2 Korinto 7:7 - Manobo Sarangani

⁷ Neluba a te pegdateng din dini, meneng labi a pa ontò neluba te peg-indan din kanak te keluba din tepad kenyo. Inindanan a din tepad te pegkelidò te pedowan niyo tandà te medaet ininang niyo kedengan. Doen son din ibeg niyo komità aw megtabang kanak. Pegketaga-taga ko kani, ontò a neluba.

2 Korinto 7:7 ပူးပေါင်းရင်းမြစ်များ

Judas 1:3

Menge kedowa ko egkedekelan ko te pedowan, pengkey ontò dakel se ibeg ko somolat kenyo tepad te pegpelowà te Timanem te kedita tadon lekat te salà, meneng keilangan somolat a den kenyo te megpekagsen kaw te pegpemenal amon eked kaw dàgi te otaw meibeg peden megtodà te ontò kebenalan. Imbegay iyan te Timanem diyà te menge sakop din, aw eked iyan kepakay todaen.

2 Korinto 5:2

Dalem te wedà a pa kematay, ontò melima se keogpà ko. Ontò ko ibeg begayan a te Timanem te kaling lawa doton te langit.

2 Juan 1:4

Ontò neluba se pedowan ko, so kinità ko te doen menge batà no egtaking te kebenalan iling te punù te Timanem Amay diyà kenitadon.

Santiago 5:17

Eneng-enengi niyo si Elias gebii. Pengkey onawa se kandin pegkeotawun diyà kenitadon, meneng migtawal-tawal sikandin diyà te Timanem aw nemoyò te eked odan. Yan se doun te wedad palos odan lamig te telo se omay aw enem se bolan.

Menge Hebreo 2:1

So ontò melangkaw si Cristo, yan se doun te netegahan tadon den te keilangan ontò kidon menenalan te menge kebenalan intoladà kenitadon, amon eked kidon soway lekat kenyan.

1 Tesalonika 3:8

Mèpiya den se pedowan day so netegahan day den te nelobos se pegtaking niyo te Pengolo tadon.

1 Tesalonika 3:6

Meneng neluba kay den so minolì den si Timoteo dini kenami lekat kenyo, aw mèpiya se in-indan din kenami tepad te pegtaking niyo te Timanem aw pegpedekelay niyo te pedowan. Minikagi heman sikandin te mèpiya se aneng-aneng niyo tepad kenami, aw dimela kaw heman kenami onawa te pegdela day kenyo.

Kolasas 2:5

Pengkey wedad a doton kenyo, meneng gayed a eg-aneng-aneng kenyo. Neluba a te pegdineg ko te migsebad kaw aw ontò kaw simalig diyà ki Cristo.

Filipos 1:20

Ibeg ko, gayed ko inangen se kedita insalig te Timanem diyà kanak. Wedà a palos kelemitan te pegtoladà ko, labi den te aldaw songkani, amon gayed iduyun si Cristo pineokit kanak pengkey imetayan a aw eked a imetayi.

2 Korinto 8:16

Migpesiontong a diyà te Timanem, so lekat kandin se kedakel te pedowan i Tito kenyo, iling te kedakel te pedowan ko kenyo.

2 Korinto 2:9

Yan se doun te simolat a kenyo kedengan tepad te otaw sìyan, amon ketegahan ko aw ontò niyo toloen se kedita te impunù ko kenyo tepad kandin.

Roma 1:12

so ibeg ko megpekegsenay kidon te pedowan pineokit te kenitadon pegpemenal.

Ininang 11:23

Mèpiya otaw si Bernabe aw simalig diyà te Pengolo aw egbeyà-beyaan heman te Espiritu Santo. Pegdateng din doton te Antyokya, neluba sikandin so kinità din te ontò dan tinebangan te Timanem. Migtoladà sikandin kandan te eked pegdowa-dowa se aneng-aneng dan, aw lobosen dan se pedowan diyà te Pengolo. Pegdineg dan te kagi din, medita se otaw nemenal diyà te Pengolo.

Luc. 22:44

Ontò mebegat se pedowan din, aw yan se doun te ontò sikandin migtawal-tawal. Ontò sikandin pig-etingan iling te pegtedak te dipanog.]

Mat. 26:75

Yan neeneng-enengan i Pedro se tapay inikagi i Jesus te ibolon din sikandin te meketelo te eked pa pegkolaak se manok. Penga niyan, nesayo si Pedro aw ontò migkelag.

Mat. 5:4

“Doen keluba te kedita te otaw nelidò se pedowan dan, so sinelayen dan te Timanem.

1 Korinto 5:2

Pengkey medaet iyan, meneng gayed kaw pa egpelangkaw-langkaw. Keilangan melidò kaw beling aw ipelowà niyo se otaw mig-inang te medaet sìyan, amon eked sikandin pekedoma te menge otaw egpemenal.

2 Korinto 1:4

Pengkey eden se kelimahan ko, ontò a din egtebangan. Yan pengkey eden se kelimahan te doma otaw, meketabang a heman kandan pineokit te tabang imbegay te Timanem kanak.

2 Korinto 7:6

Meneng gayed egsinelayen te Timanem se pedowan te otaw nelidò. Yan se ininang din kanak, so pegdateng i Tito dini kanak, yan migkèpiya se pedowan ko.

2 Korinto 7:8

Pegsolat ko kenyo kedengan, mebegat se pedowan ko memegay kenyo te lidò pineokit te pegsagda ko kenyo. Meneng neluba a den, pengkey nelidò kaw te wedà kenamay te pegkekinawà niyo te solat ko.