2 Korinto 6:3 - Manobo Sarangani

³ Ontò ko eg-imendayan se eg-inangen ko amon wedad otaw meg-eked te pegpemenal, aw amon wedad isila te ipegtoladà ko tepad te Pengolo.

2 Korinto 6:3 ပူးပေါင်းရင်းမြစ်များ

Roma 14:13

Yan ikà niyo egsila te ketanem egtekingan te menge doma sakop i Cristo. Meneng keilangan eneng-enengen niyo tepad te ketanem egtekingan niyo amon eked kedàti se menge doma sakop i Cristo tandà te eg-inangen niyo, aw amon wedad heman otaw meboyo meg-inang te salà.

1 Korinto 9:12

Aw mepakay se pegpenogpò niyo te menge doma menenoladà, sikami se labi pa niyo togpoan, so sikami se onà migtoladà kenyo. Pengkey mepakay aw memoyò kay te togpò lekat kenyo, meneng wedà kay palos pemoyò. Pengkey nelimahan kay, meneng wedà kay palos pemoyò lekat kenyo, amon eked kebelebagi se menge otaw menenalan te Mèpiya Indan intoladà day tepad ki Cristo.

Mat. 17:27

Meneng eked ki keibeg aw doen meopal kenita. Yan doton ka te lanaw aw pegtonton ka te selab. Kitaen no se kwarta selapì doton te bahà te tagnà ikan meabat nikaw. Botong iyan te keilangan ibegay ta diyà te simbahan. Ebati iyan aw begayi diyà te menge otaw egpengabat.”

1 Korinto 9:22

Peg-ilingan ko se inang te menge otaw wedà ontò ketoledai tepad te pegtaking ki Cristo, amon ketebangan ko dan. Gayed a timaking te inang te kedita te otaw, amon pineokit te pegtoladà ko, doen menge otaw mekelowà lekat te pegpelumun te Timanem.

2 Korinto 8:20

Ibeg ko, ontò imendayan se pegpengibing day te dakel bowang sìyan, amon wedad otaw mekesila kenami.

2 Korinto 1:12

Ontò a neluba, so netegahan ko te ontò metòlid se keogpà ko. Pengkey kenan a pesalo, aw labi pa doton kenyo, metòlid se keogpà ko aw mèpiya heman se tod ko kenà pineokit te kenaken kebiyasa, meneng pineokit te tabang te Timanem kanak.

Mat. 18:6

“Meneng aw doen otaw mekebaet te pegpemenal te mengisù egkeidowan ko, ontò medaet se pelumun domateng diyà kandin. Labi pa mèpiya aw iketan se lieg din te dakel bato aw idagdag doton te lawod.

Ininang 19:27

Medaet iyan, so wedad nael otaw mayad te eg-inangen tadon. Medaet heman so wedad den megsagman te simbahan te melangkaw inotaw tadon si Diana. Sikandin se egsimbahen te kedita te otaw dini te Asya aw doton te kebelad te keneyonan. Ontò medaet aw eked dan pegtawal-tawal kandin.”