tepad te Timanem. Meneng wedà dan ketaga-taga te kebenalan.

Galasya 4:15

Netegahan ko te ontò kaw neluba te kidoen a doma kenyo, so ontò se ibeg niyo megtabang kanak pengkey eden. Meneng iling te netodà den se pedowan niyo kanak.

Mar. 14:8

Ininang te bayi sìyan se mebatog din inangen. Pineokit te pegtoyong din te lana sìyan diyà kanak, impetagad a din te peglebeng kanak.