2 Korinto 6:9 - Manobo Sarangani

⁹ Pengkey doen menge otaw eked pegsagman kanak, meneng nedengeg a pa diyà te doma otaw. Pengkey doen meibeg mengimatay kanak, meneng egtebangan a te Timanem. Pengkey impeokit a te Timanem diyà te kelimahan amon toledaan a din, meneng wedà a kematay.

2 Korinto 6:9 ပူးပေါင်းရင်းမြစ်များ

Roma 8:36

Doen insolat kidoen te kagi te Timanem tepad te menge kelimahan sìyan, “Gayed kay agpet imetayan tandà te pegtaking day kamno. Yan eg-ilingen kay te menge ayam-ayam karniro agpet iyawen.”

2 Korinto 11:6

Pengkey wedad nael kebiyasa ko megtoladà iling te doma otaw, meneng ontò a biyasa te kebenalan. Netegahan niyo den te ontò benal se intoladà ko kenyo.

2 Korinto 4:2

Ontò ko pig-ekedan se medaet inang, sìyan megbolon aw mekeyàyà. Wedà a peglegawa te doma otaw. Meneng ontò ko binangal se pegtoladà te kagi te Timanem. Netegahan te Timanem te kebenalan se intoladà ko, aw netegahan iyan te kedita te otaw.

1 Korinto 4:9

Aneng-aneng ko, doen ibeg te Timanem te medanà se pegkeotawun day aw menge doma sogounun i Cristo, aw lindoan kay iling te otaw kineleboso aw agpet imetayan, so egkitaen kay te kedita dini te keneyonan, pengkey otaw aw menge anghil eleg heman egpengità kenami.

2 Korinto 5:11

Nayan, so netegahan ko den te ontò melangkaw se Pengolo egsinelowen ko, yan se doun te gayed a egtoladà te menge otaw amon memenal dan. Netegahan den te Timanem te nelobos se pedowan ko kandin, aw ibeg ko metaga-taga kaw heman te doen kelobos te pedowan ko diyà te Timanem.

1 Korinto 15:31

Menge kedowa ko, Pengolo tadon si Jesu Cristo se netaga-taga te benal a neluba kenyo. Netegahan din heman te agpet a eg-imetayan te kelikit te aldaw tandà te pegtaking ko kandin.

1 Korinto 11:32

Meneng aw impelumun kidon den te Pengolo, mèpiya iyan, so yan se toladà din kenitadon te keilangan tomolò kidon kandin, amon eked kidon pekeakop te pelumun din te modi aldaw diyà te otaw kenà egpemenal.

Roma 15:19

aw pineokit te menge kepelahan egkeinang, aw pineokit te tolos te Espiritu Santo. Yan migtoladà a te Mèpiya Indan tepad ki Cristo doton te kedita te ogpeanan lekat te Jerusalem taman te Ilirico.

Ininang 25:26

Meneng wedà ko ketegahi aw eden se isolat ko diyà te melangkaw pengolo tadon si Cesar tepad te otaw seini. Yan impeangay ko sikandin amon menenalan ka Agripas aw kedita niyo. Penga niyan, indani a aw eden se isolat ko,

Ininang 25:19

Meneng kenà, so ibeg dan olò megdindil tepad te ketanem dan aw tepad te sebad otaw nematay si Jesus, meneng minikagi si Pablo te neantay lekat te nematay.

Ininang 19:26

Meneng kinità niyo den besi si Pablo, aw dinineg niyo heman se inikagi din. Wedad son din kekemowan te inotaw eg-inangen te otaw, so kenà ekon timanem. Medita se otaw nenenalan kandin, pengkey dini te Efeso aw doton heman te kedita te doma lonsod te Asya.

Ininang 17:18

Doen menge menenoladà sakop te menge Epicuriano aw Estoiko migdindil ki Pablo. Migtompuyus se sebad, kagi din, “Wedad besi ontong te intoladà te metibelisì sìyan.” Doen doma minikagi, “Egtoladà besi tepad te menge doma timanem egsimbahen doton te mediyò ogpeanan.” Minikagi dan kenyan so migtoladà si Pablo tepad ki Jesus aw keentayan.