2 Korinto 7:8 - Manobo Sarangani

⁸ Pegsolat ko kenyo kedengan, mebegat se pedowan ko memegay kenyo te lidò pineokit te pegsagda ko kenyo. Meneng neluba a den, pengkey nelidò kaw te wedà kenamay te pegkekinawà niyo te solat ko.

2 Korinto 7:8 ပူးပေါင်းရင်းမြစ်များ

Impekità 3:19

Se kedita te otaw nedekelan ko te pedowan, yan se gayed ko egsegdahen, aw egtoledaan ko dan heman. Yan keilangan measeb kaw aw megselsel kaw, amon eked ko sikiyo pelumuni.

2 Korinto 7:11

Meneng eneng-enengi niyo ini. Mèpiya diyà te Timanem se pegkelidò niyo, so lekat niyan ontò niyo impekità te netodà den se eg-inangen niyo, so ontò kaw neopal diyà te otaw doton kenyo mig-inang te medaet, aw nelemitan kaw aw ipelumun kaw. Ontò kaw egkeibeg te todà megsebad se pedowan tadon, aw megtabang kaw heman kanak. Impelumun niyo den se sìyan otaw nekesalà kidoen. Tandà te kedita te ininang niyo, wedad den isila ko kenyo.

2 Korinto 7:6

Meneng gayed egsinelayen te Timanem se pedowan te otaw nelidò. Yan se ininang din kanak, so pegdateng i Tito dini kanak, yan migkèpiya se pedowan ko.

Juan 21:17

Mig-insà si Jesus te iketelo, “Simon, batà i Juan, ontò lay dakel se pedowan no kanak?” Nelidò se pedowan i Pedro so mig-insà si Jesus kandin te iketelo aw ontò dakel se pedowan din kandin. Timaba sikandin, “Pengolo, netegahan no se kedita. Netegahan no te ontò dakel se pedowan ko kamno.” Minikagi si Jesus, “Peg-ipat ka te menge sakop ko egkedekelan ko te pedowan.

Juan 16:6

Meneng nelidò beling se pedowan niyo so migtoladà a kenyo aw eden se domateng kwani diyà kenyo.

2 Korinto 7:7

Neluba a te pegdateng din dini, meneng labi a pa ontò neluba te peg-indan din kanak te keluba din tepad kenyo. Inindanan a din tepad te pegkelidò te pedowan niyo tandà te medaet ininang niyo kedengan. Doen son din ibeg niyo komità aw megtabang kanak. Pegketaga-taga ko kani, ontò a neluba.

2 Korinto 7:9

Songkani, neluba a, meneng kenà keluba te nelidò kaw, meneng neluba a so lekat niyan migselsel kaw, aw netodà se pedowan niyo, so yan se mèpiya diyà te Timanem amon doen ontong niyo pineokit kanak.

2 Korinto 7:12

Pegsolat ko kenyo kedengan, ibeg ko kenà olò ipelumun se otaw mig-inang te medaet kidoen, kenà olò sinelayen se otaw neinangan te medaet, meneng labi ko pa ontò ibeg ipekità diyà kenyo aw Timanem heman te ontò pa dakel se pedowan niyo kanak.