2 Korinto 8:2 - Manobo Sarangani

² Pengkey ontò dan nelimahan so pinemilang dan, meneng labi dan pa neluba, aw bowasag dan te pegpemegay dan te bowang, pengkey ontò dan sagkep,

2 Korinto 8:2 ပူးပေါင်းရင်းမြစ်များ

Santiago 2:5

Menge kedowa egkedekelan ko te pedowan, penenalan kaw te kagi ko seini. Pengkey deitek se kedònan te otaw sagkep dini te keneyonan, yan se otaw pinemallì te Timanem amon dakel se pegsalig dan kandin, aw mekeakop dan heman diyà te peglowan din, so yan se impakang din diyà te kedita te otaw doen dakel pedowan kandin.

Impekità 2:9

Netegahan ko te egtayod kaw te pegpemilang te doma otaw kenyo. Netegahan ko heman te ontò kaw sagkep, meneng meyaman kaw doton te langit. Netegahan ko heman te egbàtan-bàtan kaw te menge Judiyo. Pengkey eg-aneng-aneng dan te ontò dan Judiyo, meneng migpesakop dan diyà ki Satanas.

2 Korinto 6:10

Pengkey medita se kelidoan ko dini te keneyonan seini, meneng gayed doen luba ko lekat ki Cristo. Sagkep a, meneng dakel se ipegkeliwat ko diyà te doma otaw pineokit te pegtoladà ko kandan. Wedad kedònan ko dini te keneyonan, meneng doen dakel ontong intagò kanak doton te langit.

2 Korinto 9:13

Aw kitaen dan se pegtabang niyo kandan, iduyun dan se Timanem, so lekat te kebowasag niyo se pegtabang niyo kandan aw diyà te kedita te otaw. Iduyun dan heman se Timanem so egtoloen niyo se Mèpiya Indan tepad ki Cristo egseligan niyo.

1 Tesalonika 1:6

Netegahan day te pinemallì kaw te Timanem so neinang kaw iling kenami aw iling heman te Pengolo tadon. Pengkey pinemilang kaw tandà te pegpemenal niyo te kagi te Timanem, meneng binegayan kaw te Espiritu Santo te keluba te pedowan niyo.

Roma 12:8

Aw biyasa kaw egpekagsen te pedowan te doma otaw egpemenal, yan se keilangan inangen niyo. Aw ibeg te Timanem memegay kaw diyà te doma otaw nelimahan, keilangan bowasag kaw kandan. Aw inangen kaw te Timanem pengolo diyà te doma otaw, keilangan measeb kaw te pegpengolo niyo. Aw isogò kaw te Timanem menabang te doma otaw nelidò, keilangan meluba se pedowan niyo te pegtabang niyo kandan.

1 Tesalonika 2:14

Menge kedowa day, neinang kaw den iling te menge sakop te Timanem egpemenal ki Jesu Cristo doton te Judiya. Pinemilang dan te menge doma dan Judiyo, aw iling kaw kandan so pinemilang kaw heman te menge doma niyo kenà Judiyo.

2 Korinto 9:11

So dakel se imbegay te Timanem kenyo, mèpiya aw dakel heman se ibegay niyo diyà te doma otaw. Aw ibingen day se itabang niyo doton te menge doma otaw, ontò dan megpesiontong diyà te Timanem te pegkekinawà dan kenyan,

2 Korinto 1:12

Ontò a neluba, so netegahan ko te ontò metòlid se keogpà ko. Pengkey kenan a pesalo, aw labi pa doton kenyo, metòlid se keogpà ko aw mèpiya heman se tod ko kenà pineokit te kenaken kebiyasa, meneng pineokit te tabang te Timanem kanak.

Mat. 20:15

Wedad besi mekesagda kanak aw meibeg a memegay te kanak kwarta diyà te otaw pemellien ko. Miningà ka besi so neido a kandan.’”

Roma 2:4

Ikà niyo eg-aneng-aneng te eked kaw pelumuni te Timanem tandà te kedakel aw kedalem te pedowan din. Iling te nelibelan niyo te gayed medalem se pedowan te Timanem kenyo so ibeg din megselsel kaw.

2 Korinto 2:9

Yan se doun te simolat a kenyo kedengan tepad te otaw sìyan, amon ketegahan ko aw ontò niyo toloen se kedita te impunù ko kenyo tepad kandin.