2 Korinto 8:1 - Manobo Sarangani

¹ Na, menge kedowa ko, ibeg ko ipetaga-taga kenyo se ininang te menge otaw egpemenal ki Cristo kidoen te Masidonya, so pineokit te tabang te Timanem, mèpiya se ininang dan.

2 Korinto 8:1 ပူးပေါင်းရင်းမြစ်များ

Kolasas 1:29

Yan se doun te ontò a egpekagsen te pegtoladà ko kenyan pineokit te kagsen imbegay te Timanem kanak.

1 Tesalonika 4:10

aw netegahan day te dakel se pedowan niyo diyà te kedita te doma otaw egpemenal doton te kebelad te probinsya te Masidonya. Meneng menge kedowa day, ibeg day gayed niyo pedekelen se pedowan niyo kandan.

1 Korinto 15:10

Meneng pineokit te tabang te Timanem kanak, ininang a din sogounun i Cristo. Doen detengan te tabang din kanak, so labi a pa measeb diyà te kedita te doma sogounun i Cristo te peg-inang ko. Meneng kenà lekat te kanak eneg se nebatog ko, so Timanem se migtabang kanak.

Ininang 16:9

Pegdateng dan doton, doen impekità te Timanem diyà ki Pablo te delem. Kinità din iling te bawa te otaw tege Masidonya nemoyò, kagi din, “Ayas ka diyà te Masidonya aw tebangi kay.”

Efeso 3:8

Pengkey siak se ontò medanà diyà te kedita te sakop te Timanem, meneng pinemallì a din amon megtoladà kenyo menge otaw kenà Judiyo tepad te ontò mèpiya tabang i Cristo kenitadon eked tadon ontò kelebeti.

2 Korinto 9:2

so netegahan ko den te meibeg kaw megtabang kandan. Yan se induyun ko kenyo doton te menge otaw egpemenal ki Cristo doton te Masidonya, so doen ibeg niyo megtabang. Inikagi ko kandan kedengan te monà omay, neketagad kaw den kidoen te Gresya memegay te kwarta. Pegketaga-taga dan te meagka se pedowan niyo megtabang, keditaan dan heman meibeg megtabang.

Roma 15:26

so ibeg te menge otaw dini te probinsya te Masidonya aw Gresya, megtabang dan te menge sakop te Timanem nelimahan doton te Jerusalem.

Ininang 11:23

Mèpiya otaw si Bernabe aw simalig diyà te Pengolo aw egbeyà-beyaan heman te Espiritu Santo. Pegdateng din doton te Antyokya, neluba sikandin so kinità din te ontò dan tinebangan te Timanem. Migtoladà sikandin kandan te eked pegdowa-dowa se aneng-aneng dan, aw lobosen dan se pedowan diyà te Pengolo. Pegdineg dan te kagi din, medita se otaw nemenal diyà te Pengolo.

2 Korinto 11:9

Peg-ogpà ko kidoen kenyo, pengkey doen puluk ko, meneng wedà a pemoyò diyà kenyo, so se menge kedowa tadon nemenal doton te Masidonya, yan se nengibing te intogpò kanak. Wedà a palos pemoyò diyà kenyo, aw ibeg ko eked a palos pemoyò te tabang diyà kenyo.

2 Korinto 9:12

so aw doen ibegay niyo, ketebangan se menge sakop te Timanem nelimahan, aw medita heman se otaw megpesiontong diyà te Timanem.

2 Korinto 9:4

Aw doen menge tege Masidonya tomaking kanak te pegpesalo ko doton kenyo te Korinto, simpana kitaen dan te wedà kaw peketagad, siak se meyàyà, meneng sikiyo se labi pa meyàyà so induyun ko sikiyo te neketagad kaw den.

Ininang 24:17

Pengkey nenamay wedà a likò doton te Jerusalem, meneng dimoton a seini, so mig-ated a te kwarta itabang diyà te menge doma ko Judiyo nelimahan aw ibowang diyà te Timanem.

Mat. 25:22

Penga niyan, dimateng se sineligan binegayan din te dowa melalan, aw minikagi sikandin, ‘Sir, dowa melalan se imbegay no diyà kanak, aw doen den heman gamad ko dowa melalan.’