2 Korinto 7:3 - Manobo Sarangani

³ Se inikagi ko seini kenà sila ko kenyo. Egsobloden ko pa se inikagi ko, ontò ko sikiyo nedekelan te pedowan. Gayed dakel se pedowan ko pengkey eden se domateng kenitadon.

2 Korinto 7:3 ပူးပေါင်းရင်းမြစ်များ

1 Tesalonika 2:8

So dakel se pedowan day kenyo, ibeg day kenà olò megtoladà kay kenyo te Mèpiya Indan lekat te Timanem, meneng neketagad kay heman imetayan aw yan se meketabang kenyo. Ontò dakel se pedowan day kenyo.

2 Korinto 13:10

Insolat ko tapay ini kenyo te wedà a pa pesalo kidoen, amon wedad segdahen ko aw domateng a doton, so tapay kaw timolò. Benal insogò a te Pengolo kenà amon kebàtan kaw, meneng amon ketebangan kaw.

2 Korinto 12:15

Meluba a memegay te kedakel te kwarta ko aw kepagod ko amon kèpiyaan kaw. Pengkey deitek se pedowan niyo kanak, meneng ontò dakel se pedowan ko kenyo.

2 Korinto 11:11

Meneng pengkey eked a pemoyò te togpò lekat kenyo, ikà niyo eg-aneng-aneng te wedà ko sikiyo kedekeli te pedowan. Netegahan iyan te Timanem te ontò dakel se pedowan ko kenyo.

2 Korinto 7:12

Pegsolat ko kenyo kedengan, ibeg ko kenà olò ipelumun se otaw mig-inang te medaet kidoen, kenà olò sinelayen se otaw neinangan te medaet, meneng labi ko pa ontò ibeg ipekità diyà kenyo aw Timanem heman te ontò pa dakel se pedowan niyo kanak.

2 Korinto 3:2

Sikiyo se iling te solat megpekilala kanak doton te kedita te doma otaw, so nemenal kaw den ki Cristo lekat te pegtoladà ko.

Filipos 1:7

Mèpiya se eg-eneng-enengen ko tepad te kedita niyo, so gayed dakel se pedowan ko kenyo. Tinebangan kaw te Timanem aw tinebangan a din heman, pengkey te pegkeleboso kanak, aw pegpetaga-taga ko te benal se Mèpiya Indan tepad ki Cristo.