2 Korinto 7:11 - Manobo Sarangani

¹¹ Meneng eneng-enengi niyo ini. Mèpiya diyà te Timanem se pegkelidò niyo, so lekat niyan ontò niyo impekità te netodà den se eg-inangen niyo, so ontò kaw neopal diyà te otaw doton kenyo mig-inang te medaet, aw nelemitan kaw aw ipelumun kaw. Ontò kaw egkeibeg te todà megsebad se pedowan tadon, aw megtabang kaw heman kanak. Impelumun niyo den se sìyan otaw nekesalà kidoen. Tandà te kedita te ininang niyo, wedad den isila ko kenyo.

2 Korinto 7:11 ပူးပေါင်းရင်းမြစ်များ

Roma 14:18

Aw yan se inangen te kedita tadon egtolò ki Cristo, meluba se Timanem kenitadon, aw mikagi heman se doma otaw te mèpiya se eg-inangen tadon.

2 Timoteo 2:15

Pegpekeaseb ka te eg-inangen no amon meluba se Timanem kamno. Keilangan metòlid se pegtoladà no te kagi te Timanem amon wedad mekeyàyà kamno.

2 Korinto 7:7

Neluba a te pegdateng din dini, meneng labi a pa ontò neluba te peg-indan din kanak te keluba din tepad kenyo. Inindanan a din tepad te pegkelidò te pedowan niyo tandà te medaet ininang niyo kedengan. Doen son din ibeg niyo komità aw megtabang kanak. Pegketaga-taga ko kani, ontò a neluba.

Impekità 3:19

Se kedita te otaw nedekelan ko te pedowan, yan se gayed ko egsegdahen, aw egtoledaan ko dan heman. Yan keilangan measeb kaw aw megselsel kaw, amon eked ko sikiyo pelumuni.

Judas 1:23

Pegtabang kaw kandan, so iling te megpelowà kaw kandan lekat te apoy. Keidowi niyo heman se menge doma otaw mig-inang te medaet, meneng peg-ahà kaw amon eked kaw keboyo meg-iling kandan.

1 Pedro 2:2

Keilangan gayed kaw meg-iling te ontò kagi te Timanem, iling te deitek batà gayed egkeibeg somoso. Pineokit te peg-iling niyo te kagi te Timanem, megketesan se pegsalig niyo diyà kandin,

1 Pedro 1:17

Metòlid se peg-okom te Timanem te kedita te otaw tepad te ininang te teg sebad-sebad kenitadon. Aw egtewalen niyo den sikandin Amay niyo, keilangan ontò kaw megsagman kandin dalem te peg-ogpà niyo dini lanto te tanà.

Menge Hebreo 4:1

Nayan, doen pa ketomanan te pakang te Timanem te meg-ogpà kidon doma din doton te mèpiya ogpeanan impetagad din. Yan keilangan meg-ahà kidon amon aw domateng se aldaw te peg-okom, wedad peden diyà kenitadon eked peogpai doton.

Tito 3:8

Ontò benal se insolat ko kamno seini. Ibeg ko, ontò ka megtoladà te kedita te sìyan insolat ko kamno, amon ontò measeb se kedita te otaw nemenal te Timanem meg-inang te mèpiya, so mèpiya iyan peg-ilingan aw doen ontong te otaw tomolò kenyan.

Filipos 2:12

Yan menge kedowa ko egkedekelan ko te pedowan, pegdoma ko kenyo kedengan, gayed kaw egtolò te ibeg te Timanem. Pengkey wedad a den doton kenyo seini, meneng keilangan labi kaw pa megpekeaseb te pegtolò niyo kandin aw pegsagman niyo kandin, lamig mesikop se pegpelowà din kenyo,

Efeso 5:11

Ikà niyo eg-inabut te inang wedad ontong eg-inangen te menge sakop te kengitngitan. Meneng keilangan ipekità niyo te medaet se eg-inangen dan.

Efeso 4:26

Aw doen ikeopal niyo, ikà niyo eg-inang te medaet. Pegwedadi niyo se keopal te eked pa sallep se aldaw,

2 Korinto 13:7

Megtawal-tawal a diyà te Timanem tepad kenyo amon metòlid se inangen niyo. Kenà ibeg ko ipekità kenyo te metòlid se eg-inangen ko, meneng ibeg ko inangen niyo se metòlid, pengkey wedad otaw metaga-taga te insogò a i Cristo megpelumun kenyo.

2 Korinto 9:2

so netegahan ko den te meibeg kaw megtabang kandan. Yan se induyun ko kenyo doton te menge otaw egpemenal ki Cristo doton te Masidonya, so doen ibeg niyo megtabang. Inikagi ko kandan kedengan te monà omay, neketagad kaw den kidoen te Gresya memegay te kwarta. Pegketaga-taga dan te meagka se pedowan niyo megtabang, keditaan dan heman meibeg megtabang.

2 Korinto 7:1

Menge kedowa ko egkedekelan ko te pedowan, so yan se menge pakang te Timanem kenitadon, mèpiya aw ontò tadon lobosen se aneng-aneng aw eg-inangen tadon, amon ontò kidon megketòlid pineokit te pegtolò tadon te Timanem.

2 Korinto 6:4

Pengkey eden se inangen ko, ipekità ko te metòlid se keogpà ko, so keilangan metòlid se eg-inangen te menge otaw insogò te Timanem. Impekità ko den iyan pineokit te pegtayod ko te menge kelimahan.

2 Korinto 2:6

Botongi niyo den se pegpelumun kandin, so migselsel den sikandin.

1 Korinto 12:25

Yan kenà egpedindilay se menge kinemoloan diyà te lawa tadon, meneng egpetebangay se kedita niyan.

1 Korinto 5:2

Pengkey medaet iyan, meneng gayed kaw pa egpelangkaw-langkaw. Keilangan melidò kaw beling aw ipelowà niyo se otaw mig-inang te medaet sìyan, amon eked sikandin pekedoma te menge otaw egpemenal.

Roma 11:20

Benal se kagi din sìyan te sinelilinan se menge Judiyo, meneng tinepò dan te Timanem so wedà dan pemenal. Inselilin kaw din so nemenal kaw. Yan peg-ahà kaw. Ikà niyo egpelangkaw-langkaw.

Ininang 17:16

Dalem te pegtagad i Pablo doton te Atenas, ontò nepuluk se pedowan din, so ontò medita se inotaw egdogsoan te otaw eg-ogpà kidoen.

Juan 2:17

Pegkità te menge tinoledaan din te ininang din, neeneng-enengan dan se kagi insolat kidoen te kagi te Timanem gebii, “E Timanem, ontò meinit se pedowan ko, so ontò meelagà se balay no diyà kanak.”

Mar. 3:5

Timengteng si Jesus diyà te kedita dan, aw neopal sikandin so nelidò se pedowan din tandà te kagsen te olo dan. Penga niyan, minikagi sikandin diyà te otaw nekepis se belad, “Oladi se belad nikaw.” Peg-olad din te belad din, pegketà migkèpiya iyan.

2 Korinto 7:9

Songkani, neluba a, meneng kenà keluba te nelidò kaw, meneng neluba a so lekat niyan migselsel kaw, aw netodà se pedowan niyo, so yan se mèpiya diyà te Timanem amon doen ontong niyo pineokit kanak.

Roma 3:5

Meneng doen besi menge otaw eg-aneng-aneng te mepakay aw meg-inang kidon te medaet, so pineokit kenyan, ontò metaga-taga se doma otaw te metòlid se Timanem, aw yan eked kepakay aw ipelumun te Timanem se otaw eg-inang te medaet. Doen besi menge otaw eg-aneng-aneng iling kenyan.

1 Tesalonika 4:6

Yan keilangan wedad palos otaw meg-inang te salà tepad kenyan aw meglegawa te doma otaw. Yan se impunù day kenyo kedengan, so ipelumun te Timanem se otaw eg-inang te medaet iling kenyan.

1 Timoteo 5:20

Meneng aw mekesalà se egpengibing te simbahan, pegsagda ka kandin te pegketipon te kedita te otaw egpemenal, amon melemitan se menge doma otaw meg-iling kandin.

Santiago 3:17

Meneng se otaw doen kebiyasa lekat te Timanem, yan se otaw kenà eg-inang te medaet, kenà egsamok, gayed mèpiya se pedowan din, kenà metugul, gayed egkeido aw egpenabang te doma, kenà egdowa-dowa, meneng melobos se pedowan din.