2 Korinto 7:1 - Manobo Sarangani

¹ Menge kedowa ko egkedekelan ko te pedowan, so yan se menge pakang te Timanem kenitadon, mèpiya aw ontò tadon lobosen se aneng-aneng aw eg-inangen tadon, amon ontò kidon megketòlid pineokit te pegtolò tadon te Timanem.

2 Korinto 7:1 ပူးပေါင်းရင်းမြစ်များ

1 Tesalonika 4:7

Tinawal kidon te Timanem kenà amon meg-inang kidon te medaet, meneng tinawal kidon din amon meg-inang kidon te metòlid.

1 Pedro 2:11

Meneng menge kedowa ko egkedekelan ko te pedowan, kenà keneyonan seini se ontò ogpeanan niyo, aw olò kaw iling te mepanaw dini lanto te tanà. Yan megpunù a den kenyo te keilangan eked kaw taking te medaet ibeg te lawa niyo, so pineokit kenyan kebàtan se pegtaking niyo te Timanem.

Santiago 4:8

Aw megpedapag kaw diyà te Timanem, megpedapag heman sikandin diyà kenyo. Sikiyo eg-inang te salà, lengà kaw den. Sikiyo otaw egdowa-dowa te kenyo pegpenimanem, ontò niyo den lobosi se pedowan niyo.

1 Juan 3:3

Aw ontò egpeliman se otaw te metoman iyan, yan se otaw megpelobos te kandin pedowan wedad salà iling ki Cristo.

1 Tesalonika 5:23

Ibeg day, ontò kaw linisan te Timanem egpemegay te kelinaw te pedowan. Ibeg day tonggoan din heman se pedowan niyo, aw aneng-aneng niyo, aw lawa niyo, amon wedad palos isila kenyo te peglikò te Pengolo tadon si Jesu Cristo.

1 Pedro 1:22

So nenenalan kaw den te kebenalan tepad ki Cristo, lininisan kaw den lekat te salà, aw ontò kaw den egpedekelay te pedowan. Meneng ibeg ko, labi kaw pa megpedekelay te pedowan.

1 Korinto 6:20

so ontò meelagà se imbayad din kenyo. Yan keilangan mèpiya se inangen niyo amon iduyun se Timanem.

1 Juan 1:7

Meneng aw egtaking kidon te kelowahan iling te Timanem eg-ogpà diyà te kelowahan, yan migpesigelakay se kedita tadon egtaking kandin, aw dipanog te Batà din si Jesus se ipeg-onaw kenitadon lekat te kedakel te salà tadon.

Menge Hebreo 4:1

Nayan, doen pa ketomanan te pakang te Timanem te meg-ogpà kidon doma din doton te mèpiya ogpeanan impetagad din. Yan keilangan meg-ahà kidon amon aw domateng se aldaw te peg-okom, wedad peden diyà kenitadon eked peogpai doton.

Mat. 5:48

Yan, keilangan melobos se pedowan niyo iling te kelobos te pedowan te Amay niyo Timanem doton te langit.”

Mat. 5:8

“Doen keluba te kedita te otaw melobos se pedowan dan tomaking te Timanem, so komità dan kwani kandin.

1 Juan 1:9

Meneng aw mikagi kidon te benal doen salà tadon, yan pegwedaden te Timanem se salà tadon, aw onawan kidon din lekat te medaet ininang tadon, so egkeseligan sikandin aw metòlid heman se eg-inangen din.

Efeso 2:3

Kedengan, iling heman kenyan se kedita tadon, so gayed kidon egtaking te medaet ibeg te pedowan tadon. Pengkey eden se ibeg te lawa aw aneng-aneng tadon, yan se eg-inangen tadon. So yan se ketanem tadon, detengan kidon peden te pelumun te Timanem iling te kedita te otaw kenà egtolò kandin.

Roma 5:20

Impekeliwat te Timanem se menge punù din ki Moises, amon metaga-taga kidon te ontò dakel se salà ininang tadon. Meneng pengkey dakel se salà ininang tadon, labi pa dakel se tabang te Timanem kenitadon.

1 Pedro 5:10

Pengkey nelimahan kaw den seini, meneng mepenga iyan te eked kenamay. Gayed egtabang se Timanem, aw tinawal kaw din amon megdoma kaw kandin te wedad temanan tandà te pegsebad niyo diyà ki Cristo. Penga te pegtayod niyo te kelimahan, Timanem se meg-inang kenyo mesikop aw domasel, aw sikandin se memegay kenyo te eneg din.

Menge Hebreo 12:28

Yan keilangan megpesiontong kidon diyà te Timanem so sinakop kidon din diyà te peglowan din eked palos kebàti. Keilangan megsimba kidon heman kandin onawa te ibeg din inangen tadon, aw megsagman kidon heman kandin,

Menge Hebreo 12:23

Nekeakop kidon den doma te menge batà te Timanem insolat se ngadan dan doton te langit. Wedad den kelemitanan tadon diyà te Timanem meg-osay te kedita, so impeakop kidon din diyà te kedita te menge doma sakop din nematay den aw ininang din den ontò metòlid doton te langit.

1 Tesalonika 3:13

Yan lobosen din se pedowan niyo kandin, aw wedad palos isila te Amay tadon Timanem kenyo te aldaw te peglikò te Pengolo tadon si Jesu Cristo tekingan te kedita te sakop te Timanem.

2 Korinto 1:20

so metoman se kedita te pakang te Timanem pineokit kandin, aw yan se doun te eg-ikagi kay te kebenalan pineokit kandin amon iduyun tadon se Timanem.

Ininang 9:31

Penga niyan, wedad den migsamok te otaw egpemenal doton te kedita te lonsod te Judiya aw Galiliya aw Samarya. Nelobos se pedowan dan, aw timolò dan te Pengolo, aw migtabang se Espiritu Santo kandan.

Mat. 12:33

“Aw mèpiya se kayo, mèpiya heman se pongo niyan. Aw medaet se kayo, medaet heman se pongo niyan. Aw kitaen niyo se pongo te kayo, ketegahan niyo aw eden kemoloi se kayo sìyan.

Menge Hebreo 6:9

Menge kedowa ko egkedekelan ko te pedowan, pengkey yan se kagi ko kenyo, meneng netegahan ko den te labi pa mèpiya se domateng kenyo tandà te pegpelowà te Timanem kenyo lekat te salà.

1 Pedro 1:15

So wedad palos salà te Timanem timawal kenyo, yan keilangan wedad palos heman salà inangen niyo.

1 Pedro 1:17

Metòlid se peg-okom te Timanem te kedita te otaw tepad te ininang te teg sebad-sebad kenitadon. Aw egtewalen niyo den sikandin Amay niyo, keilangan ontò kaw megsagman kandin dalem te peg-ogpà niyo dini lanto te tanà.