2 Korinto 7:4 - Manobo Sarangani

⁴ Ontò ko sikiyo egseligan. Ontò ko sikiyo ipegduyun diyà te doma otaw. Ontò a neluba te pegdineg ko tepad kenyo. Pengkey ontò a nelimahan, meneng doen pa gayed keluba ko.

2 Korinto 7:4 ပူးပေါင်းရင်းမြစ်များ

2 Korinto 1:4

Pengkey eden se kelimahan ko, ontò a din egtebangan. Yan pengkey eden se kelimahan te doma otaw, meketabang a heman kandan pineokit te tabang imbegay te Timanem kanak.

2 Korinto 3:12

So netegahan ko te doen ketomanan te egpelimanan ko, yan se doun te egbengalen ko se pegtoladà ko. Kenà a iling ki Moises so wedad ipeg-eles ko. Penga te pegtoladà din, sinempengan din se bawa din amon eked kitai te menge doma din bowad-bowad i Israel se pegkewedad te keanyag diyà te bawa din.

Santiago 1:2

Menge kedowa ko, aw detengan kaw te menge kelimahan, keilangan ontò kaw meluba,

Kolasas 1:24

Pengkey kineleboso a, meneng neluba a den, so pineokit te kelimahan ko, melobos se pedowan niyo diyà ki Cristo. Pineokit te pegtayod ko te kelimahan, kelumunan ko se kelimahan ibeg i Cristo okitan ko amon ketebangan se kedita te otaw egpemenal, kedita tadon impolingun te lawa i Cristo.

Filipos 2:17

Aw imetayan a, meinang se dipanog ko iling te bino itoyong diyà te ayam-ayam sonogen, aw se tabang niyo kanak tandà te pegpemenal niyo iling te ayam-ayam toyongan kenyan aw ibegay diyà te Timanem. Aw metoman iyan, eked a den kepuluk meneng labi a pa meluba doma kenyo.

1 Korinto 1:4

Aw megtawal-tawal a diyà te Timanem, gayed a egpesiontong tepad kenyo, so ontò kaw din tinebangan pineokit ki Jesu Cristo.

1 Tesalonika 2:19

Ibeg ko lomaoy a doton kenyo so pineokit kenyo doen egpelimanan day, aw doen keluba day. Aw komità kay te Pengolo tadon si Jesus te peglikò din, eked kay keyàyà tepad kenyo,

1 Tesalonika 2:2

Te wedà kay pa doton kenyo, ontò medaet se ininang kenami, aw tinompuyus kay doton te Filipos. Meneng pegdateng day doton kenyo, tinebangan kay te Timanem aw yan wedad ketalaw day te pegtoladà day kenyo te Mèpiya Indan lekat te Timanem. Yan se ininang day pengkey medita se otaw migpoon kenami.

Filipos 1:20

Ibeg ko, gayed ko inangen se kedita insalig te Timanem diyà kanak. Wedà a palos kelemitan te pegtoladà ko, labi den te aldaw songkani, amon gayed iduyun si Cristo pineokit kanak pengkey imetayan a aw eked a imetayi.

2 Korinto 11:21

Meneng mikagi kaw besi te neyàyà a so eked a keibeg meg-iling kandan. Na, so mebolot dan domuyun te kandan pegkeotawun, mebolot a den heman domuyun te kanak pegkeotawun, meneng iling a te otaw wedad inenengen te peg-indan ko kani.

2 Korinto 8:24

Yan mèpiya aw ipekità niyo te dakel se pedowan niyo kandan, amon metaga-taga se menge doma otaw egpemenal ki Cristo doton te teg sebad-sebad lonsod te benal se inikagi ko te mèpiya se inang niyo.

2 Korinto 2:14

Meneng ontò a egpesiontong diyà te Timanem, so sikandin se nenalo kenitadon, aw impetaking kidon din te ibeg din, aw impeakop kidon din diyà ki Cristo. Insalig te Timanem diyà kenitadon se kebenalan tepad ki Cristo amon ipetaga-taga tadon iyan diyà te kedita te otaw, so mèpiya se kebenalan tepad ki Cristo, iling te sebad metinadeg keedekan pengkey kenan.

Roma 5:3

Doen heman doma ingkeluba tadon. Neluba kidon te doen den kelimahan tadon tandà te pegtaking tadon ki Cristo, so pineokit te pegtayod tadon te kelimahan, doen keilingan tadon amon eked kidon dàgi pengkey eden se domateng kenitadon.

Ininang 5:41

Pegkesayo te sogounun i Cristo, ontò neluba se pedowan dan, so aneng-aneng dan, pinemallì dan te Timanem amon pemilangen dan tandà te pegpemenal dan ki Jesus.

2 Korinto 7:14

Kedengan, induyun ko sikiyo diyà ki Tito. Wedà a den keyàyà, so netoman den se kagi ko kandin. Benal se kedakel te inikagi ko kenyo kedengan. Iling kenyan, benal heman se peg-indan ko ki Tito tepad kenyo, so netoman den iyan.

2 Korinto 10:8

Pengkey todà a heman mikagi te insogò a te Pengolo, eked a heman keyàyà so insogò a din kenà amon megbaet a te pegpemenal niyo, meneng amon megtabang a kenyo.

Filipos 1:14

Lekat te pegkeleboso kanak, labi den egsalig se keditaan te otaw egpemenal diyà te Pengolo tadon. Labi den migkagsen se ibeg dan megtoladà te kagi te Timanem, so wedad den lamit dan.

Filipos 1:26

Yan, aw eked a pa kematay, ontò kaw heman domuyun ki Jesu Cristo so mekelikò a doton kenyo.

2 Tesalonika 1:4

Yan se doun te sikiyo se ipegduyun day te peglaoy day te menge doma otaw egpemenal doton te menge doma lonsod, so eg-indan kay kandan te gayed kaw egpemenal te Timanem pengkey ontò kaw egpemilangen aw egkelimahan.

Filemon 1:7

Ontò neluba se pedowan ko tandà te kedakel te pedowan no te menge doma otaw. Neantag se pedowan ko, so pineokit kamno neluba se kedita te otaw migpesakop diyà te Timanem.