2 Korinto 8:12 - Manobo Sarangani

¹² Aw meagka se pedowan niyo, mèpiya aw ibegay niyo se taman te mebatog niyo, so eked kaw legesi memegay te labi pa dakel kenyan.

2 Korinto 8:12 ပူးပေါင်းရင်းမြစ်များ

2 Korinto 9:7

Iling heman kenyan se otaw memegay. Keilangan lekat te ibeg te pedowan din. Medaet aw mebegat se pedowan te otaw memegay. Medaet heman aw meleges te doma otaw, so meluba se Timanem aw memegay se otaw lekat te keagka te pedowan din.

1 Pedro 4:10

Medita se kinemoloan te kebiyasa imbegay te Timanem diyà te teg sebad-sebad kenitadon. Keilangan gemiten niyo te mèpiya se imbegay te Timanem kenyo amon megpetebangay kaw.

Luc. 16:10

Aw keseligan se otaw pengkey deitek se isalig diyà kandin, keseligan heman sikandin aw dakel se isalig diyà kandin. Meneng aw eked keseligi se otaw aw deitek se isalig diyà kandin, eked heman sikandin keseligi te dakel.

2 Korinto 8:11

Kedengan te pegtebò niyo te pegtipon, ontò meagka se pedowan niyo. Mèpiya aw eked kaw lokas te pegtoman kenyan taman te mebatog niyo ibegay.

2 Korinto 8:13

Eked a keibeg aw megkeyaman se doma otaw pineokit te pegpemegay niyo kandan, aw penga niyan kelimahan kaw heman.

2 Korinto 8:19

Kenà olò nedengeg, meneng pinemallì heman sikandin te kedita te otaw nemenal ki Cristo amon tomaking kanak mengibing te bowang niyo diyà te menge otaw egpemenal nelimahan. Ibingen ko iyan doton kandan amon iduyun se Pengolo, aw amon ketebangan ko se menge otaw nelimahan doton.

Mat. 25:17

Iling heman kenyan se ininang te otaw binegayan din te dowa melalan, so doen gamad din dowa melalan.

Mat. 25:22

Penga niyan, dimateng se sineligan binegayan din te dowa melalan, aw minikagi sikandin, ‘Sir, dowa melalan se imbegay no diyà kanak, aw doen den heman gamad ko dowa melalan.’