2 Korinto 7:13 - Manobo Sarangani

¹³ Yan se doun te neluba a, so netoman se ibeg ko sìyan. Pengkey neluba a kenyan, meneng labi a pa neluba te pegkità ko te keluba te pedowan i Tito pineokit te mèpiya se inang te kedita niyo.

2 Korinto 7:13 ပူးပေါင်းရင်းမြစ်များ

2 Korinto 7:6

Meneng gayed egsinelayen te Timanem se pedowan te otaw nelidò. Yan se ininang din kanak, so pegdateng i Tito dini kanak, yan migkèpiya se pedowan ko.

1 Korinto 16:13

Nayan, peg-ahà kaw. Lobosi niyo se pedowan te pegsalig niyo ki Cristo. Ikà niyo egketalaw, meneng pekeaseb kaw.

1 Korinto 12:26

Aw elegen se sebad, imenmanen te kedakel te lawa se kesakit. Aw iduyun se sebad, yan meluba se kedakel te lawa.

Roma 15:32

Penga niyan, aw meibeg se Timanem, ontò a meluba aw domoton a kenyo, aw megkagsen se pedowan ko aw komità a kenyo.

1 Pedro 3:8

Nayan, seini pa se ipunù ko kenyo. Keilangan megsebad kaw te aneng-aneng niyo aw pedowan niyo. Keilangan dakel se pedowan niyo te menge doma otaw egpemenal, aw keilangan megpeidoway kaw heman. Keilangan megpedanà kaw te kenyo pegkeotawun.

Filemon 1:20

Doun niyan, Elew, keidowi a bag so sakop ki te Pengolo tadon. Tomani se ibeg ko amon meluba se pedowan ko so telekedowa ki tandà te pegpemenal ta ki Cristo.

2 Timoteo 1:16

Meneng ibeg ko keidowan te Pengolo tadon si Onesiforo aw pamilya din, so pegdateng din dini te Roma, nengemahà sikandin kanak lamig kinità a din. Melikit sikandin eglaoy kanak aw neantag se pedowan ko pineokit kandin. Wedà sikandin keyàyà pengkey kineleboso a.

Filipos 2:28

Yan ontò a meibeg megsogò kandin doton kenyo amon meluba kaw te pegkità niyo kandin. Aw meluba kaw, meowà se ketetana ko tepad kenyo.

2 Korinto 7:15

Labi pa dakel se pedowan i Tito kenyo seini, so gayed din egkeeneng-enengan se pegtolò te kedita niyo te punù impeibing ko kandin, aw ontò meagka se pedowan niyo migsagman kandin.

2 Korinto 2:13

Meneng gayed netetana se pedowan ko, so wedà pa dateng doton se kedowa tadon si Tito lekat kidoen kenyo, aw penga niyan, nesayo a dimeleg doton te Masidonya.

2 Korinto 2:3

Simolat a kenyo kedengan amon tòliden niyo se inang niyo, amon eked a niyo kebegayi te lidò aw domoton a. Sikiyo peden se memegay kanak te luba, so netegahan ko den aw tomolò kaw te insolat ko, yan meluba se kedita tadon.

Roma 12:15

Aw doen keluba te doma otaw, keilangan meluba kaw heman doma kandan. Aw doen kepuluk te doma otaw, keilangan mepuluk kaw heman doma kandan.

1 Korinto 16:18

Migkagsen se pedowan ko pineokit kandan, aw netegahan ko te migkagsen heman se kenyo pedowan pineokit kandan. Mèpiya aw iduyun niyo se otaw iling kandan.

2 Korinto 7:14

Kedengan, induyun ko sikiyo diyà ki Tito. Wedà a den keyàyà, so netoman den se kagi ko kandin. Benal se kedakel te inikagi ko kenyo kedengan. Iling kenyan, benal heman se peg-indan ko ki Tito tepad kenyo, so netoman den iyan.

Filemon 1:7

Ontò neluba se pedowan ko tandà te kedakel te pedowan no te menge doma otaw. Neantag se pedowan ko, so pineokit kamno neluba se kedita te otaw migpesakop diyà te Timanem.