2 Korinto 6:8 - Manobo Sarangani

⁸ Pengkey iduyun a aw tompuyusen a te doma, meneng gayed ko ipedeleg se inang ko diyà te Timanem. Pengkey medaet aw mèpiya se kagi dan tepad kanak, aw pengkey doen mikagi te bolelawun a, meneng eked ko iyan penenelani so benal se ipegtoladà ko.

2 Korinto 6:8 ပူးပေါင်းရင်းမြစ်များ

Mat. 27:63

aw minikagi dan, “Sir, doen neeneng-enengan day. Te wedà pa kematay se otaw sìyan migpelingo-lingo Misiyas, minikagi sikandin te meantay lekat te nematay te iketelo te aldaw.

1 Pedro 4:14

Aw tompuyusen kaw tandà te pegtaking niyo ki Cristo, keilangan meluba kaw, so egbeyà-beyaan kaw te Espiritu Santo melangkaw.

Impekità 3:9

Nayan, se menge otaw migpesakop diyà ki Satanas, eden dan aw ontò dan Judiyo, so migpelingo-lingo dan olò te egtaking dan kanak. Ipesagman ko dan diyà kenyo amon ketegahan dan te sikiyo se ontò ko egkedekelan te pedowan.

1 Timoteo 4:10

Yan se doun te egpekagsen kidon te eg-inangen tadon so egseligan tadon se Timanem wedad temanan din. Sikandin se megpelowà te kedita te otaw, aw labi din pa ipelowà se kedita tadon egpemenal ki Jesu Cristo.

Ininang 28:22

Meneng netegahan day olò te doen ekon otaw doton te kedita te doma lonsod neopal diyà te menge otaw egpemenal. Yan ibeg day menenalan te kamno kagi.”

Ininang 24:5

Netegahan day te ontò medaet se otaw seini, so egsemoken din se kedita te Judiyo dini te kebelad te keneyonan, aw sikandin se egpengibing te menge otaw egpemenal te sebad otaw tege Nasarit.

3 Juan 1:12

Ipegduyun si Demetrio te kedita te otaw, so egtaking sikandin te Timanem aw impekità din iyan pineokit te mèpiya inang din. Ipegduyun ko heman sikandin, aw netegahan no heman te benal se kagi ko.

Menge Hebreo 13:13

Yan, impelowà kidon den lekat te menge punù ingkeliwat i Moises. Keilangan tenanan tadon se kedita niyan aw tomaking kidon te Pengolo tadon nematay doton te lowà te lonsod. Keilangan eked kidon kelemitan aw pemilangen kidon tandà te pegtaking tadon kandin, so pinemilang heman sikandin.

Roma 3:8

Simpana benal iyan, mepakay peden aw meg-inang kidon te medaet amon iduyun se Timanem. Meneng kenà iyan benal. Doen otaw egbaet-baet kanak so eden dan aw yan se ipegtoladà ko. Meneng mèpiya aw ipelumun te Timanem se otaw egtoladà iling kenyan.

Ininang 22:12

Doen sebad otaw eg-ogpà kidoen si Ananias ontò measeb egtolò te punù ingkeliwat i Moises aw induyun te kedita te Judiyo.

Ininang 16:39

Yan dimoton dan te keleboso amon ipelowà dan. Migpeido-ido dan ki Pablo aw si Silas, aw pigbalaw-balaw dan te mesayo dan lekat te Filipos.

Ininang 10:22

Timaba dan, “Insogò kay te sebad serhinto si Cornelio olo te sebad gatos sondalo. Sikandin se otaw egpenimanem aw egtolò te Timanem, aw induyun sikandin te medita Judiyo. Doen anghil te Timanem migpunù kandin te ipeangay ka din amon megtoladà ka kandin.”

Ininang 6:3

Menge kedowa day, mèpiya aw pemellien niyo se pito meama, sìyan mèpiya otaw egbeyà-beyaan te Espiritu Santo aw ontò biyasa. Penga niyan, sikandan se meneped te togpò,

Ininang 5:13

Doen menge doma otaw wedà akop diyà te otaw egpemenal tandà te ketalaw dan, meneng dimuyun dan te menge otaw egpemenal.

Ininang 4:21

Meneng labi pa miglamit se menge obanen te simbahan kandan aw migpelowà dan kandan, so wedà dan ketegahi aw eden se ipelumun dan kandan, so dimuyun se kedita te otaw te Timanem te pegkegolì te otaw kapig.

Juan 7:12

Medita se otaw netipon kidoen te pista, aw migpedindilay dan tepad ki Jesus. Doen menge otaw minikagi, “Mèpiya otaw sikandin.” Doen heman menge doma otaw minikagi, “Kenà, so eg-akal sikandin te otaw pineokit te ipegtoladà din.”

Mar. 12:14

Pegdateng dan doton ki Jesus, minikagi dan, “Sir, netegahan day te kenà ka egkebolalaw. Netegahan day heman te pengkey sinu se otaw toledaan nikaw, gayed ka egtoladà te kebenalan tepad te ibeg te Timanem. Nayan, doen insà day kamno. Lomàpang kidon lay te menge punù ingkeliwat i Moises aw mayad kidon te mihoras diyà te gobirno te Roma? Mepakay lay aw eked?”

Mat. 22:16

Penga niyan, doen menge tinoledaan dan aw menge sakop i Herod insogò dan doton ki Jesus. Minikagi dan diyà kandin, “Sir, netegahan day te kenà ka egkebolalaw. Netegahan day heman te pengkey sinu se otaw toledaan no, ontò benal se ipegtoladà no diyà kandan tepad te ibeg te Timanem.

Mat. 10:25

Keilangan meluba se meiskwilahay aw mapet se kelangkaw din diyà te kelangkaw te meistro migtoladà kandin. Keilangan meluba heman se sineligan aw mapet se kelangkaw din diyà te kelangkaw te amo din. Netegahan niyo den te tinawal a te doma otaw Belsebul, se doma ngadan i Satanas. Na, aw medaet se intawal dan te Pengolo niyo, labi pa medaet se itawal dan kenyo menge sakop ko.”

1 Timoteo 3:7

Keilangan mèpiya se eg-inangen din amon segmanen sikandin te menge otaw kenà egpemenal, so aw pemellien se otaw kenà egsegmanen, mekeyèyaay besi sikandin aw keekalan i Satanas.

2 Korinto 1:18

Egkeseligan se Timanem, aw netegahan din te ontò benal se intoladà ko kenyo.

2 Korinto 4:2

Ontò ko pig-ekedan se medaet inang, sìyan megbolon aw mekeyàyà. Wedà a peglegawa te doma otaw. Meneng ontò ko binangal se pegtoladà te kagi te Timanem. Netegahan te Timanem te kebenalan se intoladà ko, aw netegahan iyan te kedita te otaw.

2 Korinto 11:21

Meneng mikagi kaw besi te neyàyà a so eked a keibeg meg-iling kandan. Na, so mebolot dan domuyun te kandan pegkeotawun, mebolot a den heman domuyun te kanak pegkeotawun, meneng iling a te otaw wedad inenengen te peg-indan ko kani.

2 Korinto 12:16

Pengkey benal wedad pinemoyò ko kenyo, meneng doen ekon eg-ikagi te mig-akal a kenyo aw miglegawa.

1 Tesalonika 2:3

Kenà kebolalaw se ipegtoladà day. Kenà heman medaet se tod day. Kenà heman amon meg-akal kay kenyo.